Անցկացվեց «Ապակենտրոնացում և տեղական տնտեսական զարգացում» տեղական ժողովրդավարության համաժողովը

Անցկացվեց «Ապակենտրոնացում և տեղական տնտեսական զարգացում» տեղական ժողովրդավարության համաժողովը

12.11.2018

Նոյեմբերի 12-ին անցկացվեց «Ապակենտրոնացում և տեղական տնտեսական զարգացում» տեղական ժողովրդավարության համաժողովը:

Այն մեկ հարկի ներքո համախմբեց տեղական ինքնակառավարման համակարգի շահագրգիռ կողմերին՝ համայնքապետերի և ավագանու անդամների, նրանց ասոցիացիաների,կառավարության և խորհրդարանի, ինչպես նաև տեղական հասարակական կազմակերպությունների և միջազգային գործակալությունների ներկայացուցիչների,ազգային և միջազգային փորձագետների:

Ողջույնի խոսքում ՀՀ տարածքային կառավարման և զարգացման նախարարի առաջին տեղակալ Վաչե Տերտերյանը hայտարարեց՝ մեծ կարևորություն են տալիս համաժողովի թեմատիկային, քանի որ այս ժամանակաշրջանում ինչպես շատ եվրոպական երկրների, այնպես էլ ՀՀ-ի համար տեղական ժողովրդավարության մեջ էական դերակատարություն են ստանում ապակենտրոնացման  խնդիրները. «Տնտեսական զարգացման մարտահրավերներն ուղիղ արտապատկերվում են տեղական ժողովրդավարության վրա, թե′ տնտեսական ուղղվածությամբ և ազդեցությամբ, թե′ որպես հետևանք անուղղակի ազդեցություն ունեն նաև տեղական ժողովրդավարության ուղղակի խնդիրների վրա, մասնավորապես բնակչությանը մատուցվող ծառայությունների և այլ խնդիրների վրա»:

Հայաստանում Եվրոպայի խորհրդի գրասենյակի ղեկավար Նատալիա Վուտովան ուշադրություն հրավիրեց այն հանգամանքի վրա, որ երբ խոսում ենք տեղական ինքնակառավարման մասին, պետք է հասկանանք, որ գործ ունենք քաղաքացիների և նրանց կողմից ընտրված ներկայացուցիչների հետ. «Այս ներկայացուցիչներն ունեն շատ կարևոր դերակատարություն, նրանք պետք է ներկայացնենք հանրության շահերը և նրանց ամենօրյա կյանքը որակյալ դարձնեն: Ընտրված ներկայացուցիչները չպետք է մոռանան, որ առաջնայինն այն մարդիկ են, որոնք ընտրել են իրենց»:

Նատալիա Վուտովան կարևորեց նաև տեղական իշխանությունների՝ բավարար չափով ինքնավարությունը:

Խարկովի տարածքային խորհրդի նախագահ, Ուկրաինայի տեղական և տարածքային իշխանությունների ասոցիացիայի նախագահ,Արևելյան գործընկերության տարածքային և տեղական իշխանությունների կոնֆերանսի (CORLEAP) անդամ Սերգեյ Չերնովը կարևորեց տեղական ինքնակառավարման մակարդակում քաղաքացիների ձայնի լսելի լինելը և տեղական իշխանությունների՝ ինքնուրույն որոշումների կայացման ու պատասխանատվության ստանձնումը:

Հայաստանի համայնքների միության նախագահ Էմին Երիցյանն իր ելույթում նշեց՝ Հայաստանում կարիք ունենք ապակենտրոնացման նոր քաղաքականության. «Երբ տեղական իշխանությունները չունեն բավարար ռեսուրսներ, լիազորություններ, ազատություն գործելու, նրանք դառնում են զուտ վարչական միավորներ և որևէ դերակատարում չեն ստանում: Կարծես կրկնակի փորձում ենք մոտիվացնել կենտրոնական իշխանություններին, որ ապակենտրոնացումը ոչ միայն ժողովրդավարության խնդիր է, այլև տնտեսական զարգացման, մարդկանց կյանքի որակի խնդիր և այն ավելի նպատակային պիտի իրականացնել»:

Էմին Երիցյանը հավելեց՝ ուղերձն է նոր իշխանություններին, որպեսզի ներկայացնեն հասարակությանը, թե ինչ ճանապարհով պիտի գնանք և ինչ ուղերձներ պիտի ստանանք:

Համաժողովի թեմատիկ քննարկումների ընթացքում անդրադարձ կատարվեց տեղական տնտեսական զարգացմանը վերաբերող միջազգային քաղաքականություններին և ռազմավարություններին, տեղական տնտեսական զարգացումը խթանող հատուկ նախաձեռնություններին:

Քննարկումների «Դավոսյան ձևաչափը» յուրաքանչյուր քննարկման փորձագետներին հնարավորություն տվեց հակիրճ ներկայացնել իրենց մոտեցումը՝ մանրամասնելով դրանք մասնակիցների հետ հաջորդող ինտերակտիվ քննարկումների ընթացքում:

Համաժողովը կազմակերպվեց Հայաստանի համայնքների միության, Հայաստանի Տարածքային կառավարման և զարգացման նախարարության, Արևելյան գործընկերության տարածքային և տեղական իշխանությունների կոնֆերանսի, Եվրոպայի խորհրդի Տեղական և տարածքային իշխանությունների կոնգրեսի համատեղ ջանքերով:


ՆՈՐՈՒԹՅՈՒՆՆԵՐ

Միջազգային զարգացման խորհրդատու Անտոնիո Կաստրոն հյուրընկալվեց Հայաստանի համայնքների միությունում
Միջազգային զարգացման խորհրդատու Անտոնիո Կաստրոն հյուրընկալվեց Հայաստանի համայնքների միությունում

20:53

21 01 2019

Հունվարի 21-ին Հայաստանի համայնքների միությունում (ՀՀՄ) հյուրընկալվեց միջազգային զարգացման...

Նորընտիր Ազգային ժողովից ակնկալիքները մեծ են
Նորընտիր Ազգային ժողովից ակնկալիքները մեծ են

12:22

21 01 2019

Ազգային ժողովն էապես կարող է տարբերվել նախորդ բոլոր գումարումներից միայն հանրային խորհրդակցական...

Համայնքներն էական ֆինանսական կորուստ են ունենում. Հայաստանի համայնքների միության նախագահը դիմում է վարչապետի պաշտոնակատարի միջամտությանը
Համայնքներն էական ֆինանսական կորուստ են ունենում. Հայաստանի համայնքների միության նախագահը դիմում է վարչապետի պաշտոնակատարի միջամտությանը

16:57

11 01 2019

Հայաստանի համայնքների միության նախագահ Էմին Երիցյանը դիմել է ՀՀ վարչապետի պաշտոնակատար Նիկոլ...

ՏԻՄ-ՔՀԿ սեմինար քննարկում՝ Վանաձորում
ՏԻՄ-ՔՀԿ սեմինար քննարկում՝ Վանաձորում

13:35

21 12 2018

Դեկտեմբերի 21-ին՝ Վանաձորի տեխնոլոգիական կենտրոնում «Կառուցողական երկխոսության...

Ծաղկաձորում անցկացվեց Հայաստանի համայնքների միության հանրապետական խորհրդի նիստը
Ծաղկաձորում անցկացվեց Հայաստանի համայնքների միության հանրապետական խորհրդի նիստը

13:30

20 12 2018

Դեկտեմբերի 9-10-ին Ծաղկաձորում անցկացվեց Հայաստանի համայնքների միության հանրապետական խորհրդի...

Անհավասար մոտեցում. Երևանում մեկ բնակչին բաժին ընկնող եկամուտները 2,5 անգամ ավելին են, քան մյուս համայնքներում
Անհավասար մոտեցում. Երևանում մեկ բնակչին բաժին ընկնող եկամուտները 2,5 անգամ ավելին են, քան մյուս համայնքներում

10:26

20 12 2018

Դեկտեմբերի 19-ին Ծաղկաձորում տեղի ունեցավ Հայաստանի համայնքների միության ֆինանսաբյուջետային...