ԵԽ Կոնգրեսի փոխնախագահը կարևորել է տեղական իշխանությունների վարչական և ֆինանսական անկախությունը շրջակա միջավայրի պահպանության հարցերում
26.01.2021
Եվրոպայի խորհրդի տեղական և տարածքային իշխանությունների կոնգրեսը և Եվրոպայի խորհրդի խորհրդարանական վեհաժողովը բարձր են գնահատում տեղական իշխանությունների դերը կլիմայական փոփոխությունների դեմ պայքարում: Այս թեմայով կազմակերպվել է առցանց հանդպում, որի ընթացքում քննարկվել են, թե ինչ պարտականություններ ունեն խորհրդարանականներն ու տեղական մակարդակում ընտրված պաշտոնյաները կլիմայական փոփոխությունների դեմ պայքարում:
Քննարկման ընթացքում բարձր է գնահատվել տեղական ընտրված պաշտոնյաների դերը՝ ապահովելով և զարգացնելով ժողովրդավարական մեխանիզմները, առանց որոնց կառավարությունները չեն կարողանա հաջողել իրականացնել կլիմայական փոփոխությունների հարմարվելու գործողությունները:
Կոնգրեսի փոխնախագահ Գանն Մարի Հելգեսենը հայտարարել է. «Կլիմայական ճգնաժամը, դրա առողջապահական, տնտեսական և սոցիալական հետևանքները լուրջ փորձություն են տեղական ժողովրդավարության ներկայացուցիչների համար Եվրոպայում և ամբողջ աշխարհում: Կլիմայի փոփոխության դեմ պայքարի ազգային և միջազգային մակարդակում որոշված միջոցները կարող են հաջողություն ունենալ միայն այն դեպքում, եթե որոշիչ ներդրում ունենան տեղական և տարածաշրջանային ընտրված ներկայացուցիչները»:
ԵԽ կոնգրեսը կոչ է անում մոբիլիզացնել տեղական և տարածքային իշխանությունների ջանքերն ու գործողությունները՝ շրջակա միջավայրի անվտանգության ու քաղաքացիների առողջության պաշտպանման հարցում:
Կոնգրեսի փոխնախագահը նաև կարևոր է համարել, որպեսզի Տեղական ինքնակառավարման եվրոպական խարտիայում ևս մեկ դրույթ ավելացվի, որը կապահովի տեղական իշխանությունների վարչական և ֆինանսական անկախությունը շրջակա միջավայրի պահպանության հարցերում:
Լինելով Նորվեգիայի տեղական և տարածքային իշխանությունների ասոցիացիայի առաջին փոխնախագահ՝ Գան Մարի Հելգեսենը վստահեցրել է՝ տեղական և տարածքային շխանությունները բոլոր գործոններով առաջնագծում են կլիմայական փոփոխությունների դեմ պայքարի հարցում՝ ներառյալ հողային բաժանումները, տրանսպորտի հարցերը և այլն:
21:40
26 04 2024
Ապրիլի 26-ին Երևանում տեղի է ունեցել ԵՀ «Քաղաքապետերի դաշնագիր՝ Արևելք»...
20:28
03 04 2024
Ապրիլի 1-2-ին ԵՀ «Քաղաքապետերի դաշնագիր՝ Արևելք» տարածաշրջանային ծրագրի ղեկավար...
20:53
01 04 2024
Ապրիլի 1-ին ՀՀ տարածքային կառավարման և ենթակառուցվածքների նախարարությունում (ՏԿԵՆ) տեղի է...
12:37
07 12 2023
Երևանում դեկտեմբերի 5-6-ին անցկացվել է «Համայնքային էներգետիկ կառավարման համակարգի...
10:04
01 11 2023
Եվրոպայի խորհրդի տեղական և տարածքային իշխանությունների կոնգրեսը (ԵԽ Կոնգրես) մտահոգություն է...
13:26
30 10 2023
Ստրասբուրգում անցկացված Եվրոպայի խորհրդի տեղական և տարածքային իշխանությունների կոնգրեսի (ԵԽ...
22
Նմբ
26
Հոկ
25
Հոկ