Ստրասբուրգում հոկտեմբերի 26-28-ն անցկացվող Եվրոպայի խորհրդի Տեղական և տարածքային իշխանությունների կոնգրեսի (ԵԽ Կոնգրես) 41-րդ նստաշրջանի ընթացքում պատվիրակները քննարկեցին նաև ապակենտրոնացման խնդիրները:

Կոնգրեսը հանձնարարական ընդունեց Հյուսիսային Մակեդոնիայի իշխանություններին ուղղված: Մասնավորապես հանձնարարականում նշվում է. «Հյուսիսային Մակեդոնիայում իշխանությունների կողմից ապակենտրոնացմանն ուղղված քաղաքական հանձնառություն է նկատվում, սակայն օրենսդրության և պրակտիկայի ավելի հստակություն է անհրաժեշտ՝ երկրում ապակենտրոնացման բարեփոխման հետագա բարելավման համար»:

Կոնգրեսի համազեկուցող Հարալդ Բերգմանը հայտարարեց. «Այնուամենայնիվ, իրավասությունների բաշխման վերաբերյալ օրենքում և պրակտիկայում առկա է հստակության մշտական բացակայություն, ինչը հանգեցնում է դրանց համընկնմանը»: Նա նաև ընդգծեց, որ տեղական իշխանություններին անհրաժեշտ են համապատասխան ֆինանսական ռեսուրսներ՝ իրենց հանձնառությունները կատարելու համար, քանի որ համայնքները շարունակում են մեծապես կախված մնալ կենտրոնական կառավարության տրանսֆերտներից: 

Համազեկուցողը նաև կարևորել է համայնքների տրվող ֆինանսական աջակցության ծավալների մեծացումը: