Հանրային լսում Գյումրիում՝ տրանսպորտային ռազմավարության և գործողությունների ծրագրի նախագիծը ներկայացնելու նպատակով
01.08.2022
Հուլիսի 28-ին Գյումրու համայնքապետարանում Վանաձորի, Գյումրու և Լեհաստանի Պիլա քաղաքների համայնքապետարանների համագործակցությամբ ԵՄ ֆինանսավորմամբ իրականացվող «Դաշինք՝ հանուն կայուն և կանաչ կառավարման» (ԿԿԿ ԴԱՇԻՆՔ), ABC.GoV: Alliance for Better City Governance) ծրագրի շրջանակներում տեղի է ունեցել հանրային բաց լսում և քննարկում։
Նպատակն էր Գյումրի համայնքում տրանսպորտային ռազմավարության և գործողությունների ծրագրի նախագիծը ներկայացնել ՏԻՄ-ին և հանրությանը։ Որպես զեկուցող հանդես է եկել «Դաշինք՝ հանուն կայուն և կանաչ կառավարման» (ԿԿԿ ԴԱՇԻՆՔ), ABC.GoV: Alliance for Better City Governance) ծրագրի «տրանսպորտային հարցերով փորձագետ Դավիթ Մելքոնյանը։
Ողջույնի խոսքով հանդես է եկել Գյումրու քաղաքապետ Վարդգես Սամսոնյանը։ Քննարկմանը մասնակցել են Գյումրի համայնքի ավագանու անդամներ, համայնքապետարանի տրանսպորտի բաժնի պետը և աշխատակիցներ, հասարակական կազմակերպությունների ներկայացուցիչներ, տրանսպորտի ոլորտի խոշոր արտադրող «Յութոնգ» ընկերության ներկայացուցիչներ, ԿԿԿ Դաշինք ծրագրի ղեկավար Նատալյա Լափաուրին, ծրագրի աշխատակազմը և քաղաքացիներ։
Վանաձորի, Գյումրու և Լեհաստանի Պիլա քաղաքների համայնքապետարանների համագործակցությամբ ԵՄ ֆինանսավորմամբ իրականացվող «Դաշինք՝ հանուն կայուն և կանաչ կառավարման» (ԿԿԿ ԴԱՇԻՆՔ), ABC.GoV: Alliance for Better City Governance) ծրագրի բաղադրիչներից մեկը Վանաձոր և Գյումրի քաղաքներում հանրային տրանսպորտի համակարգի բարելավումն է, որին հասնելու նպատակով մշակվել է տրանսպորտային ռազմավարության և գործողությունների ծրագրի նախագիծ։ Նշված փաստաթղթի նպատակն է Գյումրի և Վանաձոր համայնքներում ներդնել արդյունավետ և բարձր արտադրողականությամբ ներհամայնքային կանոնավոր ուղևորափոխադրումների երթուղային ցանց՝ հիմքում դնելով անվտանգ, էկոլոգիապես մաքուր և սպասարկման բարձր որակ ապահովող տրանսպորտային միջոցների շահագործման անհրաժեշտությունը, ինչպես նաև ներդնել ներհամայնքային կանոնավոր ուղևորափոխադրումների միջազգային չափանիշներին համապատասխան տոմսավավերացման էլեկտրոնային համակարգ։
Հանրային լսման արդյունքները կհրապարակվեն առաջիկայում։
02:58
17 05 2024
2024 թվականի հունիսի 11-ից մինչև 13-ը նշվող ԵՄ Կայուն էներգիայի շաբաթվա (EU Sustainable Energy...
02:50
17 05 2024
2024 թվականի հունիսի 11-ից մինչև 13-ը նշվող ԵՄ Կայուն էներգիայի շաբաթվա (EU Sustainable Energy...
07:25
14 05 2024
Արդեն ավանդական դարձած ԵՄ Կայուն էներգիայի շաբաթը (EU Sustainable...
21:40
26 04 2024
Ապրիլի 26-ին Երևանում տեղի է ունեցել ԵՀ «Քաղաքապետերի դաշնագիր՝ Արևելք»...
20:28
03 04 2024
Ապրիլի 1-2-ին ԵՀ «Քաղաքապետերի դաշնագիր՝ Արևելք» տարածաշրջանային ծրագրի ղեկավար...
20:53
01 04 2024
Ապրիլի 1-ին ՀՀ տարածքային կառավարման և ենթակառուցվածքների նախարարությունում (ՏԿԵՆ) տեղի է...
22
Նմբ
26
Հոկ
25
Հոկ