Աշխատանքային սեմինար «Քաղաքապետերի դաշնագիր» ծրագրի շրջանակում
24.05.2017
Մայիսի 22-23 տեղի ունեցավ «Համայնքային կառույցների ադապտացում և Արտանետումների ելակետային կադաստրի (ԱԵԿ), ինչպես նաև Կայուն էներգիայի զարգացման և կլիմայի պահպանության գործողությունների ծրագրի մշակում (ԿԷԶԿՊԳԾ)» թեմայով երկօրյա ուսուցողական սեմինար և աշխատանքային քննարկում:
Ողջույնի խոսքով հանդես եկան Հայաստանում ԵՄ պատվիրակության համագործակցության բաժնի ղեկավարի տեղակալ Գրեգորի Ցուրիսը, Հայաստանի համայնքների միության նախագահ Էմին Երիցյանը և ՀՀ տարածքային կառավարման և զարգացման նախարարության աշխատակազմի տեղական ինքնակառավարման հարցերի համակարգման բաժնի պետ Կարեն Բակոյանը:
Միջացառմանը մասնակցում էին Քաղաքապետերի դաշնագիրը ստորագրած համայնքների ներկայացուցիչները, ՀՀ տարածքային կառավարման և զարգացման, ՀՀ Էներգետիկ ենթակառուցվածքների և բնական պաշարների նախարարությունների, Էներգախնայողության հիմնադրամի ներկայացուցիչները, ինչպես նաև էներգետիկայի, էներգախնայողության և լուսավորության ոլորտների մի շարք փորձագետներ:
Քաղաքապետերի դաշնագիր կլիմայի և էներգետիկայի համար ծրագիրը համախմբում է տեղական իշխանություններին, որոնք կամավոր կերպով հանձնառում են իրենց համայնքներում ներդնել ԵՄ կլիմայի և էներգախնայողության նպատակները: Նոր ստորագրողները հանձնառել են կրճատել CO2 արտանետումները 30%-ով մինչև 2030 թվականը:
2016 թ. յոթ նոր հայկական համայնքներ միացան Քաղաքապետերի դաշնագրին: Ստորագրողները դեռ չեն անցել գործողությունների պլանի մշակմանը և աջակցության կարիք ունեն ոչ միայն համապատասխան համայնքային կառույցների ձևավորման (օրինակ էներգետիկ կառավարիչների նշանակում), այլև Արտանետումների ելակետային կադաստրի (ԱԵԿ), ինչպես նաև Կայուն էներգիայի զարգացման և կլիմայի պահպանության գործողությունների ծրագրի (ԿԷԶԿՊԳԾ) մշակման գործում:
Սեմինարի առաջին օրվա դասընթացը հիմնված էր տեսական մոտեցումների վրա ՝ նպաստելու տեղական էներգետիկ կառավարման կառույցների ստեղծմանը, որին հաջորդեց պրակտիկ ուսումնական քննարկում:
Հայաստանում «Քաղաքապետերի դաշնագիր` Արևելք» ծրագրի փորձագետ Արտեմ Խարազյանը ներկայացրեց «Քաղաքապետերի դաշնագիրը հանուն կլիմայի և էներգիայի» ծրագրի նոր պարտավորություններն ու մարտահրավերները, ինչպես նաև անդրադարձ կատարեց նոր Դաշնագրի անբաժանելի մաս հանդիսացող հարմարվողականության բաղադրիչին:
Աշխատանքային ժողովի ընթացքում մեկընդմեջ հարցաթերթիկների միջոցով անցկացվեց մասնակիցների նախնական և ձեռքբերված գիտելիքների ստուգում:
12:37
07 12 2023
Երևանում դեկտեմբերի 5-6-ին անցկացվել է «Համայնքային էներգետիկ կառավարման համակարգի...
10:04
01 11 2023
Եվրոպայի խորհրդի տեղական և տարածքային իշխանությունների կոնգրեսը (ԵԽ Կոնգրես) մտահոգություն է...
13:26
30 10 2023
Ստրասբուրգում անցկացված Եվրոպայի խորհրդի տեղական և տարածքային իշխանությունների կոնգրեսի (ԵԽ...
19:09
26 10 2023
Եվրոպայի խորհրդի տեղական և տարածքային իշխանությունների կոնգրեսի (ԵԽ կոնգրես) 45-րդ նստաշրջանի...
16:11
24 10 2023
Ստրասբուրգում մեկնարկել է Եվրոպայի խորհրդի տեղական և տարածքային իշխանությունների կոնգրեսի (ԵԽ...
23:47
22 10 2023
Ստրասբուրգում հոկտեմբերի 24-26-ին կանցկացվի Եվրոպայի խորհրդի տեղական և տարածքային...
22
Նմբ
26
Հոկ
25
Հոկ