Էմին Երիցյանի ուղերձը տեղական ինքնակառավարման օրվա կապակցությամբ

Էմին Երիցյանի ուղերձը տեղական ինքնակառավարման օրվա կապակցությամբ

10.11.2018

Շնորհավորում եմ տեղական ինքնակառավարման օրվա առիթով

Հարգելի համայնքապետեր,

Ավագանու անդամներ,

Համայնքային ծառայողներ,

Սրտանց շնորհավորում եմ Հայաստանում տեղական ինքնակառավարման օրվա առիթով։

Հայաստանում տեղական ինքնակառավարման 22-ամյա ճանապարհը հեշտ չի անցել,սակայն հաստատուն առաջ է գնացել։

Քաղաքական ու հանրային միջավայրը մշտապես փոփոխվում են, ու տեղական ինքնակառավարումը յուրաքանչյուր նման շրջափուլով անցնելուց ավելի է ամրապնդվում պետականության հիմնասյունի իր էության մեջ։ Դա ևս մեկ անգամ փաստվեց ապրիլյան հեղափոխության օրերին, երբ կաթվածահար էր պետական ողջ համակարգը, ենթակառուցվածքները, միևնույն ժամանակ, համայնքները շարունակում էին ամենօրյա ռեժիմով ապահովել ծառայությունները՝ բանակի հետ միաժամանակ այդ փուլում դառնալով երկրի կենսագործունեության երաշխավորը։

Հայաստանում համայնքները միշտ եղել են ու կլինեն պետականության գաղափարախոսության կրող, իսկ համայնքային կացութաձևը մեզանում գոյություն է ունեցել նույնիսկ ազգային պետականության բացակայության պատմական ժամանակահատվածներում։ Ընդգծելով 22-ամյակը, մենք տեղական ինքնակառավարման ներկա համակարգի պատմական հաշվարկն ենք անում։ Այդպիսով, տեղական ինքնակառավարման պատմական արմատներն ու փորձն ավելի խորն են, ուստի տեղական ինքնակառավարման ինստիտուտի որևէ կերպ նսեմացումը ցանկացածի կողմից անթույլատրելի է։

Նշելով տեղական ինքնակառավարման օրը որպես պետական տոն՝ մենք առաջին հերթին առանցքում դնում ենք մարդկանց՝ ընտրված անձանց՝ համայնքապետերին ու ավագանու անդամներին, համայնքային ծառայողներին, աշխատակիցներին։ Դուք առանձնահատուկ դերակատարում ունեք հանրային կյանքում, գործում ենք ձեր բնակիչների վստահության քվեով, ձեր լեգիտիմությունն անվիճելի է։

Սրանով հանդերձ, տեղական ժողովրդավարությունը նոր մարտահրավեր ունի։ Դա քաղաքացիների ու տեղական իշխանությունների, քաղաքացիների ու իշխանության վստահության հարցն է։ Սա մարտահրավեր է դարձել ողջ աշխարհում, բոլոր կառավարությունների ու տեղական իշխանությունների համար։ Սա մեզանում կրկնակի նշանակալի դարձավ թավշյա հեղափոխությունից հետ։

Տեղական ժողովրդավարությունն անհնար է առանց վստահության։ Այսօր իրողություն է, որ ընտրողների մեծամասնության մանդատ ունենալը կայուն վստահության երաշխիք չէ։ Փոքր խմբերը, շահերի խմբերը իրենց նկատմամբ ուշադրություն են ուզում։ Նրանք սկսում են էական դերակատարում ստանձնել, երբեմն փակուղու առաջ կանգնեցնելով համայնքների կենսագործունեությունը։

Ուստի, տեղական իշխանությունները պետք է քաղաքացիների հետ աշխատելու, տեղական կառավարմանը քաղաքացիների մասնակցության նոր ռազմավարություններ կիրառեն՝ ավելի ներառական, փոքր խմբերի շահերը հաշվի առնելով։

Բայց դա չպետք է նշանակի, որ փոքր խմբերի շահերը պետք է գերակա դառնան մեծամասնության շահերին։ Ընտրված անձինք իրենց մանդատը ստանում են մեծամասնության կողմից ու պետք է երաշխավորվի նրանց իրավազորությունը ընտրական մանդատի ողջ ժամանակահատվածի համար։

Կենտրոնական իշխանության ու տեղական իշխանությունների միջև ռեսուրսներն ու լիազորություններն անարդար է բաշխված։ Առանց ռեսուրսների և լիազորությունների տեղական իշխանությունները չեն կարող իրականացնել իրենց առաքելությունը։ Այս առումով, Թավշյա հեղափոխությունը նոր սպասումների պատուհան բացեց տեղական ժողովրդավարության, ապակենտրոնացման համար։

Պետության կողմից մենք ակնկալում ենք հարգանք և գործընկերություն տեղական իշխանությունների նկատմամբ՝ պատասխանատվության մեր բեռը լիարժեք ստանձնելու համար։

Հայաստանի և տեղական ինքնակառավարման վաղվա օրը լինելու է միայն վերելքի ուղի։

Դրանում դուք մեծ դերակատարում ունեք։

Կրկին շնորհավորում եմ բոլորիդ։

Հայաստանի համայնքների միության նախագահ

Էմին Երիցյան


ՆՈՐՈՒԹՅՈՒՆՆԵՐ

Կայուն Էներգիայի օր՝ Գավառում. Գավառի կայուն էներգետիկ զարգացման և կլիմայի պահպանության ծրագիրն արդեն պատրաստ է
Կայուն Էներգիայի օր՝ Գավառում. Գավառի կայուն էներգետիկ զարգացման և կլիմայի պահպանության ծրագիրն արդեն պատրաստ է

19:52

25 06 2019

Հունիսի 25-ին Գեղարքունիքի մարզի Գավառ քաղաքում անցկացվեց Կայուն Էներգիայի օր, որը կազմակերպվեց...

Էներգիայի օրեր Սպիտակում. նորաբաց արևային կայանը էլեկտրաէներգիա կմատակարարի քաղաքապետարանին և թիվ 2 մանկապարտեզին
Էներգիայի օրեր Սպիտակում. նորաբաց արևային կայանը էլեկտրաէներգիա կմատակարարի քաղաքապետարանին և թիվ 2 մանկապարտեզին

15:31

24 06 2019

ԵՄ Կայուն էներգիայի շաբաթվա շրջանակներում Լոռու մարզի Ապիտակ քաղաքում անցկացվեցին էներգիայի...

Արթիկը միացավ ԵՄ կայուն էներգիայի շաբաթվան
Արթիկը միացավ ԵՄ կայուն էներգիայի շաբաթվան

10:44

20 06 2019

Արթիկում անցկացվեցին Կայուն էներգիայի օրեր: Հունիսի 19-ին Արթիկ քաղաքի մշակույթի տանը տեղի...

Անվտանգ կլիմայի և էներգիայի օրեր՝ Աբովյանում
Անվտանգ կլիմայի և էներգիայի օրեր՝ Աբովյանում

16:49

17 06 2019

«Փոխի′ր մտածելակերպդ հանուն կանաչ ապագայի», «Կանաչ ապագա»,...

Գործնական հմտություններ՝ ջերմոցային գազերի արտանետումները նվազեցնելու համար. սեմինար Դաշնագիրը ստորագրող համայնքների համար
Գործնական հմտություններ՝ ջերմոցային գազերի արտանետումները նվազեցնելու համար. սեմինար Դաշնագիրը ստորագրող համայնքների համար

20:06

30 05 2019

Մայիսի 30-ին Երևանում անցկացվեց ուսուցողական սեմինար «Քաղաքապետերի դաշնագիր՝ Արևելք»...

ԵԽ Կոնգրեսը մոնիտորինգ է իրականացնում Հայաստանում
ԵԽ Կոնգրեսը մոնիտորինգ է իրականացնում Հայաստանում

13:16

13 05 2019

Մայիսի 13-ին տեղի ունեցավ Եվրոպայի խորհրդի (ԵԽ) Տեղական և տարածքային իշխանությունների կոնգրեսի...