Արթիկի համայնքապետարանի նախաձեռնությամբ անցկացվեց հանդիսավոր միջոցառում, որի ընթացքում պարգևատրվեցին «ԵՄ Կայուն էներգիայի շաբաթ-2023»-ի շրջանակներում համայնքում տեղի ունեցած մրցույթների հաղթողները և միջոցառումների մասնակիցները։

Հայտարարված մրցույթների հաղթողները պարգևատրվել են պատվոգրերով, մասնակից ՀՈԱԿ-ները՝ հավաստագրերով։ Հանդիսավոր միջոցառման ժամանակ ներկաներին իրենց կատարումներով ուրախացրել են Արթիկ համայնքի կրթամշակութային ՀՈԱԿ-ների սաները։

Նշենք՝ «ԵՄ կայուն էներգիայի շաբաթ-2023»-ի ընթացքում Արթիկ համայնքում կազմակերպվել է լուսանկարչական մրցույթ, «Էներգախնայողությունն իմ աչքերով» խորագրով նկարչական մրցույթ, «Կայուն քայլեր դեպի կանաչ համայնք» խորագրով էսսեների մրցույթ, «Կայուն քայլեր դեպի կանաչ համայնք» խորագրով միջոցառման ժամանակ անցկացվել է ֆիլմի դիտում, նախադպրոցական հաստատությունների սաների համար կազմակերպվել է հեծանվավազք և էկոլոգիական պարապմունքներ։ Միջոցառումներին մասնակցել են 100-ից ավելի երեխաներ, դեռահասներ և երիտասարդներ։