Համայնքի ղեկավարների և փորձագետների հետ քննարկվել են ՏԻՄ ոլորտում բարեփոխումներին զուգահեռ Միության վերափոխմանն առնչվող հարցեր
18.02.2022
Երևանում փետրվարի 18-ին տեղի է ունեցել Հայաստանի համայնքների միության ռազմավարության մշակման աշխատանքային խմբի առաջին հանդիպումը: Հանդիպմանը մասնակցել են ՀՀ տասնյակ համայնքների ղեկավարներ:
Հայաստանի համայնքների միության նախագահ Էմին Երիցյանը նշել է, որ հանդիպման նպատակը Հայաստանում տեղական ինքնակառավարման ոլորտում ու վարչատնտեսական ռեֆորմներին զուգահեռ Միության վերափոխումն է: Նա փաստել է. «Ինչպես գիտեք՝ նախկին 502 համայնքների փոխարեն այսօր ունենք ընդամենը 79 համայնք: Միության կառավարման մարմինները պետք է համապատասխանեցնենք նոր իրողություններին: Մինչ այժմ գործել է Միության կանոնադրական մարմինների եռաստիճան համակարգ: Սակայն այս համակարգն այլևս գործել չի կարող: Որպես աշխատանքային խումբ՝ պետք է փորձագետների աջակցությամբ փոփոխություններ նախատեսենք և ներկայացնենք Միության՝ առաջիկայում հրավիրված համագումարին:
Աշխատանքային խմբի հանդիպման ընթացքում նաև ամփոփվել են Միության գործող ռազմավարական պլանի կատարման աարդյունքները: Քննարկվել են Միության նոր ռազմավարության մշակմանը, ինչպես նաև կանոնադրական մարմինների փոփոխություններին առնչվող խնդիրներ:
Տեղեկացնենք՝ փետրվարի ամսվա վերջում պլանավորվում է անցկացնել Միության հանրապետական խորհրդի նիստ, իսկ մարտ ամսին նախատեսվում է անցկացնել Միության ընդհանուր ժողով, որի ընթացքում կհաստատվի նոր կանոնադրությունը:
Հանդիպման ընթացքում համայնքների ղեկավարները նաև հնարավորություն ունեցան ՏԻՄ ոլորտի կարգավորումների հետ կապված իրենց հուզող հարցերի պատասխանները ստանալ տեղական և միջազգային փորձագետներից: Հանդիպմանը մասնակցում էին տեղական փորձագետներ Վահագն Պետրոսյանը և Արտակ Երգենյան, միջազգային փորձագետներ Դավիթ Մելուան, Ջերեմի Սիմիթը, Իեն Վիլսենը:
02:58
17 05 2024
2024 թվականի հունիսի 11-ից մինչև 13-ը նշվող ԵՄ Կայուն էներգիայի շաբաթվա (EU Sustainable Energy...
02:50
17 05 2024
2024 թվականի հունիսի 11-ից մինչև 13-ը նշվող ԵՄ Կայուն էներգիայի շաբաթվա (EU Sustainable Energy...
07:25
14 05 2024
Արդեն ավանդական դարձած ԵՄ Կայուն էներգիայի շաբաթը (EU Sustainable...
21:40
26 04 2024
Ապրիլի 26-ին Երևանում տեղի է ունեցել ԵՀ «Քաղաքապետերի դաշնագիր՝ Արևելք»...
20:28
03 04 2024
Ապրիլի 1-2-ին ԵՀ «Քաղաքապետերի դաշնագիր՝ Արևելք» տարածաշրջանային ծրագրի ղեկավար...
20:53
01 04 2024
Ապրիլի 1-ին ՀՀ տարածքային կառավարման և ենթակառուցվածքների նախարարությունում (ՏԿԵՆ) տեղի է...
22
Նմբ
26
Հոկ
25
Հոկ