Վանաձորի, Գյումրու և Լեհաստանի Պիլա քաղաքների համայնքապետարանների համագործակցությամբ ԵՄ ֆինանսավորմամբ իրականացվող «Դաշինք՝ հանուն կայուն և կանաչ կառավարման» (ԿԿԿ ԴԱՇԻՆՔ) ծրագրի նախաձեռնությամբ շարունակվում են բնապահպանական կրթությանն ու վարքագծի փոփոխությանն ուղղված բաց պարապմունքները։ 

Վանաձորի թիվ 19 և 24 մանկապարտեզներում տեղի են ունեցել բաց պարապմունքներ «Շրջակա միջավայրի պահպանում և թափոնների դասակարգում» խորագրով։ Այն իրականացվել է «Դաշինք՝ հանուն կայուն և կանաչ կառավարման» ծրագրի հանրային իրազեկման բնապահպանական կրթության և վարքագծի փոփոխության արշավի շրջանակներում։

Դասընթացները վարել են Ծրագրի ընթացքում վերապատրաստված դաստիարակները, իսկ մասնակիցները ավագ և միջին խմբերի սաներն են։

Փոքրիկները սովորել են տեսակավորել թափոնները, օրինակ, թե որ թափոններն են ենթակա վերամշակման, ինչպես խուսափել շրջակա միջավայրի աղտոտումից։