Հարգելի գործընկերներ,

Ինչպես ձեզ հայտնի է, ԵՄ Կայուն էներգիայի շաբաթը 2022 թվականին կանցկացվի սեպտեմբերի 26-ից մինչև 30-ը:

Ինչպես 2019 և 2020 թվականներին, այնպես էլ այս տարի, ակնկալվում էր Հայաստանում Քաղաքապետերի դաշնագրին անդամակցող համայնքների ակտիվ մասնակցությունը այս միջոցառմանը: Այդ նպատակով, «Քաղաքապետերի դաշնագիր՝ Արևելք» ծրագիրը Հայաստանի համայնքների հետ համատեղ, կազմակերպեց տեղեկատվական վեբինար համայնքապետարանների մասնագետների համար, ինչպես նաև «Քաղաքապետերի դաշնագիրը Հայաստանում» ֆեյսբուքյան էջի և էլեկտրոնային հաղորդագրությունների միջոցով տարածեց հայտարարություններ ծրագրի և համայնքների կողմից կազմակերպվող միջոցառումների բովանդակության և պայմանների մասին:

Սակայն, հաշվի առնելով Հայաստանի դեմ ադրբեջանական հերթական ագրեսիայի հետ կապված իրավիճակը և համայնքներում մեր գործընկերների կողմից ներկայացված առաջարկությունները, որոշում է կայացվել հետաձգել Կայուն էներգիայի շաբաթվա շրջանակներում Հայաստանում նախատեսված բոլոր միջոցառումները:

Միջոցառումների անցկացման նոր ժամկետների մասին նախապես կտեղեկացնենք:

Մենք չենք հեռացնում մրցույթներին մասնակցելու պայմանների մասին արդեն իսկ տեղադրված հայտարարությունները, որպեսզի ապագա մասնակիցները (համայնքների երեխաները և երիտասարդները) հնարավորություն ունենան նախապես ծանոթանալ դրանց և ավելի լավ պատրաստվեն մրցույթներին:

Խաղաղություն մեր երկրին:

Հայաստանի համայնքների միություն