Գավառ համայնքում «Քաղաքապետերի դաշնագիր՝ Արևելք» ծրագրի և Հայաստանի համայնքների միության կողմից պարգևատրվել են ԵՄ Կայուն էներգիայի շաբաթվա շրջանակներում համայնքում անցկացված մրցույթների հաղթողները։

Արդեն ավանդական դարձած ԵՄ Կայուն էներգիայի շաբաթն (EU Sustainable Energy Week) այս տարի անցկացվեց հունիսի 11-ից 13-ը՝ «Նվազագույն արտանետումներով էներգետիկ լուծումներ մրցունակ Հայաստանի համար» խորագրով:

Սևան համայնքը 4-րդ անգամ միացավ Կայուն էներգիայի շաբաթվան` ԵՄ «Քաղաքապետերի դաշնագիր՝ Արևելք» ծրագրի ներքո:

Գավառ համայնքում Կայուն էներգիայի շաբաթվա շրջանակներում կազմակերպվել են տեղեկատվական արշավներ, ցուցահանդեսներ, նկարչական, լուսանկարչական մրցույթներ, ձեռագործ աշխատանքների մրցութ, հոդվածների մրցույթ։ Երիտասարդները պատրաստել են էներգաարդյունավետության թեմայով տեղեկատվական հոլովակներ։

Գավառի համայնքապետարանում տեղի ունեցած մրցանակաբաշխության ժամանակ պարգևատրվել են «Նվազագույն արտանետումներով էներգետիկ լուծումներ մրցունակ Հայաստանի համար» խորագրով նկարչական մրցույթի հաղթողները՝ Վալերիա Սեդրակյանը (5տ․), Արև Բաղոյանը (6տ․), Նարինե Մելքոնյանը (6տ․), Մարկ Հովհաննիսյանը (6տ․), Արիս Հարությունյանը (6տ․), Նանե Խնկոյանը (6տ․), Մարիամ Ղարիբյանը (6տ․), Անդրանիկ Սահակյանը (6տ․), Մանե Բրսիկյանը (11 տ․), Մարգարիտա Դադոյանը (12 տ․), Զարուհի Խուրշուդյանը (13 տ․), Սարգիս Բարսեղյանը (8տ․), Լևոն Թաթոսյանը (10տ․), Դիանա Հակոբյանը (12տ․), Արազ Կիրակոսյանը (13տ․)։