Լիոնում անցկացվել է Հայ-ֆրանսիական ապակենտրոնացված համագործակցության 4-րդ համաժողովը

Լիոնում անցկացվել է Հայ-ֆրանսիական ապակենտրոնացված համագործակցության 4-րդ համաժողովը

01.07.2022

Հունիսի 29-30-ին Ֆրանսիայի Լիոն քաղաքում տեղի է ունեցել հայ-ֆրանսիական ապակենտրոնացված համագործակցության 4-րդ համաժողովը։ Համաժողովը կազմակերպվել է Լիոնի քաղաքապետարանի, Լիոնի մետրոպոլիայի, Հայաստանի համայնքների միության և Cités Unies France-ի կողմից՝ Ֆրանսիայի Եվրոպայի և արտաքին գործերի նախարարության և Հայաստանի արտաքին գործերի նախարարության, ՀՀ Տարածքային կառավարման և ենթակառուցվածքների նախարարության աջակցությամբ:

Լիոնում անցկացվող Հայ-ֆրանսիական ապակենտրոնացված համագործակցության չորրորդ համաժողովը մեկնարկել է Հայաստանի և Ֆրանսիայի պետական օրհներգերով և ֆրանսահայ ականավոր գործիչ, Ֆրանսիայի Օ-դե-Սեն դեպարտամենտի Գլխավոր խորհրդի նախագահ Պատրիկ Դևեջյանի հիշատակին նվիրված հոլովակի ներկայացմամբ:

Համաժողովին մասնակցել են Հայաստանի և Ֆրանսիայի պատվիրակությունները: Հայաստանի պատվիրակության կազմում են ՀՀ պետական կառավարման մարմինների ներկայացուցիչներ, մարզպետներ, համայնքների ղեկավարներ:

Բացման խոսքով հանդես է եկել Լիոնի Մետրոպոլի նախագահ պարոն Բրյունո Բեռնարը։ Ֆրանսիայի միավորված քաղաքներ կազմակերպության Հայաստան խմբի նախագահ Սոնիա Զդորովցոֆֆը համաժողովին իր բացման խոսքում մասնավորապես նշել է․ «Որպես Հայաստան խմբի նոր նախագահ՝ ձեզ եմ փոխանցում Ֆրանսիայի քաղաքների ողջույնները։ Ողջունում եմ տարածքային կառավարման բոլոր մարմիններին։ Տարածքային համագործակցությունն ամեն գնով պետք է պահպանել։ Հայաստան խումբը հատուկ միտված է հայ-ֆրանսիական համագործակցությանը։ Վստահ եմ՝ մենք կարևոր գործ ունենք անելու նոր թափ հաղորդելու համար այս համագործակցությանը։ Ես՝ որպես Հայաստան  խմբի նախագահ՝ անձամբ հետամուտ կլինեմ այդ համագործակցությանը նոր թափ հաղորդելուն»։ Հայաստանի համայնքների միության նախագահ Էմին Երիցյանն իր ելույթում փաստել է՝  հայ-ֆրանսիական ապակենտրոնացված համագործակցությունն արդեն ծանրակշիռ ժամանակագրություն ունի ու զարգացման տեսանելի հետագիծ․ «Ուզում եմ հատկապես ընդգծել համագործակցության զարգացման նոր հորիզոնների ուրվագծման կարևորությունը։ Արտաքին միջավայրն այլևս շատ փոփոխական է, մարտահրավերները բազմազան․ բոլոր ճգնաժամերում տեղական իշխանություններն առաջնագծում են։ Հայ-ֆրանսիական ապակենտրոնացված համագործակցությունը երկուստեք ուժեղացնում է մեր համայնքների և երկրների դիմակայությունը»։

ՀՀ տարածքային կառավարման և ենթակառուցվածքների նախարարի տեղակալ Վաչե Տերտերյանը նշել է․ «Ապակենտրոնացված համագործակցության հայ-ֆրանսիական համաժողովների նպատակը Հայաստանի և Ֆրանսիայի միջև միջտարածաշրջանային և միջհամայնքային կապերի ամրապնդմանն ու խորացմանը նպաստելն է: Հայ-ֆրանսիական երկկողմ օրակարգում առաջնահերթ ուղղություն է տնտեսական համագործակցության զարգացումը, որի կարևոր հանգրվան էր 2021թ. դեկտեմբերի 9-ին ստորագրված հայ-ֆրանսիական տնտեսական համագործակցության 2021-2026թթ. ճանապարհային քարտեզը: Ապակենտրոնացված համագործակցությունը պարունակում է տնտեսական բաղադրիչ։ Տնտեսական հարաբերությունների ամրապնդմանը մասնակից քաղաքների միջև կապերի և ապակենտրոնացված համագործակցության խթանումը արտացոլված է վերոնշյալ ճանապարհային քարտեզում»։

Ֆրանսիայում ՀՀ դեսպան Հասմիկ Տոլմաջյանը։ Իր խոսքում Հայաստանի դեսպանը նշել է, որ ապակենտրոնացված համագործակցությունը հայ-ֆրանսիական առանձնաշնորհյալ հարաբերությունների կարևոր բաղադրիչ է և երկու երկների համայնքների, իրավասու պետական մարմինների ներկայացուցիչների մասնակցությամբ արդեն 4-րդ համաժողովի անցկացումը փաստում է այդ իրողությունը։ Դեսպան Տոլմաջյանն ընդգծել է նաև, որ համաժողովը շատ լավ հնարավորություն է Հայաստանի և Ֆրանսիայի համայնքների միջև ոչ միայն արդեն իսկ հաստատված համագործակցություններն ամրապնդելու, այլ նաև նոր կապեր հաստատելու և հետագայում զարգացնելու համար։

Հայաստանում Ֆրանսիայի դեսպան Անն Լույոն, շնորհակալություն հայտնելով համաժողովի կազմակերպիչներին ու մասնակիցներին, մասնավորապես նշել է․ «Մենք ապավինում ենք ձեզ, թանկագին ընտրված պաշտոնյաներ, համայնքների ղեկավարներ, որպեսզի դուք կարողանաք մոտիկից հետևել այս համագործակցությանը՝ ի շահ հայերի և ֆրանսիացիների։ Հաշվի առնելով Քովիդ համավարակը, պատերազմը՝ կարելի է ասել՝ սա վերսկսումն է։ Այսինքն՝ պետք է խորացնել որոշ գերակա խնդիրներ և նոր լիցք հաղորդել այս համագործակցությանը։ Մենք բոլորով պետք է հարմարվենք ՀՀ նոր իրողություններին՝ ինստիտուցիոնալ ռեֆորմներին և ժողովրդավարական գործընթացներին։ Մենք պետք է տեղական և պետական մակարդակով աջակցենք այս բարեփոխումներին։ Հայաստանում տեղական մակարդակով ընտրություններից հետո իրողությունն այլ է։ Մենք պետք է հարմարվենք այս նոր պատկերին։ Պետք է խոսեք միասին, մտորեք, փորձեք միասին խորացնել բարեկամական այս կապերը, որոնք այնքան պարզ ու բնական են։ Ուզում եմ ասել շնորհակալություն»։

Այնուհետև համաժողովի մասնակիցներն աշխատանքները շարունակել են «Խելացի քաղաքներ», «Տուրիզմ», «Զբոսաշրջություն» աշխատաժողովների ընթացքում։

Աշխատաժողովները յուրահատուկ հարթակ էին հայ և ֆրանսիական համայնքների ներկայացուցիչների երկխոսության, ծրագրային գաղափարների փոխանակման, ինչպես նաև տարաբնույթ թեմաների քննարկման համար։

Երեկոյան տեղի է ունեցել Հայ-ֆրանսիական ապակենտրոնացված համագործակցության չորրորդ համաժողովի պատվիրակների ընդունելություն Լիոնի քաղաքապետարանի Ժյուստեն Գոդար սրահում:

Բացման խոսքով պատվիրակներին ողջունել է Լիոնի քաղաքապետ, պրն. Գրեգորի Դուսեն: Այնուհետև հայտարարվել է լռության րոպե ի հիշատակ պրն. Պատրիկ Դևեջյանի հիշատակին: Ելույթով հանդես է եկել Երևանի քաղաքապետ պրն. Հրաչյա Սարգսյանը։

Համաժողովի երկրորդ օրը աշխատախմբերի ներկայացուցիչներն այցելել են ԹՈՒՄՈ թվային ստեղծարար տեխնոլոգիաների արտադպրոցական կենտրոն, Լիոնի Կիրառական բուսաբանության ռեսուրսների կենտրոն, Մետրոպոլիայի մեծ արշավային արահետի հատված (GRM)։

Լիոնում անցկացված երկօրյա համաժողովը կազմակերպվել է Լիոնի քաղաքապետարանի, Լիոնի մետրոպոլիայի, Հայաստանի համայնքների միության և Cités Unies France-ի կողմից՝ Ֆրանսիայի Եվրոպայի և արտաքին գործերի նախարարության և Հայաստանի արտաքին գործերի նախարարության, ՀՀ Տարածքային կառավարման և ենթակառուցվածքների նախարարության աջակցությամբ:

Համաժողովին մասնակցել են Հայաստանի և Ֆրանսիայի պատվիրակությունները: Հայաստանի պատվիրակության կազմում են ՀՀ պետական կառավարման մարմինների ներկայացուցիչներ, մարզպետներ, համայնքների ղեկավարներ:

 


NEWS

Country-specific training on “Establishment of Municipal Energy Management System (EnMS) and Appointment of Energy Managers” was held in Yerevan
Country-specific training on “Establishment of Municipal Energy Management System (EnMS) and Appointment of Energy Managers” was held in Yerevan

12:37

07 12 2023

Country-specific training on “Establishment of Municipal Energy Management System (EnMS)...

Violence against local and regional elected representatives: a threat to our democracies
Violence against local and regional elected representatives: a threat to our democracies

10:04

01 11 2023

An extremely unpleasant experience for those on the receiving end, verbal abuse and physical...

Elections to the Council of Elders of Yerevan: Congress welcomes successful efforts to ensure a well-administered and transparent ballot
Elections to the Council of Elders of Yerevan: Congress welcomes successful efforts to ensure a well-administered and transparent ballot

13:26

30 10 2023

The Congress of Local and Regional Authorities of the Council of Europe adopted a  report...

Congress adopts Declaration on the humanitarian situation in Karabakh and neighbouring cities and regions
Congress adopts Declaration on the humanitarian situation in Karabakh and neighbouring cities and regions

19:09

26 10 2023

Congress expresses deep concern over humanitarian situation in Karabakh and neighbouring cities...

The Congress elects its new President
The Congress elects its new President

16:11

24 10 2023

The Congress of Local and Regional Authorities of Council of Europe has renewed its presidency...

45th Congress session will be held in Strasbourg
45th Congress session will be held in Strasbourg

23:47

22 10 2023

The Congress of Local and Regional Authorities of the Council of Europe will hold its  45...