Օգոստոսի 18-ին Մարտունու համայնքապետարանում տեղի ունեցավ «Քաղաքապետերի դաշնագիր՝ Արևելք» ծրագրի կողմից «ԵՄ Կայուն էներգիայի շաբաթ-2025»-ի շրջանակներում համայնքում անցկացված մրցույթների հաղթողների և ակտիվ մասնակիցների պարգևատրման արարողություն։

Արդեն ավանդական դարձած ԵՄ Կայուն էներգիայի շաբաթն (EU Sustainable Energy Week) այս տարի անցկացվեց հունիսի 10-ից 12-ը՝ «Արդար և մրցունակ կանաչ անցման խթանում» խորագրով:

Մարտունիում «ԵՄ Կայուն էներգիայի շաբաթ-2025»-ի ընթացքում իրականացվել է 11 միջոցառում, որոնց մասնակցել է մոտ 1800 մարդ։ Մասնավորապես կազմակերպվել են նկարչական մրցույթ, ցուցահանդես, սպորտլանդիա, բանավեճ, բնապահպանական դաս՝ մանկապարտեզում, սպորտլանդիա, գրական ցերեկույթ և այլ միջոցառումներ։

Համայնքապետարանում կազմակերպված միջոցառման ընթացքում մրցանակակիրներին ողջունեցին և պարգևատրեցին Մարտունի համայնքի ղեկավարի տեղակալ Արմեն Շահինյանը և «Քաղաքապետերի դաշնագիր՝ Արևելք» ծրագրի Հայաստանի ազգային փորձագետ Արտեմ Խարազյանը։