Սեպտեմբերի 10-ին Հայաստանի համայնքների միությունում տեղի ունեցավ աշխատանքային քննարկում նվիրված 2006-ից անցկացվող «Լավագույն համայնք 2019» ամենամյա մրցանակաբաշխությանը:

Հանդիպմանը ներկա էին ՀՀ տարածքային կառավարման և ենթակառուցվածքների նախարարության ներկայացուցիչներ, համայնքի ղեկավարներ և փորձագետներ:

Աշխատանքային քննարկման ընթացքում մասնակիցները անդրադարձան մրցանակաբաշխության անվանակարգերին, դրանց գնահատելիությանը, ներկայացվող չափանիշներին:

Հայաստանի համայնքների միության նախագահ Էմին Երիցյանն ասաց, որ նպատակ կա խրախուսել ավելի մեծ թվով համայնքների:

Քննարկվեց նաև այն  հարցը, թե նույն համայնքն առավելագույնը քանի անվանակարգում կարող է առաջադրել իր թեկնածությունը: Առաջարկ եղավ համայնքների շնորհել նաև խրախուսական մրցանակներ տարբեր ոլորտներում:

Քննարկման ավարտին հանդիպման մասնակիցները որոշեցին առաջարկություններն ու դիտարկումներն ամփոփել մինչև սեպտեմբերի 16-ը: