Փետրվարի 4-ին Գյումրու համայնքապետարանի նիստերի դահլիճում կայացել է Գյումրու համայնքապետարանում տեղի է ունեցել Վանաձորի, Գյումրու և Լեհաստանի Պիլա քաղաքների համայնքապետարանների համագործակցությամբ ԵՄ ֆինանսավորմամբ իրականացվող «Դաշինք՝ հանուն կայուն և կանաչ կառավարման» (ԿԿԿ ԴԱՇԻՆՔ), ABC.GoV: Alliance for Better City Governance) ծրագրի  հանրային տրանսպորտի աշխատանքային խմբի նիստ։  

Նիստին մասնակցել են ՀՀ բարձր տեխնոլոգիաների և արդյունաբերության նախարարության, ՀՀ ՏԿԵՆ ավտոմոբիլային տրանսպորտի քաղաքականության լիցենզավորման և թույլտվության վարչության, Լոռու և Շիրակի մարզերի տրանսպորտի վարչությունների, Վանաձոր և Գյումրի համայնքների տրանսպորտի բաժինների ներկայացուցիչներ, ԿԿԿ Դաշինք ծրագրի փորձագետները,ԿԿԿ Դաշինք ծրագրի ղեկավար Նատալյա Լափաուրին և ծրագրի աշխատակազմը:

Աշխատանքային խմբի ղեկավար՝ Դավիթ Մելքոնյան

Աշխատանքային խմբի քարտուղար՝ Էդիկ Մանուկյան

Նիստի օրակարգում քննարկվեցին՝

1․  ««ԴԱՇԻՆՔ՝ հանուն կայուն և կանաչ կառավարման» ծրագրի Գյումրի և Վանաձոր համայնքներում տրանսպորտի հարցերով բաղադրիչի իրականացման ռազմավարական մոտեցումները և գործողությունների ծրագիր» նախագիծը․

2․ Վանաձորի  և Գյումրու ներհամայնքային երթուղային ցանցերում շահագործման համար անհրաժեշտ էլեկտրական ավտոբուսների և դրանց լիցքավորման կայանների ձեռքբերման տեխնիկական բնութագրի նախագիծը։

Երկու  փաստաթուղթն  էլ հավանության արժանացան ԱԽ  անդամների կողմից և հետագայում կդրվեն ավելի լայն քննարկման՝ մինչև ՏԻՄ-երի հաստատմանը ներկայացնելը։