Տեղական իշխանությունների՝ խորհրդատվություն ստանալու իրավունքը կարևոր գործիք ժողովրդավարությունը տեղական մակարդակում զարգացնելու համար

Տեղական իշխանությունների՝ խորհրդատվություն ստանալու իրավունքը կարևոր գործիք ժողովրդավարությունը տեղական մակարդակում զարգացնելու համար

08.11.2018

Եվրոպայի խորհրդի տեղական և տարածքային իշխանությունների կոնգրեսի 35-րդ լիագումար նստաշրջանի ընթացքում նոյեմբերի 8-ի լիագումար նիստի ընթացքում քննարկվեց «Տեղական իշխանությունների՝ կառավարման ավելի բարձր մակարդակների կողմից խորհրդատվություն ունենալու իրավունքների ուղենիշներ» թեմայով զեկույցը: Այն ներկայացրեց ԵԽ Կոնգրեսի նորընտիր նախագահ Անդրես Կնապեն:

Զեկույցում ամրագրված է. «Կոնգրեսը հատուկ ուշադրություն է դարձնում անդամ երկրներում խորհրդատվության արդյունավետ համակարգերի ներդրմանը և կարևորում է խորհրդատվական  համապարփակ մոտեցումը՝ տեղական և ռեգիոնալ մակարդակներում ավելի որակյալ կառավարման հասնելու համար:  2014-ին ընդունված 368-րդ բանաձևը («Ռազմավարություն՝ տեղական իշխանությունների՝ կառավարման այլ մակարդակների կողմից խորհրդակցվելու մասին») կոչ է անում ազգային և տեղական իշխանություններին ու տեղական իշխանությունների ասոցիացիաներին միասին աշխատել՝ իրենց երկրներում համակարգված և կանոնավոր խորհրդակցություններ հաստատելու համար»:

Ռազմավարությունը տարբերակում է հիմնական գործողություններ՝ բարելավելու խորհրդատվությունը անդամ երկրներում: Կոնգրեսն այս պարագայում պետք է ուղենիշներ տրամադրի ազգային ասոցիացիաների համար:

Զեկույցում նշված է. «Տեղական իշխանությունների՝ խորհրդատվություն ստանալու իրավունքը պետք է ամրագրված լինի ազգային օրենսդրությամբ: Հավասարապես կարևոր է, որ յուրաքանչյուր անդամ պետություն ինստիտուցիոնալ պատշաճ շրջանակ ունենա տեղական իշխանությունների հետ խորհրդատվություն կազմակերպման համար: Տեղական իշխանություններն էլ պետք է ունենան ինստիտուտներ, որոնք ի վիճակի կլինեն ներկայացնելու և պաշտպանելու իրենց շահերը, ինչպես, օրինակ, տեղական իշխանությունների ազգային ասոցիացիաները, որոնք կարող են հատկացնել համապատասխան ռեսուրսներ և ժամանակ՝ խորհրդատվության գործընթացներում տեղական իշխանությունների արդյունավետ ներկայացվածությունը ապահովելու համար»:

Զեկույցում առանձին անդրադարձ կա նաև ազգային ասոցիացիաների դերակատարությանը: Մասնավորապես նշված է. «Ազգային օրենսդրությունը պետք է ընդունի ազգային ասոցիացիաների դերը՝ խորհրդատվություններում ներգրավված լինելու և իր անդամների շահերը ներկայացնելու գործում: Տեղական իշխանությունները պետք է խոսեն ազգային կառավարությունների հետ որքան հնարավոր է միացյալ ձայնով: Բացի ազգային իրավական շրջանակից, ասոցիացիաները խրախուսվում  են նաև փոխըմբռնման հուշագիր նախագծել ազգային խորհրդարանների և համապատասխան նախարարությունների հետ` գործելու որպես ուղենիշ, որը սահմանում է խորհրդատվական գործընթացների և խորհրդատվության իրավունքին դիմելու գործառնական մեթոդների հետագա մանրամասները, ինչպես սահմանված է Խարտիայում»:

Ներկայացնելով զեկույցը՝ Անդրես Կնապեն վստահեցրեց. «Լավ կազմակերպված խորհրդատվությունը կարևոր գործիք է  ժողովրդավարությունը տեղական և տարածքային մակարդակում զարգացնելու համար:  Սակայն պետք է նաև ստեղծել քաղաքական և իրավական մթնոլորտ այդ խորհրդատվությունները կազմակերպելու համար: Պետք է նախ ունենալ լավ իրավական շրջանակ, որպեսզի խորհրդատվությունները սահմանվեն օրենքով»:

Անդրես Կնապես առանձնացրեց օրենսդրության բարելավումն ու ինստիտուտները ու նշեց. «Մոնիտորինգային առաքելությունների ժամանակ պետք է հորդել կառավարություններին, որպեսզի ներդնեն ավելի բարելավված իրավական և ինստիտուցիոնալ խորհրդատվական մեխանիզմներ»:

Այս հարցում պարոն Կնապեն կարևորեց նաև ազգային ասոցիացիաների կարողությունների և իրավունքների ընդլայնումը:

ԵԽ կոնգրեսի պատվիրակների մեծամասնությունն իր ելույթներում հայտարարեց՝ բարձրացված թեման կարևոր է և խորհրդատվություններն անհաժեշտ են բոլոր երկրներում: Ավելին, դրանք ունեն ոչ միայն քաղաքական, այլև գործնական կարևորություն տեղական և տարածքային իշխանությունների համար և բխում են Խարտիայի պահանջներից:

 


ՆՈՐՈՒԹՅՈՒՆՆԵՐ

Միջազգային զարգացման խորհրդատու Անտոնիո Կաստրոն հյուրընկալվեց Հայաստանի համայնքների միությունում
Միջազգային զարգացման խորհրդատու Անտոնիո Կաստրոն հյուրընկալվեց Հայաստանի համայնքների միությունում

20:53

21 01 2019

Հունվարի 21-ին Հայաստանի համայնքների միությունում (ՀՀՄ) հյուրընկալվեց միջազգային զարգացման...

Նորընտիր Ազգային ժողովից ակնկալիքները մեծ են
Նորընտիր Ազգային ժողովից ակնկալիքները մեծ են

12:22

21 01 2019

Ազգային ժողովն էապես կարող է տարբերվել նախորդ բոլոր գումարումներից միայն հանրային խորհրդակցական...

Համայնքներն էական ֆինանսական կորուստ են ունենում. Հայաստանի համայնքների միության նախագահը դիմում է վարչապետի պաշտոնակատարի միջամտությանը
Համայնքներն էական ֆինանսական կորուստ են ունենում. Հայաստանի համայնքների միության նախագահը դիմում է վարչապետի պաշտոնակատարի միջամտությանը

16:57

11 01 2019

Հայաստանի համայնքների միության նախագահ Էմին Երիցյանը դիմել է ՀՀ վարչապետի պաշտոնակատար Նիկոլ...

ՏԻՄ-ՔՀԿ սեմինար քննարկում՝ Վանաձորում
ՏԻՄ-ՔՀԿ սեմինար քննարկում՝ Վանաձորում

13:35

21 12 2018

Դեկտեմբերի 21-ին՝ Վանաձորի տեխնոլոգիական կենտրոնում «Կառուցողական երկխոսության...

Ծաղկաձորում անցկացվեց Հայաստանի համայնքների միության հանրապետական խորհրդի նիստը
Ծաղկաձորում անցկացվեց Հայաստանի համայնքների միության հանրապետական խորհրդի նիստը

13:30

20 12 2018

Դեկտեմբերի 9-10-ին Ծաղկաձորում անցկացվեց Հայաստանի համայնքների միության հանրապետական խորհրդի...

Անհավասար մոտեցում. Երևանում մեկ բնակչին բաժին ընկնող եկամուտները 2,5 անգամ ավելին են, քան մյուս համայնքներում
Անհավասար մոտեցում. Երևանում մեկ բնակչին բաժին ընկնող եկամուտները 2,5 անգամ ավելին են, քան մյուս համայնքներում

10:26

20 12 2018

Դեկտեմբերի 19-ին Ծաղկաձորում տեղի ունեցավ Հայաստանի համայնքների միության ֆինանսաբյուջետային...