«Երևանում տեղական ինքնակառավարման մասին» ՀՀ օրենքը Սահմանադրությանը համապատասխանեցնելու կարիք ունի

«Երևանում տեղական ինքնակառավարման մասին» ՀՀ օրենքը Սահմանադրությանը համապատասխանեցնելու կարիք ունի

14.12.2018

Դեկտեմբերի 13-ին տեղի ունեցավ Հայաստանի համայնքների միության Իրավական-օրենսդրական հարցերի մշտական հանձնաժողովի նիստը: Այն նախագահեց հանձնաժողովի նախագահ, Վանաձորի քաղաքապետ Մամիկոն Ասլանյանը:

Քննարկվեցին «Երևան քաղաքում տեղական ինքնակառավարման մասին» ՀՀ օրենքի իրավակարգավորումների՝ ՀՀ Սահմանադրության 2015թ. փոփոխությունների համապատասխանությանը, «Տեղական ինքնակառավարման մասին» ՀՀ օրենքում լրացումներ կատարելու մասին օրենքի նախագծին վերաբերող (համայնքի ղեկավարին պաշտոնանկ անելու վերաբերյալ) և այլ հարցեր։

Քննարկման դրվեց նաև «Համայնքի կամավոր խնդիրները սահմանելու ու դրանց լուծմանն ուղղված սեփական լիազորությունների իրականացման կարգը հաստատելու մասին» որոշման օրինակելի նախագիծը և այլ հարցեր:

Քննարկելով «Երևան քաղաքում տեղական ինքնակառավարման մասին» ՀՀ օրենքը՝ հանձնաժողովը Երևանի քաղաքապետարանի ու ՀՀ տարածքային կառավարման և զարգացման նախարարության հատուկ ուշադրությունը հրավիրեց օրենսդրության համապատասխանեցումը ՀՀ Սահմանադրությանը, այլապես կուտակվում են օրենսդրական հակասություններ ու առաջանում իրավական խառնաշփոթ։

Հանձնաժողովի որոշմամբ՝ մշակված փաստաթուղթը կփոխանցվի Երևանի քաղաքապետարանին և ՀՀ կառավարությանը։

Հանձնաժողովի անդամները քննարկեցին նաև «Տեղական ինքնակառավարման մասին» ՀՀ օրենքում լրացումներ կատարելու մասին օրենքի նախագծի վերաբերյալ (համայնքի ղեկավարին պաշտոնանկ անելու վերաբերյալ) հարցը: Հանձնաժողովի դիտարկմամբ՝ քննարկվող հարցը չափազանց զգայուն է տեղական ինքնակառավարման համար, և որևէ շտապողականություն կամ թերի քննարկում անթույլատրելի է։ Հանձնաժողովն առաջարկեց հավանություն տալ այս խնդրի վերաբերյալ փորձագիտական կարծիքին՝ այն համարելով հանձնաժողովի պաշտոնական դիրքորոշում։

Քննարկման դրվեց «Համայնքի կամավոր խնդիրները սահմանելու ու դրանց լուծմանն ուղղված սեփական լիազորությունների իրականացման կարգը հաստատելու մասին» որոշման օրինակելի նախագիծը: Հանձնաժողովն առաջարկեց ևս մեկ անգամ շրջանառել նախագիծը, ստացված առաջարկներով այն լրամշակել և տարածել համայնքների շրջանում որպես օրինակելի նախագծի փաթեթ։

Նիստին մասնակցեցին համայնքների ղեկավարներ, համայնքային իրավաբաններ, Երևանի ավագանու անդամներ և ոլորտի փորձագետներ: Նիստի ընթացքում անդամները քննարկեցին նաև միության 2019-ի միջոցառումների պլանը: Կայացավ նաև Միության իրավական-օրենսդրական հանձնաժողովի նախագահի տեղակալի ընտրությունը: Այս պաշտոնում ընտրվեց Ջրվեժ համայնքի ղեկավար Ռոբերտ Պետրոսյանը:


ՆՈՐՈՒԹՅՈՒՆՆԵՐ

Միջազգային զարգացման խորհրդատու Անտոնիո Կաստրոն հյուրընկալվեց Հայաստանի համայնքների միությունում
Միջազգային զարգացման խորհրդատու Անտոնիո Կաստրոն հյուրընկալվեց Հայաստանի համայնքների միությունում

20:53

21 01 2019

Հունվարի 21-ին Հայաստանի համայնքների միությունում (ՀՀՄ) հյուրընկալվեց միջազգային զարգացման...

Նորընտիր Ազգային ժողովից ակնկալիքները մեծ են
Նորընտիր Ազգային ժողովից ակնկալիքները մեծ են

12:22

21 01 2019

Ազգային ժողովն էապես կարող է տարբերվել նախորդ բոլոր գումարումներից միայն հանրային խորհրդակցական...

Համայնքներն էական ֆինանսական կորուստ են ունենում. Հայաստանի համայնքների միության նախագահը դիմում է վարչապետի պաշտոնակատարի միջամտությանը
Համայնքներն էական ֆինանսական կորուստ են ունենում. Հայաստանի համայնքների միության նախագահը դիմում է վարչապետի պաշտոնակատարի միջամտությանը

16:57

11 01 2019

Հայաստանի համայնքների միության նախագահ Էմին Երիցյանը դիմել է ՀՀ վարչապետի պաշտոնակատար Նիկոլ...

ՏԻՄ-ՔՀԿ սեմինար քննարկում՝ Վանաձորում
ՏԻՄ-ՔՀԿ սեմինար քննարկում՝ Վանաձորում

13:35

21 12 2018

Դեկտեմբերի 21-ին՝ Վանաձորի տեխնոլոգիական կենտրոնում «Կառուցողական երկխոսության...

Ծաղկաձորում անցկացվեց Հայաստանի համայնքների միության հանրապետական խորհրդի նիստը
Ծաղկաձորում անցկացվեց Հայաստանի համայնքների միության հանրապետական խորհրդի նիստը

13:30

20 12 2018

Դեկտեմբերի 9-10-ին Ծաղկաձորում անցկացվեց Հայաստանի համայնքների միության հանրապետական խորհրդի...

Անհավասար մոտեցում. Երևանում մեկ բնակչին բաժին ընկնող եկամուտները 2,5 անգամ ավելին են, քան մյուս համայնքներում
Անհավասար մոտեցում. Երևանում մեկ բնակչին բաժին ընկնող եկամուտները 2,5 անգամ ավելին են, քան մյուս համայնքներում

10:26

20 12 2018

Դեկտեմբերի 19-ին Ծաղկաձորում տեղի ունեցավ Հայաստանի համայնքների միության ֆինանսաբյուջետային...