Ստեղծվեց Քաղաքապետերի դաշնագրի ակումբ

Ստեղծվեց Քաղաքապետերի դաշնագրի ակումբ

14.03.2019

Եվրոպական հանձնաժողովի «Քաղաքապետերի դաշնագիր՝ Արևելք» տարածաշրջանային ծրագրի շրջանակներում մարտի 14-ին տեղի ունեցավ Հայաստանում Քաղաքապետերի դաշնագրի ակումբի առաջին հանդիպումը:

Ակումբի առաքելությունն է՝ ամրապնդել քաղաքական երկխոսությունը տեղական իշխանությունների և համապատասխան ազգային ու միջազգային շահառուների միջև՝ նպատակ ունենալով ստեղծել բարենպաստ միջավայր համայնքներում կայուն էներգետիկ զարգացման և կլիմայի պահպանության գործողությունների ծրագրերի (ռազմավարությունների) մշակման և իրականացման համար՝ համայնքային ծրագրերի ֆինանսավորման և ներդրումների համար առկա խոչընդոտների բացահայտման և վերացման միջոցով:

Ակումբի գլխավոր նպատակն է օգնել Դաշնագրին անդամակցող երկրների համայնքներին նվազեցնել իրենց էներգետիկ կախվածությունը և ապահովել հարմարվողականություն կլիմայի փոփոխությանը՝ դրանով իսկ բարելավելով համայնքների բնակիչների կյանքի որակը վերականգնվող էներգետիկայի, էներգախնայողության, կլիմայի փոփոխության մեղմման և հարմարվողականության բնագավառներում միջոցառումների իրականացման միջոցով:

Հանդիպման ընթացքում բացման խոսքով հանդես եկավ Հայաստանում ԵՄ պատվիրակության միջազգային աջակցության և համագործակցության բաժնի ներկայացուցիչ Ստանիսլավ Տոշկովը, Հայաստանի համայնքների միության նախագահ Էմին Երիցյանը:

Էմին Երիցյանը նշեց. «Համայնքներին այս տարիների ընթացքում կարողացան ապացուցել, որ իրենք հանձնառու են և հետաքրքրված էներգաարդյունավետության և էներգախնայողության ոլորտում գործունեությամբ, և այդ հանձնառությունը ոչ միայն քանակական մեծ դերակատարություն, ծավալներ ունի, այլև որակական: Արդեն էներգախնայողությունը և էներգաարդյունավետությունը դառնում են մշակույթ, մտածողության ձև: Քաղաքապետերի դաշնագիրը համաեվրոպական շարժում է, որին Հայաստանը միանալով՝ մենք բոլորս այդ եվրոպական ընդհանուր արժեքների ու խնդիրների մեջ ենք մեզ պատկերացնում:»:

ԵՄ պատվիրակության միջազգային աջակցության և համագործակցության բաժնի ներկայացուցիչ Ստանիսլավ Տոշկովը շեշտեց այն պարտավորությունները, որոնք ստանձնել է Եվրամիությունը. «Խոսքը տնտեսության զարգացման, ինչպես նաև մասնավոր ոլորտի զարգացման մասին է: Մենք այստեղ խոսում ենք տարածքային զարգացման, իհրակե, նաև էներգաարդյունավետության մասին: ԵՄ-ն այս բոլոր ոլորտներում պարտավորություն է վերցրել որպես գործընկեր հանդիսանալ և′ համայնքների, և′ կառավարության համար»: «Քաղաքապետերի դաշնագիր՝ Արևելք» ծրագրի՝Հայաստանի փորձագետ Արտեմ Խարազյանը ներկայացրեց Քաղաքապետերի դաշնագրի առաջընթացը: Այնուհետև դիմելով համայնքներին՝ ասաց. «Քաղաքապետերի դաշնագիրը շարունակվում, ընդլայնվում է և ստանում է  շատ ավելի մեծ կազմակերպչական և ֆինանսական հիմք: Սա նշանակում է, որ առնվազն մինչև 2030 թվականը Դաշնագիրը գործելու է, և ձեր մասնակցությունը Դաշնագրին կախված է բացառությամբ ձեզանից»:

Հանդիպման ընթացքում ներկայացվեց Հայաստանի էներգետիկ զարգացման ռազմավարության և առաջնահերթ խնդիրների ակնարկ, անդրադարձ կատարվեց Հայաստանի հանձնառություններին կլիմայի փոփոխության մեղմման և հարմարվողականության բնագավառում, ներկայացվեցին Հայաստանում Դաշնագրի գործունեության արդյունքները և կարգավիճակը:

Այնուհետև տեղի ունեցավ Քաղաքապետերի դաշնագրի ակումբի նախագահի և փոխնախագահի ընտրություն: Համայնքների որոշմամբ՝ Հայաստանում համայնքային զարգացման համակարգման հարթակը վերանվանվեց Քաղաքապետերի դաշնագրի ակումբ: Ակումբի նախագահ ընտրվեց Սպիտակի քաղաքապետ Գագիկ Սահակյանը և փոխնախագահ Տաշիրի քաղաքապետ Էդգար Արշակյանը:

«Քաղաքապետերի դաշնագիր՝ Արևելքը» (CoM East) ծրագիրը ֆինանսավորվում է ԵՄ կողմից և իրականացվում է Արևելյան գորխընկերության 6 երկրներում:  Ծրագրի հիմնական նպատակներն են. Դաշնագրին անդամակցող համայնքների կարողությունների զարգացումը, իրազեկության բարձրացումը, տեխնիկական աջակցությունը համայնքներին Գործողությունների ծրագրերի մշակման, իրականացման և մշտադիտարկման գործում, շահառուների հետ կապերի ուժեղացում և դոնորների ներգրավումը:

Քաղաքապետերի դաշնագիրը ԵՄ առաջին և ամենահավակնոտ նախաձեռնությունն է, որն ուղղակիորեն թիրախավորում է տեղական իշխանություններին և դրանց քաղաքացիներին՝ համաշխարհային կլիմայական փոփոխության դեմ պայքարի ղեկավարումը ստանձնելու հարցում:


NEWS

Աշտարակ համայնքում բնակիչները համայնքապետարանին առաջարկում են օգնություն՝ կորոնավիրուսի կանխարգելման աշխատանքների կազմակերպման հարցում
Աշտարակ համայնքում բնակիչները համայնքապետարանին առաջարկում են օգնություն՝ կորոնավիրուսի կանխարգելման աշխատանքների կազմակերպման հարցում

19:17

03 04 2020

ՀՀ Արագածոտնի մարզի Աշտարակ համայնքի բոլոր մուտքերին ու ելքերին, համայնքի ամբողջ տարածքում...

Արարատ քաղաքի բնակիչները «բավարար» չափով են հետևում ինքնամեկուսացման կանոններին. Հայկ Հայկյան
Արարատ քաղաքի բնակիչները «բավարար» չափով են հետևում ինքնամեկուսացման կանոններին. Հայկ Հայկյան

14:25

03 04 2020

ՀՀ Արարատի մարզի Արարատ քաղաքում ինքնամեկուսացման կանոնները քաղաքացիները պահպանում են բավարար...

«Գյուղի փողոցներում գրեթե մարդ չկա, խանութները փակ են». Փարպի համայնքի ղեկավարը՝ համայնքում տիրող իրավիճակի և ախտահանման աշխատանքների մասին
«Գյուղի փողոցներում գրեթե մարդ չկա, խանութները փակ են». Փարպի համայնքի ղեկավարը՝ համայնքում տիրող իրավիճակի և ախտահանման աշխատանքների մասին

19:18

02 04 2020

Հայաստանի համայնքների միությունը շարունակում է ներկայացնել, թե արտակարգ դրության օրերին...

«Անձամբ եմ շրջում համայնքում և հորդորում բնակիչներին տանը մնալ». Եղեգիս համայնքի ղեկավար
«Անձամբ եմ շրջում համայնքում և հորդորում բնակիչներին տանը մնալ». Եղեգիս համայնքի ղեկավար

12:42

02 04 2020

Հայաստանի համայնքների միությունն ամենօրյա գրաֆիկով ներկայացնում է, թե ինչ իրավիճակ է տիրում ՀՀ...

«Համայնքապետարանի աշխատակիցների կողմից համայնքի մուտքերին եւ ելքերին իրականացվում է հսկողություն». Սարուխան համանքի ղեկավար
«Համայնքապետարանի աշխատակիցների կողմից համայնքի մուտքերին եւ ելքերին իրականացվում է հսկողություն». Սարուխան համանքի ղեկավար

19:24

01 04 2020

Ինչպե՞ս է արտակարգ դրության օրերին անցնում համայնքային կյանքը ՀՀ Գեղարքունիքի մարզի Սարուխան...

«Այսօր անձի գիտակցության, իսկական  քաղաքացիական պահվածքի խնդիր ունենք». Նոր կյանք համայնքի ղեկավար
«Այսօր անձի գիտակցության, իսկական քաղաքացիական պահվածքի խնդիր ունենք». Նոր կյանք համայնքի ղեկավար

13:33

01 04 2020

Հայաստանի համայնքների միությունը «Համայնքներն արտակարգ դրության ժամանակ» խորագրով...