
Ակունք համայնքում պարգևատրվեցին «ԵՄ կայուն էներգիայի շաբաթ-2025»-ի ակտիվ մասնակիցները
29.08.2025
Օգոստոսի 28-ին Ակունք համայնքում «Քաղաքապետերի դաշնագիր՝ Արևելք» ծրագրի կողմից պարգևատրվեցին «ԵՄ Կայուն էներգիայի շաբաթ-2025»-ի շրջանակներում համայնքում անցկացված մրցույթների հաղթողները և կայուն էներգիայի օրերի ակտիվ մասնակիցները։
Արդեն ավանդական դարձած ԵՄ Կայուն էներգիայի շաբաթն (EU Sustainable Energy Week) այս տարի անցկացվեց հունիսի 10-ից 12-ը՝ «Արդար և մրցունակ կանաչ անցման խթանում» խորագրով:
Կայուն էներգիայի շաբաթվա անցկացման նպատակն է բարձրացնել համայնքների բնակիչների և շահառուների (հատկապես երեխաների և երիտասարդների) տեղեկացվածությունը համայնքների կայուն և կանաչ զարգացման նպատակների, ինչպես նաև էներգետիկ ռեսուրսների արդյունավետ օգտագործման, էներգախնայողության, վերականգնվող էներգետիկ ռեսուրսների լայնատարած օգտագործման, կանաչ զարգացման, կլիմայի փոփոխության մեղմման և հարմարվողականության հիմնախնդիրների վերաբերյալ:
Ակունք համայնքի ղեկավար Հունան Ռուբենյանի մասնակցությամբ համայնքապետարանում կազմակերպված պարգևատրման արարողության ժամանակ «ԵՄ կայուն էներգիայի շաբաթ-2025»-ին ակտիվ մասնակցության համար պարգևատրվեցին Մերի Գևորգյանը, Անժելա Տերյանը, Սոֆի Խաչատրյանը, Ռոզա Խաչատրյանը, Աիդա Ավետիսյանը և Միլենա Վարդանյանը։
«Քաղաքապետերի դաշնագիր՝ Արևելք» ծրագրի Հայաստանի ազգային փորձագետ Արտեմ Խարազյանը նշեց, որ ծրագիրը ՀՀ-ում իրականացվում է 2011 թվականից, աշխատում է Ակունքի և ՀՀ-ի ևս 29 համայնքի հետ․ «Ծրագրի նպատակն է օգնել, որ համայնքները մշակեն և իրականացնեն կայուն և կանաչ զարգազման ռազմավարությունը, որպեսզի նվազեցնեն ջերմոցային գազերի արտանետումները, պայքարեն կլիմայի գլոբալ տաքացման, կլիմայի փոփոխության դեմ այն գործողությունների միջոցով, ինչպիսիք են էներգախնայողությունը, էներգաարդյունավետությունը, վերականգնվող էներգետիկ ռեսուրսների օգտագործումը և այլն»։
Նա նաև հայտնեց, որ Ակունք համայքնը GIZ կազմակերպության օգնությամբ կմշակի իր գործողության ծրագիրը։
Նշենք, որ այս տարի Ակունք համայնքը ԵՄ կայուն էներգիայի շաբաթ-2025-ի շրջանակում իրականացրել է 5 միջոցառում՝ հեծանվարշավ, կարճ տեսանյութերի, նկարչական մրցույթ, թեմատիկ մուլտֆիլմերի դիտում և գործնական աշխատանքներ համայնքի մանկապարտեզներում, որոնց մասնակցել է ավելի քան 100 մարդ։

23:58
09 04 2026
A delegation from the Congress of Local and Regional Authorities of the Council of Europe...

22:04
09 04 2026
Armen Galjyan, Head of the Armenian delegation to the Congress of Local and Regional Authorities...

19:23
29 03 2026
From March 31 to April 2, Strasbourg, France, will host the landmark 50th Session of the...

17:05
26 03 2026
Fiscal decentralization issues related to increasing the efficiency of providing community...

14:28
26 03 2026
The Constitutional Court of the Republic of Armenia has issued a decision based on the...

19:38
20 03 2026
Yerevan Mayor and Chairman of the Board of the Union of Communities of Armenia, Tigran Avinyan,...
22
Nov
26
Oct
25
Oct