Ապրիլի 19-ին Հայաստանի համայնքների միությունում տեղի է ունեցել փորձագիտական հանդիպում՝ նվիրված Հայաստանի համայնքների միության նոր՝ 5-ամյա ռազմավարության (2022-2026) և 2-ամյա գործողությունների պլանի մշակման աշխատաժողովին։

Հայաստանի համայնքների միության նախագահ Էմին Երիցյան շեշտել է, որ Միության նոր ռազմավարության մշակման ընթացքում կարևոր է ուշադրություն հրավիրել այն հանգամանքին, որ նոր ռազմավարությունը թիրախավորի նոր համայնքների կարիքները:

Աշխատաժողովի խնդիրներից է Հայաստանի 79 համայնքապետերին ծանոթացնել մեթոդաբանությանը, զեկուցել 2016-2020 թվականների ռազմավարության գնահատման,  2016-2017 թվականների Գործողությունների ծրագրի գնահատման վերաբերյալ:

Հայաստանի համայնքների միությունում կայացած փորձագիտական հանդիպմանը մասնակցել են Եվրոպաի խորհրդի փորձագետներ Իեն Վիլսոնը (Անգլիա) և Արթան Րոջին (Ալբանիա), որոնք հայաստանյան փորձագետներ Իրինա Փահլևանյանի և Արմինե Թուխիկյանի հետ քննարկել են համաժողովի կազմակերպչական և բովանդակային հարցեր:

Համաժողովի ընթացքում կներկայացվի Միության ռազմավարության և դրա թեմաների SWOT վերլուծություն:  Փորձագիտական քննարկման ժամանակ կարևորվել են նաև Միության նոր ռազմավարության նպատակների և խնդիրների մշակումը, ինչպես նաև նոր ռազմավարության գործողությունների մատրիցան (Գործողությունների պլան):

 Փործագետները կարևորել են համայնքի ղեկավարների մասնակցությունը ռազմավարության քննարման աշխատանքներին և նրանց ներգրավվածությունը: