Կարվել է 4000 դիմակ և անվճար բաժանվում է Հրազդանի քաղաքացիներին, կանգառներում տեղադրվել են ալկոգելեր. Սևակ Միքայելյան

Կարվել է 4000 դիմակ և անվճար բաժանվում է Հրազդանի քաղաքացիներին, կանգառներում տեղադրվել են ալկոգելեր. Սևակ Միքայելյան

20.03.2020

Հայաստանի համայնքների միության նոր նախաձեռնության շրջանակներում «Համայնքներն արտակարգ դրության ժամանակ»

խորագրի ներքո ներկայացնում ենք տեղեկություններ Կոտայքի մարզի Հրազդան քաղաքում կորոնավիրուսի կանխարգելման համար իրականացվող աշխատանքների վերաբերյալ:

Զրուցեցինք Հրազդան համայնքի ղեկավար Սևակ Միքայելյանի հետ:

 -Ի՞նչպես է կյանքն այս օրերին ընթանում Հրազդան համայնքում:

-Հրազդան համայնքում կյանքն ընթանում է իր բնականոն հունով: Ուղղակի փողոցներն են սակավամարդ. մարդկանց շարժն է պակասել, ինչը նորմալ եմ գնահատում այս արտակարգ դրության պայմաններում: Խուճապ բացարձակ չկա, քաղաքացիներն իրազեկվում են, պահպանում են հիգիենայի պայմանները: Համայնքում ամեն ինչ նորմալ է:

-Ի՞նչ աշխատանքներ են իրականացվում Հրազդան համայնքում կորոնավիրուսի կանխարգելման համար:

-Վերջին օրերին համայնքում իրականացվում են բոլոր կանխարգելիչ միջոցառումները: Ախտահանվում են ներհամայնքային կանգառները, որտեղ տեղադրված են նաև ալկոգելեր: Ախտահանվում են ճանապարհները, բազմաբնակարան շենքերի մուտքերի աստիճանավանդակները, բազրիքները, քաղաքապետարանի աստիճանավանդակները, աստիճանները, քաղաքապետարանում ևս տեղադրված են ալկոգելեր, քաղաքացիներին ենք իրազեկում, թե ինչպես վարվել արտակարգ դրության պայմաններում: Հնարավոր բոլոր միջոցառումներն իրականացնում ենք:

-Համայնքն այսօր ինչի՞ կարիք ունի կորոնավիրուսի դեմ պայքարում, արդյոք պարա՞ստ էին մեր համայնքները այս վիրուսին դիմակայելուն:

-Զերծ կմնամ այլ համայնքների՝ պատրաստ լինելու հետ կապված գնահատականներ տալ, սակայն մի բան հավելեմ, որ վիրուսի տարածումն անկանխատեսելի էր, և այս միջոցառումներից ելնելով՝ տեսնում ենք, որ համայնքներն, իհարկե, պատրաստ էին դիմակայելու: Մեր համայնքն ամեն անկանխատեսելի միջոցառման էլ պատրաստ է, այս դեպքում՝ նույնպես: Կարողանում ենք իրականացնել բոլոր կանխարգելիչ միջոցառումները: Այո, մենք պատրաստ էինք, և բոլոր համայնքները նույնպես պատրաստ են այս անկանխատեսելի համաճարակին դիմակայել:

-Ի՞նչ հետաքրքիր նախաձեռնությամբ է այս օրերին համայնքը հանդես գալիս:

- Իմ նախաձեռնությամբ՝ կարվել են 4000 դիմակներ, որոնք անվճար բաժանվում են քաղաքացիներին, մասնավորապես խոցելի խմբերին: Մենք կարևորում ենք մեր քաղաքացիների առողջությունն ու անվտանգությունը, ուստի պաշտպանիչ դիմակները պատրաստվել են բացառապես հիգիենիկ պայմաններում: Այս պահին հկ-երի կամավորների օգնությամբ դրանք բաժանվում են մեր քաղաքացիներին, մասնավորապես խոցելի խմբերին: Արտակարգ դրության օրերին մանկապարտեզները չեն աշխատում, ուստի այդտեղ պահեստավորված մթերքը բաժանվելու է միայնակ ծերերին և անապահովներին: Իմ որոշմամբ՝ ստեղծվել է այդ հարցով հանձնաժողով, և այդ սնունդն այսօր կամավորները համայնքի աշխատակիցների հետ միասին բաժանելու են միայնակ ծերերին, բազմազավակ, անապահով ընտանիքներին: Արդեն մեկնարկել են այդ աշխատանքները: Հրազդան համայնքում գործող բոլոր ակտիվ ՀԿ-ները, զերծ մնալով ինքնագործունեությունից, համախմբվել են համայնքապետարանի և համայնքի ղեկավարի շուրջ և իրենց պատրաստակամությունն են հայտնել այս օրերին ինչով հնարավոր է աջակցել համայնքի ղեկավարին և լինել համայնքի կողքին:

 


NEWS

Աշտարակ համայնքում բնակիչները համայնքապետարանին առաջարկում են օգնություն՝ կորոնավիրուսի կանխարգելման աշխատանքների կազմակերպման հարցում
Աշտարակ համայնքում բնակիչները համայնքապետարանին առաջարկում են օգնություն՝ կորոնավիրուսի կանխարգելման աշխատանքների կազմակերպման հարցում

19:17

03 04 2020

ՀՀ Արագածոտնի մարզի Աշտարակ համայնքի բոլոր մուտքերին ու ելքերին, համայնքի ամբողջ տարածքում...

Արարատ քաղաքի բնակիչները «բավարար» չափով են հետևում ինքնամեկուսացման կանոններին. Հայկ Հայկյան
Արարատ քաղաքի բնակիչները «բավարար» չափով են հետևում ինքնամեկուսացման կանոններին. Հայկ Հայկյան

14:25

03 04 2020

ՀՀ Արարատի մարզի Արարատ քաղաքում ինքնամեկուսացման կանոնները քաղաքացիները պահպանում են բավարար...

«Գյուղի փողոցներում գրեթե մարդ չկա, խանութները փակ են». Փարպի համայնքի ղեկավարը՝ համայնքում տիրող իրավիճակի և ախտահանման աշխատանքների մասին
«Գյուղի փողոցներում գրեթե մարդ չկա, խանութները փակ են». Փարպի համայնքի ղեկավարը՝ համայնքում տիրող իրավիճակի և ախտահանման աշխատանքների մասին

19:18

02 04 2020

Հայաստանի համայնքների միությունը շարունակում է ներկայացնել, թե արտակարգ դրության օրերին...

«Անձամբ եմ շրջում համայնքում և հորդորում բնակիչներին տանը մնալ». Եղեգիս համայնքի ղեկավար
«Անձամբ եմ շրջում համայնքում և հորդորում բնակիչներին տանը մնալ». Եղեգիս համայնքի ղեկավար

12:42

02 04 2020

Հայաստանի համայնքների միությունն ամենօրյա գրաֆիկով ներկայացնում է, թե ինչ իրավիճակ է տիրում ՀՀ...

«Համայնքապետարանի աշխատակիցների կողմից համայնքի մուտքերին եւ ելքերին իրականացվում է հսկողություն». Սարուխան համանքի ղեկավար
«Համայնքապետարանի աշխատակիցների կողմից համայնքի մուտքերին եւ ելքերին իրականացվում է հսկողություն». Սարուխան համանքի ղեկավար

19:24

01 04 2020

Ինչպե՞ս է արտակարգ դրության օրերին անցնում համայնքային կյանքը ՀՀ Գեղարքունիքի մարզի Սարուխան...

«Այսօր անձի գիտակցության, իսկական  քաղաքացիական պահվածքի խնդիր ունենք». Նոր կյանք համայնքի ղեկավար
«Այսօր անձի գիտակցության, իսկական քաղաքացիական պահվածքի խնդիր ունենք». Նոր կյանք համայնքի ղեկավար

13:33

01 04 2020

Հայաստանի համայնքների միությունը «Համայնքներն արտակարգ դրության ժամանակ» խորագրով...