Ստրասբուրգում անցկացվել  է ԵԽ Կոնգրեսի 43-րդ նստաշրջանը

Ստրասբուրգում անցկացվել է ԵԽ Կոնգրեսի 43-րդ նստաշրջանը

25 10 2022 19 09 2022

Ստրասբուրգում հոկտեմբերի 25-ին մեկնարկել է Եվրոպայի խորհրդի տեղական և տարածքային իշխանությունների կոնգրեսի (ԵԽ Կոնգրես) 43-րդ նստաշրջանը:

Նստաշրջանին մասնակցում է հայկական պատվիրակությունը՝ պատվիրակության ղեկավար, Հայաստանի համայնքների միության նախագահ Էմին Երիցյանի գլխավորությամբ:

ԵԽ Կոնգրեսն իր աշխատանքները կշարունակի մինչև հոկտեմբերի 27-ը:

Լիագումար նիստի բացման ընթացքում հոկտեմբերի 25-ին հաստատվել է Կոնգրեսի նստաշրջանի օրակարգը: Ըստ այդմ՝ հոկտեմբերի 25-ին կանցկացվի Ռուսաստանի Դաշնության պատերազմն՝ ընդդեմ Ուկրաինայի թեմայով բանավեճ, որին առցանց ռեժիմով կմասնակցեն Ուկրաինայի համայնքների և տարածքային զարգացման նախարար Ալեքսեյ Չերնիշովը և Կիևի քաղաքապետ, Ուկրաինայի քաղաքների ասոցիացիայի նախագահ Վիտալի Կլիչկոն:

Բանավեճին կհաջորդի Կոնգրեսի հայտարարությունը, որով Կոնգրեսը դատապարտում է ՌԴ-ի ագրեսիան ընդդեմ Ուկրաինայի, ինչպես նաև հանցագործություններն՝ ընդդեմ Ուկրաինայի քաղաքացիների և տեղական ընտրված պաշտոնյաներին: