Մարզային աշխատաժողովներ երիտասարդ քաղաքացիական ակտիվիստների համար

Մարզային աշխատաժողովներ երիտասարդ քաղաքացիական ակտիվիստների համար

25 01 2020 27 01 2020

«Ազատ քաղաքացի» քաղաքացիական նախաձեռնությունների աջակցման կենտրոնը՝  Վիշեգրադի միջազգային հիմնադրամի (Սլովակիա) աջակցությամբ «Վ4-ը հանուն ՏԻՄ-երում երիտասարդների ներգրավման» ծրագրի շրջանակներում կազմակերպում է մարզային աշխատաժողովներ երիտասարդ քաղաքացիական ակտիվիստների համար՝ տեղական ինքնակառավարման մարմինների գործունեության հետ ծանոթացման եւ դրանց վերահսկողության ուղղությամբ նրանց կարողությունների զարգացման նպատակով:

Ծրագրի մասին

Նպատակը.

Զարգացնել երիտասարդ քաղաքացիական ակտիվիստների կարողությունները ՏԻՄ-երի գործունեության մեջ ներգրավման, դրանց մշտադիտարկման եւ վերահսկողության գործում, բարձրացնել նրանց իրազեկվածությունը Եվրոպական կառույցների, ինստիտուտների եւ Հայաստանում իրագործվող դրանց ծրագրերի վերաբերյալ:

Ծրագրի մասնակիցները պետք է.

-         Լինեն 16-30 տարեկան:

-         Հետաքրքրված լինեն սեփական համայնքների անցուդարձով, դրանց զարգացման, ռեսուրսների կառավարման եւ ՏԻՄ գործունեության հարցում:

 

Այլ.

Տեղերի սահմանափակ լինելու պատճառով միայն 20 ընտրված երիտասարդներ հնարավորություն կստանան մասնակցելու աշխատաժողովին:

Ընտրված երիտասարդները հունվարի 23-ին էլ.փոստով կտեղեկացվեն միջոցառման վայրի մասին:

  • Աշխատաժողովի լավագույն 1-2 մասնակիցներ կընտրվեն մասնակցելու համար 2020թ. հուլիսին տեղի ունենալիք 5-օրյա Ամառային դպրոցին, եւս 4 հոգի կհրավիրվեն մասնակցելու 2020թ. տեղի ունենալիք Երիտասարդական համաժողովին:
  • Հայաստանից բոլոր մարզերի մասնակիցներից՝ իրենց համայնքի, այդ թվում ՏԻՄ-երի որեւէ խնդրի եւ դրանց լուծման ուղիների մասին 1 էջանոց ծրագիր/հոդված ներկայացրած լավագույն տասը կարժանանան 100.000 դրամ մրցանակի:
  • Հայաստանից լավագույն 10 մասնակիցների համար «Ազատ քաղաքացի» ՔՆԱԿ ՀԿ-ն կդիմի Վիշեգրադի հիմնադրամին՝ ֆինանսավորելու համար նրանց ուսումնական 10-օրյա այցելությունը դեպի Վիշեգրադ-4 երկրներ՝ Չեխիա, Լեհաստան, Սլովակիա եւ Հունգարիա՝ կրկնելով 2017-ի հաջողված փորձը (նախորդ ծրագրի մասին պատմող հոլովակը տե՛ս այս հղմամբ. https://www.youtube.com/watch?v=BrOn4Zkz8wk ) : 

 

Աշխատաժողովին մասնակցելու՝ ստորեւ ներկայացված հայտը անհրաժեշտ է լրացնել եւ ուղարկել [email protected] էլ. հասցեով ոչ ուշ քան ս.թ. հունվարի 22-ը: 

Հայտ

Օրակարգ