Լրացավ Հայաստանում տեղական ինքնակառավարման 26-ամյակը. Միության նախագահ Էմին Երիցյանի ուղերձը

Լրացավ Հայաստանում տեղական ինքնակառավարման 26-ամյակը. Միության նախագահ Էմին Երիցյանի ուղերձը

10.11.2022

Հարգելի համայնքապետեր,

Ավագանու անդամներ,

Համայնքային ծառայողներ,

Սրտանց շնորհավորում եմ Հայաստանում տեղական ինքնակառավարման օրվա առիթով։

Լրացավ Հայաստանում տեղական ինքնակառավարման 26-ամյակը։ Իհարկե, ինքնակառավարման ինստիտուտը, համայնքային կացութաձևը առկա է եղել մարդկային հանրույթի գոյության ողջ պատմության ընթացքում։ 1996 թվականին Հայաստանում ձևավորվեց տեղական ինքնակառավարում տեղական ժողովրդավարության ժամանակակից ընկալումների ծիրում։ Ավելին, տեղական ինքնակառավարման նոր համակարգը նորանկախ պետականության կայացման պահանջված հենասյուներից մեկն էր։

26 տարիների հատույթում հազարավոր մարդիկ էին ներգրավված իրենց համայնքների ու պետության կայացման, համայնքների շենացման գործում։ Մեր տեսլականն էր, որ համայնքները, օժտված լինելով բավարար ռեսուրսներով, կարողություններով ու իրավասությամբ, սեփական պատասխանատվությամբ ու ինքուրույն գործելով, էապես բարելավեն մարդկանց կենսամիջավայրը, որակյալ ու մատչելի ծառայություններ մատուցեն։

Բոլոր այս տարիներին դուք պատվով իրականացրել եք ձեր հանձնառությունը՝ ծառայել ժողովրդին։ Բոլոր այս տարիներին պատասխանատվության բեռն ու հասանելի միջոցները եղել են անհամապատասխան։ Այդ պայմաններում ձեր առաքելությունն անհնարին կլիներ առանց այն նվիրումի, որով դուք վերաբերվում եք ձեր գործին, ձեր համայնքներին։

Մեկնարկելով 936 համայնքների, համայնքի ղեկավարի ու ավագանու անդամների ուղիղ ընտրական համակարգից՝ մենք այսօր հանգրվանեցինք տեղական ինքնակառավարման այլ իրողությունում, երբ ունենք 71 խոշորացված համայնք, գերազանցապես համամասնական ընտրակարգ։ Սրանք փոփոխություններ էին, որ էական են մեր պետականության ու սահմանադրական համակարգի համար։

Այնուամենայնիվ, տեղական ժողովրդավարությունը դեռևս շատ մարտահրավերներ ունի։

Դրանցից ամենակարևորն են՝ ապակենտրոնացումը և քաղաքացիների վստահությունը։

Վարչատարածքային փոփոխություններից հետո էլ  տեղական իշխանությունների լիազորությունների ծավալը սահմանափակ է, իսկ դրանց իրականացման համար անհրաժեշտ միջոցները չնչին՝ հանրային ռեսուրսները դեռևս անհամաչափ են բաշխվում կենտրոնական ու տեղական իշխանությունների միջև։ Առանց ռեսուրսների և լիազորությունների՝ տեղական իշխանությունները չեն կարող իրականացնել իրենց առաքելությունը՝ ապահովել որակյալ ծառայություններ ու ստեղծել մարդու կյանքի որակյալ միջավայր։

Քաղաքացիների վստահությունը շարունակում է մնալ ամենակարևոր մարտահրավերներից մեկը։ Տեղական ժողովրդավարությունն անհնար է առանց վստահության։

Մեր ամենօրյա գործունեությունը պետք է ուղղված լինի հենց քաղաքացուն։ Ամենամոտը գտնվելով մեր բնակչին՝մենք եզակի հնարավորություն ունենք արարելու այդ վստահության ուժով՝ բարձրացնելով տեղական ինքնակառավարման դերն ու հեղինակությունը։

Հայաստանի և տեղական ինքնակառավարման վաղվա օրը լինելու է միայն վերելքի ուղի։

Շնորհավորում եմ բոլորիդ։

Էմին Երիցյան

Հայաստանի համայնքների միության նախագահ


NEWS

Webinar on CEF Cross-border Renewable Energy Projects
Webinar on CEF Cross-border Renewable Energy Projects

11:56

13 01 2023

The European Committee of Regions will hold a joint webinar with the Cross-Border...

Awarding ceremony of the winners of the contests held during “EU Sustainable Energy Week-2022”
Awarding ceremony of the winners of the contests held during “EU Sustainable Energy Week-2022”

12:45

27 12 2022

On December 22 the awarding ceremony of the winners of the contests held by "Covenant of Mayors...

Human Rights Day: “The protection of human rights begins close to citizens, in their daily lives,” says Council of Europe Congress spokesperson on Human Rights
Human Rights Day: “The protection of human rights begins close to citizens, in their daily lives,” says Council of Europe Congress spokesperson on Human Rights

16:29

10 12 2022

The spokesperson on Human Rights of the  Council of Europe Congress of Local and Regional...

Bernd Vöhringer: “Cross-border cooperation and solidarity between European cities are crucial in times of crises“
Bernd Vöhringer: “Cross-border cooperation and solidarity between European cities are crucial in times of crises“

11:46

08 12 2022

“Cross-border cooperation and solidarity between European cities are crucial in times of...

Meeting of the Bureau of the Congress in Strasbourg
Meeting of the Bureau of the Congress in Strasbourg

15:30

05 12 2022

The members of the Bureau of the Congress of Local and Regional Authorities met in Strasbourg,...