Լրացավ Հայաստանում տեղական ինքնակառավարման 26-ամյակը. Միության նախագահ Էմին Երիցյանի ուղերձը

Լրացավ Հայաստանում տեղական ինքնակառավարման 26-ամյակը. Միության նախագահ Էմին Երիցյանի ուղերձը

10.11.2022

Հարգելի համայնքապետեր,

Ավագանու անդամներ,

Համայնքային ծառայողներ,

Սրտանց շնորհավորում եմ Հայաստանում տեղական ինքնակառավարման օրվա առիթով։

Լրացավ Հայաստանում տեղական ինքնակառավարման 26-ամյակը։ Իհարկե, ինքնակառավարման ինստիտուտը, համայնքային կացութաձևը առկա է եղել մարդկային հանրույթի գոյության ողջ պատմության ընթացքում։ 1996 թվականին Հայաստանում ձևավորվեց տեղական ինքնակառավարում տեղական ժողովրդավարության ժամանակակից ընկալումների ծիրում։ Ավելին, տեղական ինքնակառավարման նոր համակարգը նորանկախ պետականության կայացման պահանջված հենասյուներից մեկն էր։

26 տարիների հատույթում հազարավոր մարդիկ էին ներգրավված իրենց համայնքների ու պետության կայացման, համայնքների շենացման գործում։ Մեր տեսլականն էր, որ համայնքները, օժտված լինելով բավարար ռեսուրսներով, կարողություններով ու իրավասությամբ, սեփական պատասխանատվությամբ ու ինքուրույն գործելով, էապես բարելավեն մարդկանց կենսամիջավայրը, որակյալ ու մատչելի ծառայություններ մատուցեն։

Բոլոր այս տարիներին դուք պատվով իրականացրել եք ձեր հանձնառությունը՝ ծառայել ժողովրդին։ Բոլոր այս տարիներին պատասխանատվության բեռն ու հասանելի միջոցները եղել են անհամապատասխան։ Այդ պայմաններում ձեր առաքելությունն անհնարին կլիներ առանց այն նվիրումի, որով դուք վերաբերվում եք ձեր գործին, ձեր համայնքներին։

Մեկնարկելով 936 համայնքների, համայնքի ղեկավարի ու ավագանու անդամների ուղիղ ընտրական համակարգից՝ մենք այսօր հանգրվանեցինք տեղական ինքնակառավարման այլ իրողությունում, երբ ունենք 71 խոշորացված համայնք, գերազանցապես համամասնական ընտրակարգ։ Սրանք փոփոխություններ էին, որ էական են մեր պետականության ու սահմանադրական համակարգի համար։

Այնուամենայնիվ, տեղական ժողովրդավարությունը դեռևս շատ մարտահրավերներ ունի։

Դրանցից ամենակարևորն են՝ ապակենտրոնացումը և քաղաքացիների վստահությունը։

Վարչատարածքային փոփոխություններից հետո էլ  տեղական իշխանությունների լիազորությունների ծավալը սահմանափակ է, իսկ դրանց իրականացման համար անհրաժեշտ միջոցները չնչին՝ հանրային ռեսուրսները դեռևս անհամաչափ են բաշխվում կենտրոնական ու տեղական իշխանությունների միջև։ Առանց ռեսուրսների և լիազորությունների՝ տեղական իշխանությունները չեն կարող իրականացնել իրենց առաքելությունը՝ ապահովել որակյալ ծառայություններ ու ստեղծել մարդու կյանքի որակյալ միջավայր։

Քաղաքացիների վստահությունը շարունակում է մնալ ամենակարևոր մարտահրավերներից մեկը։ Տեղական ժողովրդավարությունն անհնար է առանց վստահության։

Մեր ամենօրյա գործունեությունը պետք է ուղղված լինի հենց քաղաքացուն։ Ամենամոտը գտնվելով մեր բնակչին՝մենք եզակի հնարավորություն ունենք արարելու այդ վստահության ուժով՝ բարձրացնելով տեղական ինքնակառավարման դերն ու հեղինակությունը։

Հայաստանի և տեղական ինքնակառավարման վաղվա օրը լինելու է միայն վերելքի ուղի։

Շնորհավորում եմ բոլորիդ։

Էմին Երիցյան

Հայաստանի համայնքների միության նախագահ


ՆՈՐՈՒԹՅՈՒՆՆԵՐ

Պարգևատրման արարողություն՝ Ապարանի համայնքապետարանում․ ԵՄ Կայուն էներգիայի շաբաթ-2025
Պարգևատրման արարողություն՝ Ապարանի համայնքապետարանում․ ԵՄ Կայուն էներգիայի շաբաթ-2025

18:52

29 08 2025

Օգոստոսի 28-ին «Քաղաքապետերի դաշնագիր՝ Արևելք» ծրագրի կողմից պարգևատրվեցին «ԵՄ...

Պարգևատրման արարողություն Աբովյանի երեխաների աջակցության կենտրոնում՝ «ԵՄ կայուն էներգիայի շաբաթ-2025»-ի շրջանակներում
Պարգևատրման արարողություն Աբովյանի երեխաների աջակցության կենտրոնում՝ «ԵՄ կայուն էներգիայի շաբաթ-2025»-ի շրջանակներում

18:37

29 08 2025

Օգոստոսի 28-ին Աբովյանի երեխաների աջակցության կենտրոնում կազմակերպված պարգևատրման արարողության...

Ակունք համայնքում պարգևատրվեցին «ԵՄ կայուն էներգիայի շաբաթ-2025»-ի ակտիվ մասնակիցները
Ակունք համայնքում պարգևատրվեցին «ԵՄ կայուն էներգիայի շաբաթ-2025»-ի ակտիվ մասնակիցները

18:28

29 08 2025

Օգոստոսի 28-ին Ակունք համայնքում «Քաղաքապետերի դաշնագիր՝ Արևելք» ծրագրի կողմից...

Իջևանի համայնքապետարանում տեղի ունեցավ «ԵՄ կայուն էներգիայի շաբաթ-2025»-ի ակտիվ մասնակիցների պարգևատրման արարողություն
Իջևանի համայնքապետարանում տեղի ունեցավ «ԵՄ կայուն էներգիայի շաբաթ-2025»-ի ակտիվ մասնակիցների պարգևատրման արարողություն

18:39

26 08 2025

Իջևանի համայնքապետարանում օգոստոսի 25-ին «Քաղաքապետերի դաշնագիր՝ Արևելք» ծրագրի...

Պարգևատրվեցին Արթիկ համայնքում «ԵՄ կայուն էներգիայի շաբաթ-2025»-ի ակտիվ մասնակիցները
Պարգևատրվեցին Արթիկ համայնքում «ԵՄ կայուն էներգիայի շաբաթ-2025»-ի ակտիվ մասնակիցները

17:47

26 08 2025

Օգոստոսի 25-ին «Արթիկի երիտասարդների տուն» կենտրոնում կազմակերպված պարգևատրման...

Թալին համայնքում պարգևատրվեցին «ԵՄ կայուն էներգիայի շաբաթ-2025»-ի ակտիվ մասնակիցները
Թալին համայնքում պարգևատրվեցին «ԵՄ կայուն էներգիայի շաբաթ-2025»-ի ակտիվ մասնակիցները

14:43

26 08 2025

Օգոստոսի 25-ին Թալին համայնքում «Քաղաքապետերի դաշնագիր՝ Արևելք» ծրագրի կողմից...