Դեկտեմբերի 14-ին անցկացվում է ԵՄ Արևելյան գործընկերության տեղական և տարածաշրջանային իշխանությունների կոնֆերանսի (CORLEAP) 10-րդ տարեկան ժողովը՝ հիբրիդային եղանակով:

Տարեկան ժողովի առցանց մասնակցում է նաև Հայաստանի համայնքների միության նախագահ, CORLEAP Բյուրոյի անդամ Էմին Երիցյանը:

Տարեկան ժողովի մասնակիցներն իրենց ելույթներում կարևորեցին թարմացված արևելյան գործընկերության ձևավորման հարցում տեղական և տարածքային իշշխանությունների դերակատարությունը:

CORLEAP համանախագահ Եվրոպական միության Ռեգիոնների կոմիտեի նախագահ Ապոստոլոս Ցիցիկոստասն իր ողջույնի խոսքում հայտարարեց՝ այս հավաքը կարևոր հնարավորություն է ոչ միայն քննարկել տեղական և տարածքային իշխանությունների հանձնառությունները արևելյան գործընկերության շրջանակներում, այլև ընդգծելու ավելի սերտ տեղական և տարածքային համագործակցության անհրաժեշտությունը. «Մեր նպատակն է Արևելյան գործընկերության շրջանակներում մեր՝ որպես տեղական և տարածաշրջանային իշխանությունների կոնֆերանսի ձայնը դարձնել լսելի: Մենք կարիք ունենք ավելի սոլիդ և թարմացված արևելյան գործընկերության, որը կպաշտպանի քաղաքացիներին համավարակից, այլ մարտահրավերներից,  կդիմակայի սոցիալական և տնտեսական մարտահրավերներին: Մենք նպատակադրված ենք կայուն զարգացում ապահովել քաղաքիցներին, իսկ այս հարցում կենսական է տեղական իշխանությունների դերակատարությունը»: