Համայնքների հաղորդակցության պատասխանատուները մասնակցել են ցանցային հաղորդակցության գործիքների ներկայացմանը նվիրված վեբինարին

Համայնքների հաղորդակցության պատասխանատուները մասնակցել են ցանցային հաղորդակցության գործիքների ներկայացմանը նվիրված վեբինարին

14.03.2023

Հայաստանի համայնքների միությունը շարունակում է «Ցանցային հաղորդակցության գործիքներ․իրավիճակի գնահատում և անհրաժեշտ գործողությունների իրականացում» թեմայով վեբինարների շարքը: Մարտի 14-ին կայացած վեբինարին մասնակցել են շուրջ 25 համայնքների հաղորդակցության պատասխանատուներ, մամուլի քարտուղարներ։

Վեբինարի նպատակն է քննարկել հաղորդակցության ներկայիս միտումները, սոցցանցերում աշխատանքի առանձնահատկությունները և համայնքային էջերի օրինակով հասկանալ առկա խնդիրներն ու հետագա անելիքները, ինչպես նաև ստեղծել հարթակ միմյանց փորձի ներկայացման և քննարկման համար։

Հայաստանի համայնքների միության հաղորդակցության պատասխանատու Տաթևիկ Հարությունյանը մասնակիցներին ներկայացրել է գրագետ հաղորդակցություն իրականացնելու գործիքներ Թվիթթեր և Տելեգրամ հարթակներում, ինչպես նաև անդրադարձ է կատարել համացանցում անվտանգության խնդիրներին։

Իջևան համայնքի մամուլի պատասխանատու Լիա Ճաղարյանը ներկայացրել է համայնքի ֆեյսբուքյան պաշտոնական էջն ու յութուբյան ալիքը, դիտելիության ցուցանիշներ, այս հարթակներում աշխատանքի կազմակերպման առանձնահատկությունները։ Նաև անդրադարձ է կատարվել համայնքում հաղորդակցության գծով աշխատանքի կազմակերպմանը։

Արտաշատ համայնքի ղեկավարի մամուլի քարտուղար Գոհար Հովսեփյանը ևս ներկայացրել է համայնքապետարանի պաշտոնական ֆեյսբուքյան էջը։ Նրա դիտարկմամբ՝ հատկապես մեծ դիտելիություն են ունենում տեսանյութերը, ուստի աշխատում են, որպեսզի տեքստային բովանդակությանը զուգահեռ ներկայացվեն նաև տեսանյութեր։ Գոհար Հովսեփյանը նաև հայտնել է թվային և որակական ցուցանիշներ համայնքապետարանի ֆեյսբուքյան պաշտոնական էջի հետևորդների մասին։

Թումանյան խոշորացված համայնքի Դսեղ բնակավայրի ներկայացուցիչ Մարգարիտա Չատինյանը ներկայացրել է հաղորդակցության ոլորտում իրենց աշխատանքում փոփոխությունները խոշորացված համայնքում բնակավայրի ընդգրկվելուց հետո։

Գորիսի մամուլի ակումբի ՀԿ ծրագրերի տնօրեն Անահիտ Բաղդասարյանն իր դիտարկումներն է ներկայացրել համայնքների կայքէջերի և սոցիալական ցանցերի էջերի վերաբերյալ՝ հատկապես շեշտադրելով թափանցիկության և հաշվետվողականության ապահովման հարցը։ Նա, օրինակ բերելով Գորիս համայնքի ինտերակտիվ բյուջեն, կարևորել է համայնքների պաշտոնական էջերում ոչ միայն ընթացիկ միջոցառումների մասին տեղեկատվության հրապարակումը, այլև համայնքի աշխատանքի թափանցիկությունն ու հաշվետվողականությունն ապահովող տեղեկատվության հրապարակումը։

Այնուհետև հարցուպատասխանի ժամանակ վեբինարի մասնակիցները տարատեսակ հարցեր են հղել փորձագետին՝ կապված ֆեյսբուք սոցիալական ցանցում աշխատանքի առանձնահատկությունների, ֆեյսբուքյան օգտատերերի հետ աշխատանքին վերաբերող հարցերի հետ։

Նշենք, որ վեբինարների շարքը կլինի շարունակական, որոնցից յուրաքանչյուրի ընթացքում երկուական համայնքների ներկայացուցիչներ կներկայացնեն իրենց համայնքային ֆեյսբուքյան էջերը, պաշտոնական կայքէջերը, իրենց աշխատանքի սկզբունքները։ Այնուհետև հրավիրված փորձագետը կարծիք կհայտնի համայնքային էջերի վերաբերյալ, որոշ խորհուրդներ կտա համայնքային ֆեյսբուքյան էջերը վարող մասնագետներին։

 


NEWS

Հայաստանի յոթ համայնքների ղեկավարներ Կազանում մասնակցում են «Եվրասիայի քաղաքները և համաշխարհային միտումները» թեմայով դասընթացին
Հայաստանի յոթ համայնքների ղեկավարներ Կազանում մասնակցում են «Եվրասիայի քաղաքները և համաշխարհային միտումները» թեմայով դասընթացին

13:34

25 05 2023

Հայաստանի համայնքների միության պատվիրակությունը մայիսի 24-27-ը Կազան քաղաքում մասնակցում է...

Reykjavik Summit: European leaders show strong commitment to local and regional democracy
Reykjavik Summit: European leaders show strong commitment to local and regional democracy

13:15

19 05 2023

The Summit of the Council of Europe in Reykjavik gathered 46 Heads of State and Government on 16...

Ցանցային հաղորդակցության հմտությունների բարելավմանն ուղղված ևս մեկ վեբինար՝ համայնքների հաղորդակցության պատասխանատուների համար
Ցանցային հաղորդակցության հմտությունների բարելավմանն ուղղված ևս մեկ վեբինար՝ համայնքների հաղորդակցության պատասխանատուների համար

15:47

11 05 2023

Հայաստանի համայնքների միության նախաձեռնությամբ մայիսի 11-ին անցկացվել է «Ցանցային...

For an effective governance at all levels of intercultural integration
For an effective governance at all levels of intercultural integration

14:02

10 05 2023

Speaking at the 3rd Meeting of the Committee of Experts on the Intercultural Integration of...

Local and regional authorities must integrate an environmental dimension into all their policies
Local and regional authorities must integrate an environmental dimension into all their policies

14:18

02 05 2023

Speaking at the conference on green public administration in the context of good democratic...

Congress actively contributes to the Council of Europe visibility week in Georgia
Congress actively contributes to the Council of Europe visibility week in Georgia

10:28

28 04 2023

“Preventing discrimination is one of the fundamental principles of our work and these...