Համայնքների հաղորդակցության պատասխանատուները մասնակցել են ցանցային հաղորդակցության գործիքների ներկայացմանը նվիրված վեբինարին

Համայնքների հաղորդակցության պատասխանատուները մասնակցել են ցանցային հաղորդակցության գործիքների ներկայացմանը նվիրված վեբինարին

14.03.2023

Հայաստանի համայնքների միությունը շարունակում է «Ցանցային հաղորդակցության գործիքներ․իրավիճակի գնահատում և անհրաժեշտ գործողությունների իրականացում» թեմայով վեբինարների շարքը: Մարտի 14-ին կայացած վեբինարին մասնակցել են շուրջ 25 համայնքների հաղորդակցության պատասխանատուներ, մամուլի քարտուղարներ։

Վեբինարի նպատակն է քննարկել հաղորդակցության ներկայիս միտումները, սոցցանցերում աշխատանքի առանձնահատկությունները և համայնքային էջերի օրինակով հասկանալ առկա խնդիրներն ու հետագա անելիքները, ինչպես նաև ստեղծել հարթակ միմյանց փորձի ներկայացման և քննարկման համար։

Հայաստանի համայնքների միության հաղորդակցության պատասխանատու Տաթևիկ Հարությունյանը մասնակիցներին ներկայացրել է գրագետ հաղորդակցություն իրականացնելու գործիքներ Թվիթթեր և Տելեգրամ հարթակներում, ինչպես նաև անդրադարձ է կատարել համացանցում անվտանգության խնդիրներին։

Իջևան համայնքի մամուլի պատասխանատու Լիա Ճաղարյանը ներկայացրել է համայնքի ֆեյսբուքյան պաշտոնական էջն ու յութուբյան ալիքը, դիտելիության ցուցանիշներ, այս հարթակներում աշխատանքի կազմակերպման առանձնահատկությունները։ Նաև անդրադարձ է կատարվել համայնքում հաղորդակցության գծով աշխատանքի կազմակերպմանը։

Արտաշատ համայնքի ղեկավարի մամուլի քարտուղար Գոհար Հովսեփյանը ևս ներկայացրել է համայնքապետարանի պաշտոնական ֆեյսբուքյան էջը։ Նրա դիտարկմամբ՝ հատկապես մեծ դիտելիություն են ունենում տեսանյութերը, ուստի աշխատում են, որպեսզի տեքստային բովանդակությանը զուգահեռ ներկայացվեն նաև տեսանյութեր։ Գոհար Հովսեփյանը նաև հայտնել է թվային և որակական ցուցանիշներ համայնքապետարանի ֆեյսբուքյան պաշտոնական էջի հետևորդների մասին։

Թումանյան խոշորացված համայնքի Դսեղ բնակավայրի ներկայացուցիչ Մարգարիտա Չատինյանը ներկայացրել է հաղորդակցության ոլորտում իրենց աշխատանքում փոփոխությունները խոշորացված համայնքում բնակավայրի ընդգրկվելուց հետո։

Գորիսի մամուլի ակումբի ՀԿ ծրագրերի տնօրեն Անահիտ Բաղդասարյանն իր դիտարկումներն է ներկայացրել համայնքների կայքէջերի և սոցիալական ցանցերի էջերի վերաբերյալ՝ հատկապես շեշտադրելով թափանցիկության և հաշվետվողականության ապահովման հարցը։ Նա, օրինակ բերելով Գորիս համայնքի ինտերակտիվ բյուջեն, կարևորել է համայնքների պաշտոնական էջերում ոչ միայն ընթացիկ միջոցառումների մասին տեղեկատվության հրապարակումը, այլև համայնքի աշխատանքի թափանցիկությունն ու հաշվետվողականությունն ապահովող տեղեկատվության հրապարակումը։

Այնուհետև հարցուպատասխանի ժամանակ վեբինարի մասնակիցները տարատեսակ հարցեր են հղել փորձագետին՝ կապված ֆեյսբուք սոցիալական ցանցում աշխատանքի առանձնահատկությունների, ֆեյսբուքյան օգտատերերի հետ աշխատանքին վերաբերող հարցերի հետ։

Նշենք, որ վեբինարների շարքը կլինի շարունակական, որոնցից յուրաքանչյուրի ընթացքում երկուական համայնքների ներկայացուցիչներ կներկայացնեն իրենց համայնքային ֆեյսբուքյան էջերը, պաշտոնական կայքէջերը, իրենց աշխատանքի սկզբունքները։ Այնուհետև հրավիրված փորձագետը կարծիք կհայտնի համայնքային էջերի վերաբերյալ, որոշ խորհուրդներ կտա համայնքային ֆեյսբուքյան էջերը վարող մասնագետներին։

 


ՆՈՐՈՒԹՅՈՒՆՆԵՐ

Պատերազմ Ուկրաինայում. ԵԽ Կոնգրեսը հռչակագիր է ընդունել
Պատերազմ Ուկրաինայում. ԵԽ Կոնգրեսը հռչակագիր է ընդունել

14:00

23 03 2023

Մարտի 21-23-ը Ստրասբուրգում անցկացվող Եվրոպայի խորհրդի տեղական և տարածքային իշխանությունների...

Ստրասբուրգում աշխատանքներն է սկսում ԵԽ Կոնգրեսի 44-րդ նստաշրջանը
Ստրասբուրգում աշխատանքներն է սկսում ԵԽ Կոնգրեսի 44-րդ նստաշրջանը

10:55

21 03 2023

Մարտի 21-ին Ստրասբուրգում իր աշխատանքներն է սկսում Եվրոպայի խորհրդի տեղական և տարածքային...

ԵԽ Կոնգրեսի նախագահ Լինդերտ Վերբիկը կարևորել է Կոնգրեսի դերի ուժեղացումը
ԵԽ Կոնգրեսի նախագահ Լինդերտ Վերբիկը կարևորել է Կոնգրեսի դերի ուժեղացումը

16:49

06 03 2023

«Այսօր մեր առջև ծառացած սպառնալիքներն ու մարտահրավերներն ազդում են առանց բացառության մեր...

ՀՀ-ում Ֆրանսիայի դեսպանատան ապակենտրոնացված համագործակցության և քաղաքացիական հասարակության գծով կցորդն այցելել է Հայաստանի համայնքների միություն
ՀՀ-ում Ֆրանսիայի դեսպանատան ապակենտրոնացված համագործակցության և քաղաքացիական հասարակության գծով կցորդն այցելել է Հայաստանի համայնքների միություն

11:25

28 02 2023

Փետրվարի 27-ին Հայաստանի համայնքների միությունում հյուրընկալվել է ՀՀ-ում Ֆրանսիայի դեսպանատան...

Դրամաշնորհային հնարավորություն քաղաքների և հարակից գործընկերների համար՝ Եվրոպական հանձնաժողովի կողմից. ընդունվում են հայտեր
Դրամաշնորհային հնարավորություն քաղաքների և հարակից գործընկերների համար՝ Եվրոպական հանձնաժողովի կողմից. ընդունվում են հայտեր

12:19

23 02 2023

Եվրոպական հանձնաժողովը և Եվրոպական կլիմայի, ենթակառուցվածքների և շրջակա միջավայրի գործադիր...