Փորձագետները վեբինարի ընթացքում պարզաբանել են խոշորացման համատեքստում աշխատակազմերի ներկայացուցիչների և համայնքային ծառայողներին հուզող բազմաթիվ հարցերի
11.11.2021
Հայաստանի համայնքների միության նախաձեռնությամբ նոյեմբերի 10-ին անցկացվել է «Աշխատակազմերի և համայնքային ծառայողների վերաբերյալ հարցերը՝ խոշորացման համատեքստում» թեմայով վեբինար համայնքների աշխատակազմերի և համայնքային ծառայողների համար:
Հայաստանի համայնքների միության նախագահ Էմին Երիցյանը, շնորհավորելով ՀՀ-ում տեղական ինքնակառավարման 25-ամյակի կապակցությամբ, նշել է. «Տեղական ինքնակառավարման համակարգը ՀՀ-ում պետականությանը հավասարազոր հենասյուներից է: Շատերդ երկար տարիներ այս համակարգում եք, բոլորի համար կյանքի մի մասն է այն: Տեղական ինքնակառավարումը ոչ միայն ընտրովի պաշտոնյաներն են, ավագանին, համայնքի ղեկավարը, այլև աշխատակազմերը, համայնքային ծառայողները: Ձեր ներդրումը բավականին մեծ է»:
Վեբինարի անցկացման նպատակն էր կարևորել խոշորացման ընթացքում անցումային այս փուլը, նաև ապահովել տեղական ինքնակառավարման մարմիներում աշխատակազմերի անցումային առանձնահատկությունները: Դիմելով համայնքների աշխատակազմերի ներկայացուցիչներին և համայնքային ծառայողներին՝ Էմին Երիցյանը նշել է. «Նաև ձեր ջանքերով պիտի ապահովվի անցման կայունությունը»:
Եվրոպայի խորհրդի փորձագետ Վահագն Պետրոսյանը վեբինարի ընթացքում անդրադարձել է համայնքների խոշորացման արդյունքում համայնքապետարանների վերակազմակերպման, հաստիքների կրճատման և դրանց հետ կապված իրավական խնդիրներին: Նա ներկայացրել է այս ոլորտում օրենսդրական կարգավորումները, մարդկային ռեսուրսների կառավարման հետ կապված հարցեր:
ՀՀ Տարածքային կառավարման և ենթակառուցվածքների նախարարության Համայնքային ծառայության հարցերի բաժնի պետի պաշտոնակատար Աննա Վարդանյանը, խոսելով համայնքների խոշորացման արդյունքում համայնքապետարանների աշխատակազմերի վերակազմակերպման գործընթացի մասին, ներկայացրել է որոշ ընթացակարգային հարցեր. «Որոշվել է, որ համայնքների աշխատակազմերը խոշորացումից երկու ամիս հետո շարունակելու են իրենց գործունեությունը, որպեսզի համայնքային ծառայության պաշտոնների անվանացանկերը հաստատվեն, տեղի ունենա պաշտոնների անձնագրերի մշակման գործընթացը, այնուհետև կազմակերպվի մրցութային գործընթացը»:
Աննա Վարդանյանը տեղեկացրել է՝ մշակվում է մեթոդական ուղեցույց, որն առաջիկա 15 օրվա ընթացքում կներկայացվի համայնքներին:
Վեբինարի ընթացքում արդեն իսկ խոշորացված համայնքների ներկայացուցիչները խոսել են իրենց փորձի մասին: Հարցուպատասխանի փուլում փորձագետները պատասխանել են համայնքների աշխատակազմերի ներկայացուցիչներին, համայնքային ծառայողներին հուզող տասնյակ հարցերի:
18:52
29 08 2025
Օգոստոսի 28-ին «Քաղաքապետերի դաշնագիր՝ Արևելք» ծրագրի կողմից պարգևատրվեցին «ԵՄ...
18:37
29 08 2025
Օգոստոսի 28-ին Աբովյանի երեխաների աջակցության կենտրոնում կազմակերպված պարգևատրման արարողության...
18:28
29 08 2025
Օգոստոսի 28-ին Ակունք համայնքում «Քաղաքապետերի դաշնագիր՝ Արևելք» ծրագրի կողմից...
18:39
26 08 2025
Իջևանի համայնքապետարանում օգոստոսի 25-ին «Քաղաքապետերի դաշնագիր՝ Արևելք» ծրագրի...
17:47
26 08 2025
Օգոստոսի 25-ին «Արթիկի երիտասարդների տուն» կենտրոնում կազմակերպված պարգևատրման...
14:43
26 08 2025
Օգոստոսի 25-ին Թալին համայնքում «Քաղաքապետերի դաշնագիր՝ Արևելք» ծրագրի կողմից...
22
Nov
26
Oct
25
Oct