Եվրոպային խորհրդի տեղական և տարածքային իշխանությունների կոնգրեսը (ԵԽ Կոնգրես) 47 անդամ երկրների տեղական իշխանություններին հրավիրում է գրանցվել, որպեսզի մասնակցություն ունենան «Տեղական ժողովրդավարության եվրոպական շաբաթ 2020» համաեվրոպական նախաձեռնությանը: Անհրաժեշտ է գրանցվել այս հասցեով: 

ԵԽ կոնգրեսի այս նախաձեռնության նպատակն է խթանել տեղական ժողովրդավարությունը և քաղաքացիների մասնակցությունը, ինչին ուղղված են ԵԽ Կոնգրեսի աշխատանքները՝ 2007-ից ի վեր:

2020 թվականին Տեղական ժողովրդավարության եվրոպական շաբաթը կանցկացվի «Տեղական ժողովրդավարություն. վստահության կառուցում» թեմայով: Կոնգրեսը տեղական իշխանություններին հորդորում է նշված թեմատիկայի շրջանակում կազմակերպել միջոցառումներ ողջ տարվա ընթացքում, իսկ եզրափակիչ միջոցառումը կազմակերպել հոկտեմբերի 15-ի շաբաթվա ընթացքում:

Գրանցվելու համար համայնքները պետք է ստեղծեն իրենց անձնական հաշիվը հետևյալ հարթակում: 

Այդ էջում պետք է տեղեկություններ հրապարակել այն միջոցառումների մասին, որոնք համայնքները ցանկանում են կազմակերպել տեղական ժողովրդավարության եվրոպական շաբաթվա ընթացքում:  Իսկ այն համայնքները, որոնք նախորդ տարիներին մասնակցել են տեղական ժողովրդավարության շաբաթվա շրջանակում անցկացվող միջոցառումներին, կարող են գրանցվել իրենց՝ արդեն գոյություն ունեցող էջերով:

Տեղական ժողովրդավարության եվրոպական շաբաթվա նորություններին կարող եք հետևել

Faceebook

Twitter 

Առցանց գրանցում

Տեղական ժողովրդավարության եվրոպական շաբաթ. կայքէջ

Հարցերի դեպքում կապ հաստատեք Հայաստանի համայնքների միություն կամ  ԵԽ Կոնգրես [email protected]: