Ստրասբուրգում հոկտեմբերի 26-28-ն անցկացվում է Եվրոպայի խորհրդի Տեղական և տարածքային իշխանությունների կոնգրեսի (ԵԽ Կոնգրես) 41-րդ նստաշրջանը: 

«Միգրացիա. շարունակվող մարտահրավերներ քաղաքների և ռեգիոնների համար» թեմայով քննարկմանը մասնակցել են ԵԽ գլխավոր քարտուղարի Միգրացիայի և փախստականների հարցերով հատուկ ներկայացուցիչ դեսպան Դրահոսլավ Ստեֆանեկը և ԵԽ կոնգրեսի փախստականների հարցերով զեկուցեղ Էրինի Դուրուն:

Դեսպան Ստեֆանեկը հայտարարել է «Կոնգրեսն, անշուշտ, օրինական ձայն ունի այս ոլորտում, քանի որ տեղական և տարածաշրջանային իշխանությունները մեծ դերակատարություն ունեն միգրանտների և փախստականների ընդունման և ինտեգրման գործում»: Նա ներկայացրեց այս ոլորտում Կոնգրեսի գործողությունների պլանը: Նա հայտարարեց՝ վերջին  հինգ տարիների ընթացքում Կոնգրեսն ազգային կառավարություններին ներկայացրել է խորհրդատվություն, թե ինչպես կարելի է կազմակերպել փախստականներիկ խնդիրների լուծումը տեղական մակարդակում: Կոնգրեսի մոտեցումն այն է, արդյունավետ է փախստականների վաղ ինտեգրումը, ինչպես նաև այս հարցում հաջողության հասնելու համար անհրաժեշտ է ազգային, տարածաշրջանային և տեղական մակարդակների միջև իրավասությունների հստակ բաշխումը: