«Սեքսիզմի հիմքերը կանանց և տղամարդկանց միջեւ պատմականորեն անհավասար հարաբերությունների մեջ են: Այն պետք է վերանայվի որպես կանանց նկատմամբ բռնության ձև»,-այս պնդումը վերահաստատեց Եվրոպայի խորհրդի Տեղական և տարածքային իշխանությունների կոնգրեսի (ԵԽ Կոնգրես) գենդերայի հավասարության հարցերով խոսնակ Ելենա Դրենջանին «Հավասար իրավունքներ և հնարավորություններ» ֆորումի ընթացքում: Ֆորումն անցկացվեց Կիևում:

Պանելային քննարկման ժամանակ ԵԽ Կոնգրեսի խոսնակը շեշտեց՝ Կոնգրեսը կողմ է կոշտ օրենսդրական մոտեցումներին և բռնության զոհերին տեղական իշխանությունների միջոցով աջակցություն տրամադրելուն:

Նա հայտարարեց. «Մենք պատրաստակամ ենք աջակցել տեղական իշխանություններին, որպեսզի նրանք իրազեկման աշխատանքներ կատարեն և բացատրեն հանրությանը սեքսիստական վերաբերմունքի դրսևորորւմների և հետևանքների մասին»:

Եվրոպայի խորհրդի Տեղական և տարածքային իշխանությունների կոնգրեսի Գլխավոր քարտուղար Անդրեաս Կիֆերը ֆորումի ընթացքում հայտարարեց. «Տեղական քաղաքականությունը կարևոր ոլորտ է գենդերային հավասարության ապահովման համար, քանի որ հաճախ այն կանանց՝ քաղաքականությունը մուտք գործելու առաջին մուտքի կետն է: Հենց այս պատճառով էլ Կոնգրեսը հորդորում է տեղական իշխանություններին ձեռնարկել համապատասխան միջոցներ, որպեսզի կանայք տղամարդկանց հավասար կարողանան իրենց տեղը գտնել պետական մարմիններում»: