Պետական կառավարման ամբողջականության, թափանցիկության և հաշվետվողականության թեմայով աշխատաժողովներ՝ համայնքների ներկայացուցիչների համար
29.06.2021
Եվրոպայի խորհրդի տեղական և տարածքային իշխանությունների կոնգրեսի (Կոնգրես) կողմից Հայաստանում հունիս-սեպտեմբեր ամիսներին անցկացվում են առաջնորդության թեմատիկ առցանց աշխատաժողովներ «Հանրային բարեվարքությունը և էթիկան՝ տեղական կառավարման համակարգում» փորձագիտական հանրույթի անդամ համայնքների համար:
Առցանց թեմատիկ աշխատաժողովների ընթացքում շեշտը դրվում է տեղական կառավարման համակարգում հանրային բարեվարքության ու էթիկական կառավարման թեմաների վրա:
«Հանրային բարեվարքություն» թեմայով առաջին աշխատաժողովը տեղի է ունեցել հունիսի 24-25-ին: Միացյալ Թագավորության Իփսվիչի շրջանի խորհրդի անդամ, «Տեղական ժողովրդավարության եվրոպական շաբաթ»-ի (ELDW) Կոնգրեսի թեմատիկ խոսնակ Բրայոնի Ռուդկինը ներկայացրել է առկա հանրային բարեվարքության ռազմավարությունները և շեշտադրել հանրային բարեվարքության, բաց և էթիկական կառավարման կարևորությունը՝ տեղական ինքնակառավարման մարմիններում ու կառավարման հաստատություններում՝ քաղաքացիների վստահությունը ապահովելու համար:
Հուլիսի 1-2-ին կանցկացվեն «Բաց և թափանցիկ կառավարում», հուլիսի 8-9-ին «Հակակոռուպցիոն քաղաքականություն» թեմաներով աշխատաժողովներ: Իսկ սեպտեմբերին նախատեսվում է անցկացնել «Պետական գնումների թափանցիկություն» թեմայով աշխատաժողով:
Միջազգային և տեղական փորձագետների կողմից անցկացվելիք աշխատաժողովները ներառում են՝ տեղական կառավարման համակարգում եվրոպական ստանդարտների ու էթիկայի վերաբերյալ Կոնգրեսի առաջարկությունները գործնականում կիրառելու ուսուցում, փորձի փոխանակում Հայաստանի տեղական ինքնակառավարման մարմինների ներկայացուցիչների ու Կոնգրեսի անդամների միջև, որոնք հրավիրված են իրենց փորձը ներկայացնելու համար:
Աշխատաժողովներն անցկացվում են «Հայաստանի համայնքների միության ինստիտուցիոնալ կարողությունների ամրապնդում և Հայաստանում թափանցիկ, մասնակցային տեղական ինքնակառավարման խթանում» ծրագրի շրջանակներում: Այն իրականացվում է Եվրոպայի խորհրդի տեղական և տարածքային իշխանությունների կոնգրեսի կողմից, Շվեյցարիայի կառավարության ֆինանսական աջակցությամբ՝ Եվրոպայի խորհրդի Հայաստանի համար իրականացվող գործողությունների 2019-2022թթ․ ծրագրի շրջանակներում:
12:37
07 12 2023
Երևանում դեկտեմբերի 5-6-ին անցկացվել է «Համայնքային էներգետիկ կառավարման համակարգի...
10:04
01 11 2023
Եվրոպայի խորհրդի տեղական և տարածքային իշխանությունների կոնգրեսը (ԵԽ Կոնգրես) մտահոգություն է...
13:26
30 10 2023
Ստրասբուրգում անցկացված Եվրոպայի խորհրդի տեղական և տարածքային իշխանությունների կոնգրեսի (ԵԽ...
19:09
26 10 2023
Եվրոպայի խորհրդի տեղական և տարածքային իշխանությունների կոնգրեսի (ԵԽ կոնգրես) 45-րդ նստաշրջանի...
16:11
24 10 2023
Ստրասբուրգում մեկնարկել է Եվրոպայի խորհրդի տեղական և տարածքային իշխանությունների կոնգրեսի (ԵԽ...
23:47
22 10 2023
Ստրասբուրգում հոկտեմբերի 24-26-ին կանցկացվի Եվրոպայի խորհրդի տեղական և տարածքային...
22
Նմբ
26
Հոկ
25
Հոկ