Հունիսի 22-ին՝ ժամը 10։00-ին Ապարանի համայնքապետարանի նախաձեռնությամբ կկազմակերպվի հեծանվային արշավ-մրցույթ Ապարան-Լուսագյուղ-Ապարան երթուղով։ 

Այն կազմակերպվում է «Քաղաքապետերի դաշնագիր՝ Արևելք» ծրագրի նախաձեռնությամբ անցկացվող ԵՄ Կայուն էներգիայի շաբաթվա (EU Sustainable Energy Week) շրջանակներում «Մաքուր էներգիային անցման արագացում՝ ծախսերի նվազեցման և հմտությունների զարգացման նպատակով» խորագրի ներքո։ Հեծանվարշավը կանցկացվի «Be Clean, Go Green» խորագրով։ Նշենք, որ Ապարանի համայնքապետարանը Դաշնագրին անդամակցող համայնքներից է։ Իսկ Դաշնագրի հայաստանյան գործընկերը Հայաստանի համայնքների միությունն է։

Հեծանվաարշավին մասնակցել ցանկացողները կարող են գրանցվել հետևյալ հասցեով։

https://forms.gle/xjUwAa6RFvtviQ8T9

Մրցանակային տեղեր կլինեն մինչև 13 տարեկանների, 13-ից բարձր տարիքային խմբերում և աղջիկների մրցանակային խմբում։

Բացի հեծանվային արշավ-մրցույթից կկազմակերպվի նաև վիկտորինա։ Հաղթողներին սպասվում են խրախուսական նվերներ:

Մեկնարկը տրվելու է Երևան-Ապարան միջպետական մայրուղու ձախակողմյան հատվածից (գազալցակայանի հարակից տարածք):

Հարցերի դեպքում գրել հետևյալ էլ․ հասցեին՝[email protected] կամ զանգահարել հետևյալ +374 98 512 536 հեռախոսահամարին։