Վեբինար. քննարկվեցին Տեղական ինքնակառավարման եվրոպական խարտիայի դրույթներ և տեղական ժողովրդավարության վիճակը Հայաստանում

Վեբինար. քննարկվեցին Տեղական ինքնակառավարման եվրոպական խարտիայի դրույթներ և տեղական ժողովրդավարության վիճակը Հայաստանում

03.08.2020

Օգոստոսի 3-ին տեղի ունեցավ «Տեղական ինքնակառավարման եվրոպական խարտիան և տեղական ժողովրդավարության վիճակը Հայաստանում» թեմայով վեբինար:

Վեբինարը վարեց Հայաստանի համայնքների միության նախագահ, Եվրոպայի խորհրդի տեղական ու տարածքային իշխանությունների կոնգրեսի փոխնախագահ Էմին Երիցյանը:

Վեբինարի սկզբում Էմին Երիցյանը ներկայացրեց Տեղական ինքնակառավարման եվրոպական խարտիայի դրույթները, Խարտիայի նպատակները: Ներկայացման ընթացքում անդրադարձ կատարվեց տեղական ինքնակառավարման իրավասության ոլորտին, տեղական ինքնակառավարման մարմինների գործունեության վարչական վերահսկողությանն առնչվող հարցերի:

Վեբինարին մասնակցեցին համայնքի ղեկավարներ, ավագանու անդամների,  համայնքային ծառայողներ, ՀԿ-ների ներկայացուցիչներ և շահագրգիռ այլ անձինք:

Առցանց քննարկումը կազմակերպեց Հայաստանի համայնքների միությունը Վիշեգրադի միջազգային հիմնադրամի աջակցությամբ իրականացվող «Համագործակցություն քաղաքների կայուն զարգացման ուղղությամբ. ընդհանուր մարտահրավերներ, ընդհանուր լուծումներ» ծրագրի շրջանակներում:

Վիշեգրադի միջազգային հիմնադրամի աջակցությամբ իրականացվող  ծրագրի նպատակն է աջակցել համայնքներին քաղաքական պաշտոնյաների և աշխատակազմերի կարողությունների զարգացման հարցում:

Ծրագրի գործընկերներն են Լեհաստանի քաղաքների ասոցիացիան, Սլովակիայի քաղաքների միությունը, Հունգարիայի տեղական իշխանությունների ազգային ասոցիացիան, Չեխիայի Ռադլոյի քաղաքապետարանը:

Ներկայացումից հետո վեբինարի մասնակիցները հարցեր հղեցին վեբինարավարին: Դրանք վերաբերում էին ՏԻՄ համակարգը գրավիչ դարձնելու, հաղորդակցության ապահովման, ՏԻՄ-երի որոշ գործառույթներ առցանց համակարգով իրականացնելու անհրաժեշտությանը, համայնքների սեփական ռեսուրսների և ինքնուրույնության հարցերին:

Մտահոգություններ հնչեցին նաև տեղական ինքնակառավարման մարմինների ոչ բավարար ֆինանսավորման, ռեսուրսների անարդար բաշխման առիթով:

Տեղեկացնենք՝ վեբինարները շարունակական են: Հայաստանի համայնքների միությունը կազմակերպվում է նաև «Տեղական ինքնակառավարման արդիական իրավական հիմնահարցերը ՀՀ-ում», «Տեղական ինքնակառավարման Եվրոպական Խարտիան և տեղական ժողովրդավարության վիճակը Հայաստանում», «COVID-19․ Տեղական իշխանությունների համար առկա իրավական շրջանակները և պրակտիկ խնդիրները» թեմաներով վեբինարներ:

Վեբինարների ընթացքում բարձր ակտիվություն և նախաձեռնողականություն դրսևորած ծրագրի կողմից ընտրված մասնակիցները ճանաչողական այցով կմեկնեն Լեհաստան ուսումնասիրելու տեղական փորձը:

 

 


ՆՈՐՈՒԹՅՈՒՆՆԵՐ

Ֆրանսիայի Բուշ-դյու-Ռոն դեպարտամենտի խորհուրդը Արցախին սատարող բանաձև է ընդունել
Ֆրանսիայի Բուշ-դյու-Ռոն դեպարտամենտի խորհուրդը Արցախին սատարող բանաձև է ընդունել

16:32

27 10 2020

Ֆրանսիայի Բուշ-դյու-Ռոն դեպարտամենտի խորհուրդը միաձայն ընդունել է Արցախին սատարող հռչակագիր,...

ԱՄՆ-Հայաստան-Ադրբեջան համատեղ հայտարարություն
ԱՄՆ-Հայաստան-Ադրբեջան համատեղ հայտարարություն

14:54

26 10 2020

Հայաստանի արտգործնախարար Զոհրաբ Մնացականյանը և Ադրբեջանի արտգործնախարար Ջեյհուն Բայրամովը...

Ադրբեջանն Արցախի խաղաղ բնակչության նկատմամբ արգելված զենք է կիրառում
Ադրբեջանն Արցախի խաղաղ բնակչության նկատմամբ արգելված զենք է կիրառում

12:42

21 10 2020

Ադրբեջանը շարունակում է թիրախավորել Արցախի խաղաղ բնակավայրերը:

Տեղի ունեցավ Տեղական ժողովրդավարության եվրոպական շաբաթ (ELDW) նախաձեռնության համակարգող խմբի հանդիպումը
Տեղի ունեցավ Տեղական ժողովրդավարության եվրոպական շաբաթ (ELDW) նախաձեռնության համակարգող խմբի հանդիպումը

20:15

09 10 2020

Հոկտեմբերի 9-ին տեղի ունեցավ Տեղական ժողովրդավարության եվրոպական շաբաթ (ELDW) նախաձեռնության...

ԵԽ Կոնգրեսի նախագահը դատապարտում է Թուրքիայում տեղական ինքնակառավարմանը հասցված հերթական հարվածը
ԵԽ Կոնգրեսի նախագահը դատապարտում է Թուրքիայում տեղական ինքնակառավարմանը հասցված հերթական հարվածը

11:21

02 10 2020

Եվրոպայի խորհրդի (ԵԽ) տեղական և տարածքային իշխանությունների կոնգրեսի նախագահ Անդերս Կնապեն իր...

Հոկտեմբերի 2-ից՝ ժամը 14:00-ից գործելու են մի շարք սահմանափակումներ և կարգավորումներ
Հոկտեմբերի 2-ից՝ ժամը 14:00-ից գործելու են մի շարք սահմանափակումներ և կարգավորումներ

11:08

02 10 2020

Հարգելի՛ հայրենակիցներ, ի հավելումն Հայաստանի Հանրապետության Ազգային անվտանգության...