Տեղի է ունեցել  «Քաղաքացիների ձայնն ու գործողությունները Հայաստանի խոշորացված համայնքներում» ծրագրի փակման արարողությունը

Տեղի է ունեցել «Քաղաքացիների ձայնն ու գործողությունները Հայաստանի խոշորացված համայնքներում» ծրագրի փակման արարողությունը

03.06.2021

Մայիսի 26-ին տեղի է ունեցել  «Քաղաքացիների ձայնն ու գործողությունները Հայաստանի խոշորացված համայնքներում» ծրագրի փակման արարողությունը:

Միջոցառմանը ներկա էր Հայաստանում Եվրոպական միության պատվիրակության համագործակցության բաժնի ղեկավարի տեղակալ Սիլյա Կասմանը: Նա իր ելույթում փաստեց՝ ԵՄ-ն կարևորում է տարածքային և տեղական զարգացումը, հատկապես հեռավոր համայնքների զարգացումը, ինչը ԵՄ առաջնահերթություններից է:

 «Քաղաքացիների ձայնն ու գործողությունները Հայաստանի խոշորացված համայնքներում» ծրագիրն իրականացնում է «Համայնքների ֆինանսիստների միավորումը» (ՀՖՄ) «Հայաստանի համայնքների միության» (ՀՀՄ) և «Տեղական ժողովրդավարության գործակալությունների ասոցիացիայի» (ԱԼԴԱ) հետ համատեղ: Ծրագիրը ֆինանսավորում է Եվրոպական միությունը: Ծրագիրն իրականացվել է Հայաստանի 52 խոշորացված համայնքներում: Նպատակն  է խթանել տեղական զարգացումը զբոսաշրջության միջոցով: Ծրագիրն իրականացվել է համայնքային, միջհամայնքային և մարզային մակարդակներում:

Համայնքների ֆինանսիստների միավորման նախագահ Վահան Մովսիսյանի վստահեցմամբ՝ փորձել են ամեն ինչ անել, որ տեղական մակարդակում հիմք դրվի տուրիզմի և տնտեսական զարգացման համար: «Տեղական ժողովրդավարության գործակալությունների ասոցիացիայի» գլխավոր քարտուղար Անտոնելլա Վալմորբիդան կարևորեց տեղական իշխանությունների, մասնավոր սեկտորի և քաղաքացիական հասարակության համագործակցությունը:

Հայաստանի համայնքների միության նախագահ Էմին Երիցյանը բարձր գնահատեց ԵՄ-ի աջակցությունը տեղական իշխանություններին ու կարևորեց այն, որ տեղական իշխանությունները նաև եվրոպական աջակցության հասցեատեր լինեն, քանի որ կարող են ավելի մեծ հանձնառություններ վերցնել, քան ունեն:

Ծրագրի փակման հանդիսավոր արարողությունից հետո անդրադարձ է կատարվել Հայաստանում զբոսաշրջության զարգացման հնարավորություններին և մարտահրավերներին հետհամաճարակային պայմաններում: Պանելային քննարկումների ընթացքում Արևելյան գործընկերության երկրների գործընկերները ներկայացրել են  զբոսաշրջության զարգացման ոլորտը, վրացի գործընկերները ներկայացրել են վրացական լավագույն փորձը, ինչպես նաև անդրադարձ է կատարվել ՀՀ-ում նորարարական զբոսաշրջության զարգացման լավագույն փորձին տեղական մակարդակում:


ՆՈՐՈՒԹՅՈՒՆՆԵՐ

ԵԽ Կոնգրեսի 40-րդ նստաշրջանի ընթացքում կընդունվի Հայաստանի վերաբերյալ մոնիտորինգային զեկույց
ԵԽ Կոնգրեսի 40-րդ նստաշրջանի ընթացքում կընդունվի Հայաստանի վերաբերյալ մոնիտորինգային զեկույց

11:09

09 06 2021

Հունիսի 15-17-ը կանցկացվի Եվրոպայի խորհրդի Տեղական և տարածքային իշխանությունների կոնգրեսի (ԵԽ...

Ներկայացվել են ԵՄ ֆինանսավորմամբ Տավուշի մարզում իրականացված միջհամայնքային ծրագրերը
Ներկայացվել են ԵՄ ֆինանսավորմամբ Տավուշի մարզում իրականացված միջհամայնքային ծրագրերը

11:17

03 06 2021

Մայիսի 27-ին տեղի ունեցավ «Քաղաքացիների ձայնն ու գործողությունները Հայաստանի խոշորացված...

Տեղի է ունեցել Դաշինք՝ հանուն կայուն և կանաչ կառավարման ծրագրի Ղեկավար կոմիտեի անդրանիկ նիստը
Տեղի է ունեցել Դաշինք՝ հանուն կայուն և կանաչ կառավարման ծրագրի Ղեկավար կոմիտեի անդրանիկ նիստը

11:37

31 05 2021

Մայիսի 27-ին Վանաձորի համայնքապետարանի նիստերի դահլիճում տեղի է ունեցել Վանաձորի, Գյումրու և...

Հեռավար կարգով անցկացվել է Եվրոպայի խորհրդի կոնգրեսի Բյուրոյի նիստը
Հեռավար կարգով անցկացվել է Եվրոպայի խորհրդի կոնգրեսի Բյուրոյի նիստը

20:23

26 05 2021

Մայիսի 26-ին հեռավար կարգով անցկացվել է Եվրոպայի խորհրդի Տեղական և տարածքային իշխանությունների...

Տավուշի մարզի համայնքային և միջհամայնքային ծրագրերի ներկայացում
Տավուշի մարզի համայնքային և միջհամայնքային ծրագրերի ներկայացում

11:04

25 05 2021

Մայիսի 27-ին՝ ժամը 11:00-ին տեղի կունենա «Քաղաքացիների ձայնն ու գործողությունները...