«Քաղաքացիական հասարակության կազմակերպությունները, ներառյալ երիտասարդական կազմակերպությունները, ինչպես նաև մասնավոր հատվածը, քաղաքների և քաղաքապետարանների բնական գործընկերներն են ՄԱԿ-ի 2030 թվականի օրակարգի իրականացման գործում»,- հայտարարել է Եվրոպայի խորհրդի Տեղական և տարածքային իշխանությունների կոնգրեսի փոխնախագահ և Կայուն զարգացման նպատակների գծով համազեկուցող Խավիեր Կադորեն։ 

Նշենք, որ 2023 թվականի սեպտեմբերին Նյու Յորքում կկայանա 2030 թվականի օրակարգի միջնաժամկետ վերանայման վերաբերյալ ՄԱԿ-ի գագաթնաժողովը։

Կոնգրեսի համազեկուցողն ընդգծել է, որ «քաղաքացիները պետք է մնան ՄԱԿ-ի 2030-ի օրակարգի իրականացման առանցքում» և մատնանշել է ավելի ամուր գործընկերության և մշտական երկխոսության և խորհրդակցությունների կարևորությունը ազգային կառավարությունների և բոլոր տեղական դերակատարների՝ ներառյալ քաղաքացիական հասարակության և մասնավոր հատվածի միջև։ Նա նաև կոչ է արել նման գործընկերություններ հաստատել տեղական իշխանությունների և տեղական դերակատարների միջև՝ կայուն զարգացման նպատակները հաջողությամբ տեղայնացնելու համար: Կոնգրեսի փոխնախագահը ընդգծել է․ «Քաղաքացիական հասարակությունն իր դերն ունի այս բազմամակարդակ գործընթացում»։