«Մարդու գործունեությունը և կոլեկտիվ ու անհատական մակարդակում տեղեկացվածությանը պակասն անկասկած կլիմայի փոփոխությունների պատճառներից են։ Միակ հնարավոր արձագանքը քաղաքական քայլերն են կառավարման բոլոր ոլորտներում հաղթահարելու համար համընդհանուր աղտոտվածության ճգնաժամը, կլիմայի փոփոխությունն ու կենսաբազմազանության կորուստը»,- հայտարարել է ԵԽ Կոնգրեսի շրջակա միջավայրի և կլիմայի փոփոխության հարցերով խոսնակ Քեմալ Բասը։

Ռեյկյավիկում տեղի ունեցած գագաթաժողովի ընթացքում պետությունների և կառավարությունների ղեկավարները հաստատել են, որ մաքուր, առողջ և կայուն միջավայրը կարևոր է մարդու իրավունքների ամբողջական իրացման համար ներկայումս և ապագա սերունդների համար։ Կոնգրեսը վստահ է, որ տեղական և տարածքային իշխանությունների ընտրված ներկայացուցիչներն անկյունաքարային դերակատարություն ունեն կլիմայական արտակարգ իրավիճակների դեմ պայքարի հարցում։ Նրանք իրենց հմտությունները պետք է գործադրեն հանուն ներառական կլիմատիկ գործողությունների իրենց՝ տեղական մակարդակում որոշումների կայացման գործընթացներում։

ԵԽ կոնգրեսի խոսնակը հայտարարել է․ «Տեղական և տարածքային իշխանությունները հաշվետու են համայնքի բնակիչների առաջ, ներկա և ապագա սերունդներին այն գործողությունների և որոշումների համար, որոնք նրանք կայացրել են կլիմայի փոփոխության դեմ պայքարի համար»։