ԵԽ Կոնգրեսն ամրագրել է՝ ֆինանսական ռեսուրսները, իրավասությունների բաժանումը, խորհրդակցական մեխանիզմները և Խարտիայի կիրառելիությունը դեռևս շարունակում են մնալ «ցավոտ» կետեր

ԵԽ Կոնգրեսն ամրագրել է՝ ֆինանսական ռեսուրսները, իրավասությունների բաժանումը, խորհրդակցական մեխանիզմները և Խարտիայի կիրառելիությունը դեռևս շարունակում են մնալ «ցավոտ» կետեր

11.02.2021

Փետրվարի 11-ին հեռավար եղանակով անցկացվել է  Եվրոպայի խորհրդի տեղական և տարածքային իշխանությունների կոնգրեսի (ԵԽ Կոնգրես) Մշտադիտարկման (Մոնիտորինգային) հանձնաժողովի նիստը:

Նիստին մասնակցել են 100-ից ավելի ներկայացուցիչներ տարբեր անդամ երկրներից, երիտասարդ պատվիրակներ:

Նիստին մասնակցել է նաև ԵԽ Կոնգրեսի փոխնախագահ, Կոնգրեսում հայկական պատվիրակության ղեկավար, Հայաստանի համայնքների միության նախագահ Էմին Երիցյանը:

Հանձնաժողովի նիստի ընթացքում ԵԽ Կոնգրեսի գլխավոր քարտուղար Անդրեաս Կիֆերը տեղեկացրել է՝ այս ընթացքում՝ համաճարակային պայմաններում, Կոնգրեսն անդամ երկրներում անցկացրել է տարբեր սեմինարներ, վեբինարներ:

Գլխավոր քարտուղարն անկեղծացել է՝ կարոտում և անհամբեր սպասում են, թե երբ են նորից վերադառնալու Կոնգրեսի աշխատանքներին նախկին ձևաչափով:

Անդրեաս Կիֆերը նշել է՝ հուսով է գոնե տարվա երկրորդ կեսին կկարողանան աշխատանքները կազմակերպել ֆիզիկական ներկայության ձևաչափով՝ Ստրասբուրգում: Կոնգրեսի քարտուղարը հույս է հայտնել, որ Կոնգրեսի ընտանիքը շուտով կվերամիավորվի:

Մշտադիտարկման՝ Մոնիտորինգի հանձնաժողովն ընդունել է  «Կոնգրեսի՝ Տեղական ինքնակառավարման եվրոպական խարտիայի և ընտրությունների դիտորդական առաքելությունների գնահատումների հիման վրա արձանագրված խնդիրները (2017-2020 թ.թ.)» խորագրով զեկույցը:

Համազեկուցողները մտահոգություն են հայտնում, որ ֆինանսական ռեսուրսները, իրավասությունների բաժանումը, խորհրդակցական մեխանիզմները և Տեղական ինքնակառավարման եվրոպական խարտիայի կիրառելիությունը դեռևս այն «ցավոտ» կետերն են, որոնց պետք է ուշադիր հետևել հետագա մոնիտորինգի գործողություններում:

Հանձնաժողովը մտահոգված է՝ նկատվում են Խարտիայի 7-րդ հոդվածի պարբերական խախտումներ՝ մասնավորապես տեղական ընտրված ներկայացուցիչների պաշտոնավարման պայմանների ապահովման առումով: Հանձնաժոովի ուսումնասիրությունները ցույց են տալիս, որ անդամ երկրներում աճում են դժվարությունները կապված տեղական իշխանությունների գործունեության համար ապահով քաղաքական և իրավական միջավայր ստեղծելու հետ:

Համազեկուցողների դիտարկմամբ՝ պետական ինստիտուտների նկատմամբ հասարակական անվստահությունը հանգեցրել է տեղական մակարդակում որոշումների կայացման հարցում քաղաքացիների մասնակցության աստիճանի նվազմանը:

Նշված խնդիրներով հանդերձ՝ համազեկուցողները դրական միտում են նկատել մոնիտորինգային նախորդ զեկույցի համեմատ, մասնավորապես տեղական իշխանությունների շահերը պաշտպանող տեղական ասոցիացիաների դերի ուժեղացման առումով:

Կոնգրեսը առաջիկայում լրացուցիչ գործիքներ կտրամադրի անդամ պետություններին նշված խնդիրների հաղթահարման համար: Հանձնաժողովի անդամները համակարծիք են՝ տեղական ժողովրդավարությունը պետք է գործի անգամ COVID-19 համավարակի պայմաններում:

Նշենք, որ փետրվարի 12-ին տեղի կունենա ԵԽ Կոնգրեսի Բյուրոյի նիստը, որի ընթացքում կհաստատվի ազգային պատվիրակությունների կազմը:

Մարտի 23-24-ին կանցկացվի Կոնգրեսի նստաշրջանը՝ հիբրիդային ձևաչափով: Նախատեսվում են ԵԽ Կոնգրեսի նախագահի ընտրություններ:


ՆՈՐՈՒԹՅՈՒՆՆԵՐ

Էմին Երիցյանը ԵԺԿ-ի կողմից կրկին առաջադրվել է Եվրոպայի խորհրդի Կոնգրեսի փոխնախագահի պաշտոնում
Էմին Երիցյանը ԵԺԿ-ի կողմից կրկին առաջադրվել է Եվրոպայի խորհրդի Կոնգրեսի փոխնախագահի պաշտոնում

11:57

04 03 2021

Մարտի 3-ին տեղի է ունեցել Եվրոպայի խորհրդի Տեղական և տարածքային իշխանությունների կոնգրեսի...

Նոր՝ օգտակար ձեռնարկ տեղական իշխանությունների համար՝ մշակված Եվրոպայի խորհրդի կողմից
Նոր՝ օգտակար ձեռնարկ տեղական իշխանությունների համար՝ մշակված Եվրոպայի խորհրդի կողմից

13:01

03 03 2021

Եվրոպայի խորհրդի տեղական և տարածքային իշխանությունների կոնգրեսը (ԵԽ Կոնգրես) վերջերս տեղական և...

Տեղի է ունեցել Հայաստանի համայնքների միության Վերստուգիչ հանձնաժողովի նիստը
Տեղի է ունեցել Հայաստանի համայնքների միության Վերստուգիչ հանձնաժողովի նիստը

13:56

24 02 2021

Փետրվարի 23-ին տեղի է ունեցել Հայաստանի համայնքների միության վերստուգիչ հանձնաժողովի նիստը:

Կայացել է Հայաստանի համայնքների միության վարչության նիստը
Կայացել է Հայաստանի համայնքների միության վարչության նիստը

16:45

19 02 2021

Փետրվարի 19-ին տեղի է ունեցել Հայաստանի համայնքների միության վարչության նիստը: