«Տեղական և տարածաշրջանային իշխանությունները նպաստում են ժողովրդավարության և մարդու իրավունքների ներդրմանը հիմնային մակարդակում». ԵԽ Կոնգրեսի հանձնարարական
27.03.2023
Եվրոպայի խորհրդի Տեղական և տարածքային իշխանությունների կոնգրեսը (ԵԽ Կոնգրես) 44-րդ նստաշրջանի ընթացքում ընդունել է իր հանձնարարականը «Եվրախորհրդի ապագայի և դրանում Կոնգրեսի դերի մասին»՝ որպես ներդրում մայիսի 16-17-ին Ռեյկյավիկում կայանալիք Եվրոպայի խորհրդի գագաթնաժողովին։
Հանձնարարականով Կոնգրեսը կոչ է անում պետությունների և կառավարությունների ղեկավարներին իրենց աջակցությունը հայտնել տեղական և տարածաշրջանային ժողովրդավարության վճռորոշ դերակատարության համար ժողովրդավարական արժեքների ներդրման, մարդու իրավունքների և օրենքի գերակայության նկատմամբ հարգանքի և ժողովրդավարական կառավարման և որոշումների կայացման գործում քաղաքացիների մասնակցության հարցում:
ԵԽ Կոնգրեսի զեկուցողներ Բերնդ Վոհրինգերը և Հարալդ Սոնդերեգերը՝ համապատասխանաբար Տեղական իշխանությունների և Տարածաշրջանների պալատի նախագահները, ընդգծել են վերջին ճգնաժամերը, որոնց թվում է Ուկրաինայում սարսափելի պատերազմը, կարևորել կառավարման մակարդակների ավելի լավ համակարգման անհրաժեշտությունը: Ըստ զեկուցողների՝ ավելի ուժեղ բազմամակարդակ կառավարումը թույլ է տալիս ավելի լավ արձագանքել ճգնաժամային իրավիճակներին և նպաստում ավելի ճկուն, ներառական և մասնակցային հասարակությունների կառուցմանը:
Կոնգրեսն իր տրամադրության տակ ունի Տեղական ինքնակառավարման եվրոպական խարտիայի եզակի իրավական դաշտը և փորձը տեղական և տարածաշրջանային ժողովրդավարության մոնիտորինգի, տեղական և տարածքային ընտրությունների դիտարկման, տեղական և տարածաշրջանային մակարդակներում մարդու իրավունքների պաշտպանության վերաբերյալ իրազեկվածության բարձրացման հարցում:
Խորհրդարանական վեհաժողովի հետ մեկտեղ Կոնգրեսը, որպես Եվրոպայի խորհրդի ընտրված ներկայացուցիչների երկու քաղաքական վեհաժողովներ, պետք է յուրաքանչյուրն իր կարողություններով և իրավասություններով ավելի մեծ դեր խաղա Եվրոպայի խորհրդի մանդատի իրացման գործում՝ հանդես գալով որպես կազմակերպությունների չափանիշների բազմապատկիչներ կառավարման բոլոր մակարդակներում:
Կոնգրեսի քաղաքական դերն ավելի լավ ճանաչելու կոչ անելով հանդերձ՝ ընդունված հանձնարարականը նպատակ ունի արտահայտել Կոնգրեսի ամրապնդված նվիրվածությունը իր կանոնադրական առաքելություններին համապատասխան և ի նպաստ Ռեյկյավիկի գագաթնաժողովի արդյունքների իրականացմանը:
20:28
03 04 2024
Ապրիլի 1-2-ին ԵՀ «Քաղաքապետերի դաշնագիր՝ Արևելք» տարածաշրջանային ծրագրի ղեկավար...
20:53
01 04 2024
Ապրիլի 1-ին ՀՀ տարածքային կառավարման և ենթակառուցվածքների նախարարությունում (ՏԿԵՆ) տեղի է...
12:37
07 12 2023
Երևանում դեկտեմբերի 5-6-ին անցկացվել է «Համայնքային էներգետիկ կառավարման համակարգի...
10:04
01 11 2023
Եվրոպայի խորհրդի տեղական և տարածքային իշխանությունների կոնգրեսը (ԵԽ Կոնգրես) մտահոգություն է...
13:26
30 10 2023
Ստրասբուրգում անցկացված Եվրոպայի խորհրդի տեղական և տարածքային իշխանությունների կոնգրեսի (ԵԽ...
19:09
26 10 2023
Եվրոպայի խորհրդի տեղական և տարածքային իշխանությունների կոնգրեսի (ԵԽ կոնգրես) 45-րդ նստաշրջանի...
22
Նմբ
26
Հոկ
25
Հոկ