Եվրոպայի խորհրդի տեղական և տարածքային իշխանությունների կոնգրեսի (ԵԽ Կոնգրես) գլխավոր քարտուղար Անդրեաս Կիֆերը սեպտեմբերի 27-ին ներկայացրել է Կոնգրեսի կատարած աշխատանքները մարտ ամսից ի վեր: 

Նա իր ելույթում ընդգծել է հոկտեմբերի 25-27-ին կայանալիք Կոնգրեսի 43-րդ նստաշրջանի հիմնական օրակարգը, որն այլ հարցերի շարքում ներառում է նաև Եվրոպայի խորհրդի ապագային միտված թեմաներ, մասնավորապես ատելության խոսքի և ֆեյք նյուզի ազդեցությունը տեղական և տարածքային ընտրված պաշտոնյաների աշխատանքի վրա, մարդու իրավունքների, շրջակա միջավայրի վրա, ինչպես իմիգրանտների խնդիրների վրա:

Անդրեաս Կիֆերը հիշեցրել է Կոնգրեսի շարունակական աջակցությունը Ուկրաինայի տեղական իշխանություններին, վերահաստատել է Կոնգրեսի դատապարտումը քաղաքապետերի առևանգման և այսպես կոչված հանրաքվեի անցկացման վերաբերյալ ռուսական զորքերի կողմից գրավված տարածքներում։

Կոնգրեսի գլխավոր քարտուղարը ակնարկ է ներկայացրել իր մանդատի՝ վերջին տասներկու տարիների ընթացքում Կոնգրեսի ընդհանուր գործունեության վերաբերյալ:

Նա ընդգծել է, որ Կոնգրեսի դերակատարությունը, որպես մի կազմակերպություն, որը հիմնված է Նախարարների կոմիտեի կանոնադրական որոշման վրա, բարձրացել է և շարունակում է բարձրանալ՝ սեփական նախաձեռնությամբ իրականացվող բարեփոխումների շնորհիվ:

Անդրադառնալով Եվրոպայի խորհրդի ապագայի վերաբերյալ ներկայումս ընթացող քննարկումներին՝ նա նշել է. «Կայուն ինստիտուտները, որոնք ի վիճակի են ապահովել աճ, մասշտաբի տնտեսությունները և արդիականությունը պետք է լինեն առաջիկա բարեփոխումների գործընթացի առաջնորդող սկզբունքները՝ Եվրոպայի խորհրդի հնարավոր չորրորդ գագաթնաժողովին ընդառաջ:

Անդրեաս Կիֆերի հավաստմամբ՝ Կոնգրեսը և նրա անդամների ցանցն ակտիվորեն կնպաստեն այս գործընթացին։