«Որքան տեղական իշխանությունների իրավասությունները քաղաքականության ոլորտներում և ծառայությունների մատուցման հարցում աճում են, այնքան մեծանում են նրանց պարտականությունները մարդու իրավունքների պաշտպանության առումով», - «Մարդու իրավունքները տեղական և տարածաշրջանային մակարդակներում» խորագրով համաժողովի ժամանակ հայտարարել է ԵԽ Կոնգրեսի՝ մարդու իրավունքների հարցերով խոսնակ Հարալդ Բերգմանը (Նիդեռլանդներ, ILDG):

Համաժողովն իրականացվել է հեռավար կերպով, որի նպատակն է նպաստել ՄԱԿ-ի կողմից հռչակված առաջնահերթություններից մարդու իրավունքների պաշտպանության իրականացմանը ու այն իրականացնել հատկապես տեղական իշխանությունների իրազեկման միջոցով: Կոնգրեսի խոսնակը շեշտել է. «Քաղաքացիների կողմից իրենց իրավունքների իրականացումը սկսվում և առավել ցայտուն դրսևորվում է այն համայնքներում, որտեղ նրանք ապրում են: Ահա թե ինչու ենք մենք համոզված, որ տեղական իշխանությունները մարդու իրավունքների պաշտպանության առաջնագծում են, ու համայնքը մարդու իրավունքների կիրառման մեկնարկային հարթակն է։ Ավելի քան երբևէ մեզ անհրաժեշտ են տեղական և տարածաշրջանային իշխանություններ, որոնք իրազեկված են մարդու իրավունքների պաշտպանությամբ և դրա իրականացման մեխանիզմներով»: