Քաղաքական զարգացումները ԵՄ սահմանային երկրներում ուղղակի ազդեցություն ունեն Միության անվտանգության, կայունության և բարգավաճման վրա: Ահա թե ինչու Եվրոպական հանձնաժողովը 2008թ.-ին մեկնարկեց «Արևելյան գործընկերությունը» (ԱլԳ), որի նպատակն է խթանել հարաբերությունները Արևելյան Եվրոպայի և Հարավային Կովկասի 6 երկրների հետ, որոնք են՝ Հայաստանը, Ադրբեջանը, Բելառուսը, Վրաստանը, Մոլդովան և Ուկրաինան: ԱլԳ քաղաքականությունը գործընկեր երկրներին ավելի է մոտեցնում ԵՄ-ին՝ բարելավելով առևտրատնտեսական կապերը, ճանապարհորդական համաձայանգրերը և համապատասխան մյուս քաղաքականությունները ԵՄ-ի և Արևելքի հարևանների միջև:
Արևելյան գործընկերության Տեղական և տարածքային իշխանությունների կոնֆերանսը, որը հայտնի է որպես CORLEAP, Եվրոպական միության և Արևելյան գործընեկորթւան տեղական և ռեգիոնալ իշխանությունների քաղաքական ֆորումն է: CORLEAP-ը ԵՄ միակ հարթակն է, որը հնարավորություն է տալիս քննարկելու քաղաքների և ռեգիոնների ներդրումը Արևելյան գործընկերության զարգացման հարցում:
CORLEAP-ը բաղկացած է տեղական և ռեգիոնալ 36 քաղաքական գործիչներից, որոնցից 18-ը՝ ԵՄ Ռեգիոնների կոմիտեից, 18-ը՝ Արևելյան վեց գործընկեր պետություններից:

CORLEAP-ի նպատակն է.

• Համակարգել տեղական և ռեգիոնալ իշխանությունների ներկայացվածությունը Արևելյան գործընկերության շրջանակներում, 
• Ամբողջացնել և աջակցել ԵՄ կառույցների և մյուս մասնակցող շահառուների ջանքերին՝ Եվրոպական հարևանության քաղաքականության իրականացման հարցում,
• Տարածել այն հայեցակարգերը, որոնք գործընկեր պետություններին ավելի կմոտեցնեն ԵՄ-ին և խթանել ներքին բարեփոխումը և հնարավորությունների զարգացումը տեղական և ռեգիոնալ մակարդակներում: