Բաթումիում անցկացվել է ԵՄ Արևելյան գործընկերության տեղական և տարածաշրջանային իշխանությունների կոնֆերանսի (CORLEAP) 12-րդ տարեկան ժողովը: 

Կոնգրեսի ռեգիոնների պալատի նախագահ Հարալդ Սոնդենեգգերն իր ելույթում շեշտել է ԵՄ Արևելյան գործընկերության երկրներում Եվրոպայի խորհրդի տեղական և տարածքային իշխանությունների կոնգրեսի դերակատարությունը, մասնավորապես ապակենտրոնացման բարեփոխումները։ Նա նաև հայտարարել է․ «Այսօր տեղական և տարածաշրջանային իշխանությունները շատ ավելի ուժեղ են, քան այն ժամանակ, երբ իրենց երկրները միացան Եվրոպայի խորհրդին»:

Խոսելով ներկայիս աշխարհաքաղաքական զարգացումների մասին՝ նա փաստել է համայնքների անփոխարինելի դերակատարությունը՝ որպես ճգնաժամերին արձագանքելու հարցում առաջամարտիկների, իրենց համայնքներում ժողովրդավարական արժեքների տարածողներ․ «Նոր աշխարհաքաղաքական իրականությունը և Ռեյկյավիկի գագաթնաժողովի մանդատը նոր թափ հաղորդեցին տեղական և տարածաշրջանային իշխանություններին ողջ Եվրոպայում, այդ թվում՝ Արևելյան գործընկերության երկրներում։ Տեղական ինքնակառավարման եվրոպական խարտիայի և տարածաշրջանում դրա համագործակցության նախագծերի Կոնգրեսի մոնիտորինգի միջոցով մենք պետք է շարունակենք մեր ջանքերը՝ աջակցելու ն ժողովրդավարությանը ուժեղ, բազմաստիճան կառավարման, ապակենտրոնացման և ավելի մեծ իրավասությունների ու ռեսուրսների համակարգում՝ տարածքային մակարդակում։ Մենք նաև պետք է ուսումնասիրենք տեղական և տարածաշրջանային իշխանությունների, ինչպես նաև նրանց ազգային ասոցիացիաների ուղղակի ֆինանսավորման ներուժը՝ բարձրացնելու նրանց ճկունությունը և ամրապնդելու նրանց՝ որպես ազգային հաստատությունների լիարժեք գործընկերների»։