Անցկացվել է «Քաղաքապետերի դաշնագիր՝ Արևելք» ծրագրի 7-րդ ուսուցողական սեմինար Դաշնագրին անդամակցող համայնքների մասնագետների համար
08.04.2021
Ապրիլի 6-ին «Անի Պլազա» հյուրանոցի «Նաիրի» նիստերի դահլիճում կազմակերպվել է Եվրոպական հանձնաժողովի «Քաղաքապետերի դաշնագիր՝ Արևելք» ծրագրի յոթերորդ ուսուցողական սեմինարը:
Միջոցառմանը մասնակցել են Դաշնագրին անդամակցող համայնքապետարանների համապատասխան որակավորում ունեցող տասնյակ մասնագետներ, որոնք ներգրավված են (կամ պետք է ներգրավվեն) Դաշնագրի շրջանակներում ԿԷԶԿՊԳԾ-ների մշակման և իրականացման գործընթացներում:
Ուսուցողական սեմինարը նվիրված էր Դաշնագրի շրջանակներում համայնքների Կայուն էներգետիկ զարգացման և կլիմայի պահպանության գործողությունների ծրագրերի (ԿԷԶԿՊԳԾ) մշակման ընթացքում համայնքապետարանների մասնագետների կողմից համայնքներին բնորոշ կլիմայական ռիսկերի գնահատմանը, խոցելի ոլորտների նույնականացմանը և հարմարվողականության միջոցառումների մշակմանը:
Եվրոպական հանձնաժողովի «Քաղաքապետերի դաշնագիր՝ Արևելք» ծրագրի շրջանակներում Հայաստանի համայնքների միության կողմից Դաշնագրին անդամակցող համայնքների մասնագետների համար պարբերաբար կազմակերպվում են համապատասխան բնագավառներում կարողությունների ամրապնդման ուսուցողական սեմինարներ, որոնց նպատակն է աջակցել համայնքներին Դաշնագրի ներքո իրենց կողմից ստանձնած հանձնառություններն առավել արդյունավետ և պատշաճ կերպով իրականացման գործում:
Ծրագրի ազգային փորձագետ Արտեմ Խարազյանը մասնակիցներին ներկայացրել է Հայաստանում «Քաղաքապետերի դաշնագիր» նախաձեռնության զարգացման և «Քաղաքապետերի դաշնագիր՝ Արևելք» ծրագրի գործողությունների մասին ակնարկ՝ նշելով Ծրագրի հիմնական ձեռքբերումները, համայնքներին ցուցաբերված աջակցությունը, արդեն կազմակերպված և առաջիկա միջոցառումները:
Ծրագրի փորձագետները ներկայացրել են թեմաներ, ինչպիսիք են կլիմայի փոփոխությունը և դրա հետևանքները ազգային և տեղական մակարդակներով, հարմարվողականությունը կլիմայի փոփոխությանը և դրա դերը կլիմայական ռիսկերի նվազեցման գործում, կլիմայական ռիսկերը և խոցելի բնագավառները, ներկայացվել է նաև Դաշտագրին անդամակցող համայնքների համար մշակված կլիմայական ռիսկերի ինքնագնահատման հարցաշարը:
Մասնավորապես, սեմինարների ընթացքում հիմնական ուշադրությունն ուղղված է եղել համայնքների կողմից ԿԷԶԿՊԳԾ-երի մշակման, ֆինանսավորման, իրականացման և արդյունքների մշտադիտարկման հետ կապված տեղական կարողությունների և գիտելիքների ամրապնդմանը:
Տեղեկացնենք՝ Ծրագրի իրականացման ընթացքում արդեն իսկ կազմակերպվել է 6 նման միջոցառում: Ընդ որում, հարկ է նշել, որ Ծրագրին մասնակցող յուրաքանչյուր երկրում ուսուցողական սեմինարների թեմաներն ընտրվում են անհատական սկզբունքով՝ հաշվի առնելով կարողությունների ամրապնդման կարիքների գնահատման համար համայնքների և ծրագրի գործընկերների հարցման արդյունքները:
20:28
03 04 2024
Ապրիլի 1-2-ին ԵՀ «Քաղաքապետերի դաշնագիր՝ Արևելք» տարածաշրջանային ծրագրի ղեկավար...
20:53
01 04 2024
Ապրիլի 1-ին ՀՀ տարածքային կառավարման և ենթակառուցվածքների նախարարությունում (ՏԿԵՆ) տեղի է...
12:37
07 12 2023
Երևանում դեկտեմբերի 5-6-ին անցկացվել է «Համայնքային էներգետիկ կառավարման համակարգի...
10:04
01 11 2023
Եվրոպայի խորհրդի տեղական և տարածքային իշխանությունների կոնգրեսը (ԵԽ Կոնգրես) մտահոգություն է...
13:26
30 10 2023
Ստրասբուրգում անցկացված Եվրոպայի խորհրդի տեղական և տարածքային իշխանությունների կոնգրեսի (ԵԽ...
19:09
26 10 2023
Եվրոպայի խորհրդի տեղական և տարածքային իշխանությունների կոնգրեսի (ԵԽ կոնգրես) 45-րդ նստաշրջանի...
22
Նմբ
26
Հոկ
25
Հոկ