Միավորված քաղաքների ու տեղական իշխանությունների համաշխարհային կազմակերպության (UCLG) Գործադիր բյուրոյի հանդիպումների օրակարգային հարցերից էին կլիմայի փոփոխությունները: 

Բյուրոյի առցանց հանդիպումներին մասնակցեցին անդամ երկրների քաղաքապետեր և նախարարներ: Քննարկումների ընթացքում նրանք փորձեցին մշակել մեխանիզմներ տեղական և տարածքային իշխանությունների և կենտրոնական իշխանությունների գործողությունների հավասարակշռման և կոորդիանցման ապահովման հարցում ՝ կլիմայի փոփոխությունների դեմ պայքարում:

Մտքեր փոխանակվեցին նաև էկոլոգիական վերակենդանացման հարցի վերաբերյալ՝ COVID-19 համավարակի համատեքստում:

Կազանի քաղաքապետ, UCLG- Eurasia-ի նախագահ Իլսուր Մետշինը կարծիք հայտնեց, որ այս հարցում միավորող դերակատարություն կարող է ունենալ Փարիզի համաձայնագիրը և վստահեցրեց, որ պետք է այս փաստաթղթի շուրջ միավորվել և դրանից բխող գործողություններ մշակել կլիմայի փոփոխությունների դեմ պայքարում:

Քննարկումներ ծավալվեցին նաև այն հարցերի շուրջ, թե ինչ քայլեր կարող են ձեռնարկել տեղական իշխանությունները շրջակա միջավայրի պահպանության հարցում և թե ինչպես կարող են տեղական իշխանություններն ու կենտրոնական իշխանությունները կոորդինացնել իրենց գործողությունները: