Տեղի է ունեցել ՀՀ-ում Ճապոնիայի դեսպանության և Հայաստանի համայնքների միության միջև դրամաշնորհային ծրագրի պայմանագրի ստորագրման արարողությունը

Տեղի է ունեցել ՀՀ-ում Ճապոնիայի դեսպանության և Հայաստանի համայնքների միության միջև դրամաշնորհային ծրագրի պայմանագրի ստորագրման արարողությունը

19.03.2021

Մարտի 19-ին Աշխատանքի և սոցիալական հարցերի նախարարությունում Դիլիջանի քաղաքապետի պաշտոնակատար Դավիթ Սարգսյանի, ծրագրի գործընկերի մասնակցությամբ տեղի է ունեցել Հայաստանում Ճապոնիայի դեսպանության և Հայաստանի համայնքների միության միջև դրամաշնորհային ծրագրի պայմանագրի ստորագրման արարողությունը։

Հայաստանի համայնքների միության կողմից մշակված «Դիլիջանում խոցելի խմբերի ներկայացուցիչներին աջակցելու համար սոցիալական ձեռնարկատիրության և մասնագիտական ուսուցման կենտրոնի ստեղծում» ծրագրի գործընկերներն են «Իրավաբանների հայկական ասոցիացիա» հ/կ-ն,  «Հայաստանի սոցիալական ձեռնարկությունների ասոցիացիան», «Միջմշակութային հետազոտությունների, ուսուցման և երկխոսության միջազգային կենտրոն» հ/կ-ն, «ԵՊՀ ձեռներեցության զարգացման կենտրոն»-ը:

Մարտի 19-ին տեղի է ունեցել ծրագի պաշտոնական մեկնարկի արարողությունը: Ծրագրի շրջանակներում խոցելի՝ մասնավորապես հաշմանդամություն ունեցող անձանց համար Դիլիջանում կստեղծվի սոցիալական ձեռնարկատիրության և մասնագիտական ուսուցման կենտրոն։

Հայաստանում Ճապոնիայի արտակարգ և լիազոր դեսպան Ջուն Յամադան կարևորել է սոցիալական ձեռնարկությունների մասնակցությունը կայուն ապագա ստեղծելու գործում՝ դրանք բնորոշելով որպես քաղաքացիների բարեկեցությունը խթանող հիմնական կազմակերպություններ: Հայաստանում Ճապոնիայի արտակարգ և լիազոր դեսպանը մասնավորապես նշել է. «Զբոսաշրջային մեծ ներուժ ունեցող Դիլիջանում ստեղծվելիք Լանդրոմատ ՍՁ սրճարանը նպատակ ունի կայուն զբաղվածության հնարավորություններ ստեղծել հաշմանդամություն ունեցող անձանց համար: Այս եզակի կենտրոնը կծառայի և՛ որպես սոցիալական ձեռնարկատիրության օրինակ, և՛ որպես գիտելիքների փոխանակման ու վերապատրաստման կենտրոն: Արդյունքում ծրագիրը կունենա տարեկան ավելի քան 360 շահառու»:

Հայաստանի համայնքների միության նախագահ Էմին Երիցյանը վստահություն է հայտնել, որ նախաձեռնությունը հաջողություն կունենա, քանի որ ծրագրում ընդգրկված են ոլորտի ամենափորձառուները։ Միության նախագահը մասնավորապես նշել է. «Ծրագիրը հավակնում է դառնալ մոդելային. Տավուշում, Դիլիջանում գործելու դեպքում պետական, տեղական և մասնագիտական մարմինների միջև համագործակցությունը կարող է դառնալ մուլտիպլիկատիվ և տարածվել այլ շրջաններում»:

Աշխատանքի և սոցիալական հարցերի նախարարի տեղակալ Ռուբեն Սարգսյանը հույս է հայտնել, որ Դիլիջանում hիմնվելիք կենտրոնը կնպաստի աշխատաշուկայում անմրցունակ անձանց հետ տարվող հետևողական աշխատանքների իրականացմանը՝ մասնագիտական հմտությունների ձեռքբերման և կայուն աշխատանք գտնելու նոր հնարավորությունների ստեղծման միջոցով:

Կողմերը հույս են հայտնել, որ Հայաստանի համայնքների միության կողմից մշակված «Դիլիջանում խոցելի խմբերի ներկայացուցիչներին աջակցելու համար սոցիալական ձեռնարկատիրության և մասնագիտական ուսուցման կենտրոնի ստեղծում» ծրագիրը արդյունավետ քայլ կլինի Հայաստանի կայուն համայնքային զարգացման համար։


ՆՈՐՈՒԹՅՈՒՆՆԵՐ

«Դաշինք՝ հանուն կայուն և կանաչ կառավարման» ծրագրի շրջանակներում Վանաձորի համայնքապետարանում կայացել է աշխատանքային հանդիպում
«Դաշինք՝ հանուն կայուն և կանաչ կառավարման» ծրագրի շրջանակներում Վանաձորի համայնքապետարանում կայացել է աշխատանքային հանդիպում

22:52

09 04 2021

Ապրիլի 9-ին Վանաձորի համայնքապետարանում տեղի է ունեցել աշխատանքային հանդիպում՝ Եվրոպական...

ՏԻՄ ընտրություններում 6 ամսվա հաշվառման պահանջը հակասում է Սահմանադրությանը
ՏԻՄ ընտրություններում 6 ամսվա հաշվառման պահանջը հակասում է Սահմանադրությանը

12:47

31 03 2021

Սահմանադրության 48-րդ հոդվածի 3-րդ կետով սահմանվել է. «Տեղական ինքնակառավարման մարմինների...

Կոչ ՀՀ կառավարությանը. օրենքով սահմանված կարգով և ժամկետներում հիշատակված համայնքներում նշանակել ավագանու ընտրություններ
Կոչ ՀՀ կառավարությանը. օրենքով սահմանված կարգով և ժամկետներում հիշատակված համայնքներում նշանակել ավագանու ընտրություններ

11:04

31 03 2021

Կոչ եմ անում ՀՀ կառավարությանը հանձնառու մնալ ժողովրդավարության սկզբունքներին, օրենքով սահմանված...

Եվրոպայի խորհրդի Կոնգրեսը սահմանել է 2021-2026 թվականների համար առաջնահերթությունները
Եվրոպայի խորհրդի Կոնգրեսը սահմանել է 2021-2026 թվականների համար առաջնահերթությունները

11:06

25 03 2021

Ստրասբուրգում մարտի 23-24-ին անցկացվել է Եվրոպայի խորհրդի տեղական ու տարածքային իշխանությունների...

Էմին Երիցյանն ընտրվել է Եվրոպայի խորհրդի Կոնգրեսի փոխնախագահ
Էմին Երիցյանն ընտրվել է Եվրոպայի խորհրդի Կոնգրեսի փոխնախագահ

11:43

24 03 2021

Ստրասբուրգում մարտի 23-24-ին անցկացվում է Եվրոպայի խորհրդի տեղական ու տարածքային...