Դեկտեմբերի 7-ը՝ երկրաշարժի զոհերի հիշատակի օր
07.12.2021
1988թ․ աղետալի երկրաշարժից 33 տարի է անցել: Այսօր մենք մեր խոնարհումն ենք բերում աղետալի երկրաշարժի անմեղ զոհերի հիշատակին:
Այսօր մեր պարտքն է եւս մեկ անգամ երախտագիտությամբ հիշել բոլորին` փրկարարներին ու շինարարներին, օդաչուներին ու պետական այրերին, ջուր եւ հաց հասցնողներին, վրան ուղարկողներին: Բոլորին:
Աղետ, որի պատճառով վայրկյանների ընթացքում ավերածություններ եղան Հայաստանի 21 քաղաքներում և 324 գյուղերում, ոչնչացվեց Սպիտակ քաղաքն ու հարակից գյուղերը, քանդվեց Հայաստանի երկրորդ քաղաքի` Գյումրիի (Լենինական) շինությունների 80 տոկոսը, վնասներ կրեց Վանաձորը: Բնական արհավիրքն ընդգրկեց երկրի տարածքի ավելի քան 40%-ը` Շիրակի, Լոռու, Արագածոտնի ու Տավուշի մարզերը:
33 տարի առաջ դեկտեմբերի 7-ին ժամը 11:41-ին, պաշտոնական տվյալներով, ընդամենը 30 վայրկյանի ընթացքում բնական աղետը դարձավ 25 հազար մարդու մահվան պատճառ, 100 հազարը ստացան մարմնական տարբեր աստիճանի վնասվածքներ, 500 ընտանիք մնաց անօթևան:
Այսօր մեր համայնքները չսպիացած վերքերով, բայց վստահ քայլերով գնում են դեպի զարգացում՝ հաղթահարելով ամենօրյա դժվարություններն ու մարտահրավերները:
Եվս մեկ անգամ խոնարհվում ենք երկրաշարժի անմեղ զոհերի հիշատակին, այս դժվարին օրերին բոլորիս մաղթում խաղաղություն, լավատեսություն և ուժ:
33 տարի առաջ համամարդկային աջակցության կոչն էր «Քեզ համար, Հայաստա՛ն»-ը, բառեր, որոնք այսօր էլ իմաստավորվում են ամեն օր, յուրաքանչյուրիս աշխատանքով՝ զարգացնելու մեր համայնքները՝ Սպիտակը, Գյումրին, Շիրակամուտն ու Վանաձորը և ողջ Հայաստանը:
Հայաստանի համայնքների միություն
20:28
03 04 2024
Ապրիլի 1-2-ին ԵՀ «Քաղաքապետերի դաշնագիր՝ Արևելք» տարածաշրջանային ծրագրի ղեկավար...
20:53
01 04 2024
Ապրիլի 1-ին ՀՀ տարածքային կառավարման և ենթակառուցվածքների նախարարությունում (ՏԿԵՆ) տեղի է...
12:37
07 12 2023
Երևանում դեկտեմբերի 5-6-ին անցկացվել է «Համայնքային էներգետիկ կառավարման համակարգի...
10:04
01 11 2023
Եվրոպայի խորհրդի տեղական և տարածքային իշխանությունների կոնգրեսը (ԵԽ Կոնգրես) մտահոգություն է...
13:26
30 10 2023
Ստրասբուրգում անցկացված Եվրոպայի խորհրդի տեղական և տարածքային իշխանությունների կոնգրեսի (ԵԽ...
19:09
26 10 2023
Եվրոպայի խորհրդի տեղական և տարածքային իշխանությունների կոնգրեսի (ԵԽ կոնգրես) 45-րդ նստաշրջանի...
22
Նմբ
26
Հոկ
25
Հոկ