Կոչ ՀՀ կառավարությանը. օրենքով սահմանված կարգով և ժամկետներում հիշատակված համայնքներում նշանակել ավագանու ընտրություններ

Կոչ ՀՀ կառավարությանը. օրենքով սահմանված կարգով և ժամկետներում հիշատակված համայնքներում նշանակել ավագանու ընտրություններ

31.03.2021

Կոչ եմ անում ՀՀ կառավարությանը հանձնառու մնալ ժողովրդավարության սկզբունքներին, օրենքով սահմանված կարգով և ժամկետներում հիշատակված համայնքներում նշանակել ավագանու ընտրություններ։

Կոչ ՀՀ կառավարությանը

Համավարակով պայմանավորված արտակարգ դրության, ապա նաև ռազմական դրության հետևանքով Հայաստանում ստիպված էինք ընդունել ժողովրդավարական սկզբունքների սահմանափակման մի շարք մարտահրավերներ, այդ թվում՝ տեղական ժողովրդավարության ոլորտում։

Ցավալի է, որ այդ ընթացքում բավարար ճկունություն չդրսևորեցինք համապատասխան օրենսդրական փոփոխություններով ու քաղաքականությամբ ապահովելու տեղական ինքնակառավարման անընդհատությունն ու երաշխավորումը Հայաստանի Հանրապետության ողջ տարածքում։

Այդպիսով, ՀՀ մի շարք համայնքներում բացակայում են ընտրված ավագանիներ, ընտրված համայնքապետեր, իսկ դրանցից որոշներում միաժամանակ բացակայում են ընտրված ավագանին և համայնքի ղեկավարը։

2021թ. մարտի 24-ին ՀՀ Ազգային ժողովն ընդունեց «Հայաստանի Հանրապետությունում ռազմական դրությունը վերացնելու մասին» որոշում՝ հնարավորություն տալով վերադառնալ ու վերականգնել ժողովրդավարական նորմերը նաև համայնքների մակարդակում։

Այնուամենայնիվ, տպավորություն ունեմ, որ նշված համայնքներում ժողովրդավարական ինստիտուտների վերականգնման համար քայլեր չեն նախատեսվում՝ դրանք թողնելով ՀՀ ԿԸՀ-ի կողմից աշնանը նշանակված ընտրությունների օրերին։

Մինչդեռ, «Տեղական ինքնակառավարման մասին» ՀՀ օրենքի  հոդված 72-ի 2-րդ կետով սահմանվում է. «Ռազմական կամ արտակարգ դրության ժամանակ ավագանու ընտրություն չի անցկացվում, իսկ ավագանու լիազորությունների ժամկետը երկարաձգվում է մինչև ռազմական կամ արտակարգ դրության ավարտից հետո նորընտիր ավագանու առաջին նիստը, որը հրավիրվում է ավագանու ընտրության արդյունքների պաշտոնական հրապարակումից հետո` 10-րդ օրը: Այս դեպքում ավագանու ընտրությունն անցկացվում է ռազմական կամ արտակարգ դրության ավարտից հետո ոչ շուտ, քան հիսուն և ոչ ուշ, քան վաթսունհինգ օրվա ընթացքում»:

Կոչ եմ անում ՀՀ կառավարությանը հանձնառու մնալ ժողովրդավարության սկզբունքներին, օրենքով սահմանված կարգով և ժամկետներում հիշատակված համայնքներում նշանակել ավագանու ընտրություններ։

Հայաստանի համայնքների միության նախագահ

Էմին Երիցյան

31-ը մարտի, 2021թ.


ՆՈՐՈՒԹՅՈՒՆՆԵՐ

«Դաշինք՝ հանուն կայուն և կանաչ կառավարման» ծրագրի շրջանակներում Վանաձորի համայնքապետարանում կայացել է աշխատանքային հանդիպում
«Դաշինք՝ հանուն կայուն և կանաչ կառավարման» ծրագրի շրջանակներում Վանաձորի համայնքապետարանում կայացել է աշխատանքային հանդիպում

22:52

09 04 2021

Ապրիլի 9-ին Վանաձորի համայնքապետարանում տեղի է ունեցել աշխատանքային հանդիպում՝ Եվրոպական...

ՏԻՄ ընտրություններում 6 ամսվա հաշվառման պահանջը հակասում է Սահմանադրությանը
ՏԻՄ ընտրություններում 6 ամսվա հաշվառման պահանջը հակասում է Սահմանադրությանը

12:47

31 03 2021

Սահմանադրության 48-րդ հոդվածի 3-րդ կետով սահմանվել է. «Տեղական ինքնակառավարման մարմինների...

Եվրոպայի խորհրդի Կոնգրեսը սահմանել է 2021-2026 թվականների համար առաջնահերթությունները
Եվրոպայի խորհրդի Կոնգրեսը սահմանել է 2021-2026 թվականների համար առաջնահերթությունները

11:06

25 03 2021

Ստրասբուրգում մարտի 23-24-ին անցկացվել է Եվրոպայի խորհրդի տեղական ու տարածքային իշխանությունների...

Էմին Երիցյանն ընտրվել է Եվրոպայի խորհրդի Կոնգրեսի փոխնախագահ
Էմին Երիցյանն ընտրվել է Եվրոպայի խորհրդի Կոնգրեսի փոխնախագահ

11:43

24 03 2021

Ստրասբուրգում մարտի 23-24-ին անցկացվում է Եվրոպայի խորհրդի տեղական ու տարածքային...

Եվրոպայի խորհրդի Կոնգրեսի նախագահ է ընտրվել Լինդեր Վերբիկը
Եվրոպայի խորհրդի Կոնգրեսի նախագահ է ընտրվել Լինդեր Վերբիկը

14:12

23 03 2021

Ստրասբուրգում մեկնարկել է Եվրոպայի խորհրդի տեղական և տարածքային իշխանությունների կոնգրեսի (ԵԽ...