Հայաստանի համայնքները կմիանան ԵՄ կայուն էներգիայի շաբաթվան. միջոցառումները՝ վիրտուալ եղանակով

Հայաստանի համայնքները կմիանան ԵՄ կայուն էներգիայի շաբաթվան. միջոցառումները՝ վիրտուալ եղանակով

11.06.2020

Ավանդական դարձած ԵՄ Կայուն էներգիայի շաբաթը 2020 թվականին կանցկացվի հունիսի 22-ից մինչև 26-ը:

ԵՄ Կայուն էներգիայի շաբաթվա (ԵՄԿԷՇ) ընթացքում աշխարհի 60 երկրներում Քաղաքապետերի դաշնագրին անդամակցող ավելի քան 10.000 համայնքներ կազմակերպում են Էներգիայի օրեր, որոնց նպատակն է համայնքների բնակչության և շահառուների իրազեկումը էներգաարդյունավետության, վերականգնվող էներգետիկ ռեսուրսների ու էներգաարդյունավետ տեխնոլոգիաների կիրառման, կանաչ զարգացման, և կլիմայի փոփոխության մեղմման ու հարմարվողականության մասին: Սովորաբար, միջոցառումների շրջանակներում կազմակերպվում են աշխատաժողովներ, ցուցահանդեսներ, պարային հանդեսներ, նկարչական մրցույթներ, բաց դռների օրեր և այլն:

COVID-19 պանդեմիայի պատճառով, «Ճգնաժամից դուրս՝ մաքուր էներգիա կանաչ վերականգնման և աճի համար» խորագրով շաբաթն այս տարի կկազմակերպվի վիրտուալ եղանակով: Այս հանգամանքը որոշակիորեն սահմանափակում է շաբաթվա ընթացքում կազմակերպվող միջոցառումների ձևաչափը, սակայն միևնույն ժամանակ հնարավորություն է ընձեռում հանրության իրազեկման և հանրային միջոցառումների ու մրցույթների նորարարական (թվային) մոտեցումների կիրառման համար:

Հայաստանի համայնքների միության աշխատակազմը և «Քաղաքապետերի դաշնագիր՝ Արևելք» (CoM East) ծրագրի ազգային փորձագետներն այս օրերին Դաշնագրին անդամակցող համայնքներին տրամադրում են տեխնիկական և փորձագիտական աջակցություն Հայաստանում կայուն էներգիայի օրեր կազմակերպելու համար, իրազեկում, կոչ անում նրանց միանալ համաեվրոպական այս շարժմանը:

«Քաղաքապետերի դաշնագիր՝ Արևելք» (CoM East) ծրագիրն իրականացվում է ԵՄ կողմից Արևելյան գործընկերության 6 երկրներում: Հայաստանի 27 համայնքներ միացել են Դաշնագրին: Դաշնագրի ազգային աջակիցներից է Հայաստանի համայնքների միությունը:

Ծրագրի հիմնական նպատակներն են՝ Դաշնագրին անդամակցող համայնքների կարողությունների զարգացում, իրազեկության բարձրացում, տեխնիկական աջակցություն համայնքներին Գործողությունների ծրագրերի մշակման, իրականացման և մշտադիտարկման գործում, շահառուների հետ կապերի ուժեղացում և դոնորների ներգրավումը:

Քաղաքապետերի դաշնագիրը ԵՄ առաջին և ամենահավակնոտ նախաձեռնությունն է, որն ուղղակիորեն թիրախավորում է տեղական իշխանություններին և դրանց քաղաքացիներին՝ համաշխարհային կլիմայական փոփոխության դեմ պայքարի ղեկավարումը:


ՆՈՐՈՒԹՅՈՒՆՆԵՐ

Շնորհավոր տոնդ, Սպիտա′կ
Շնորհավոր տոնդ, Սպիտա′կ

12:49

15 07 2020

Շնորհավորում ենք սպիտակցիներին քաղաքի օրվա կապակցությամբ:

«Տեղական ինքնակառավարման արդիական ֆինանսական հիմնահարցերը ՀՀ-ում» թեմայով վեբինարի մասնակցության հրավեր
«Տեղական ինքնակառավարման արդիական ֆինանսական հիմնահարցերը ՀՀ-ում» թեմայով վեբինարի մասնակցության հրավեր

15:46

09 07 2020

Հայաստանի համայնքների միությունը Վիշեգրադի միջազգային հիմնադրամի աջակցությամբ իրականացնում է...

«Տեղական ինքնակառավարման արդիական իրավական հիմնահարցերը ՀՀ-ում» թեմայով վեբինարի մասնակցության հրավեր
«Տեղական ինքնակառավարման արդիական իրավական հիմնահարցերը ՀՀ-ում» թեմայով վեբինարի մասնակցության հրավեր

12:44

09 07 2020

Հայաստանի համայնքների միությունը Վիշեգրադի միջազգային հիմնադրամի աջակցությամբ իրականացնում է...

Վեբինարներ՝ համայնքի ղեկավարների, ավագանու անդամների, համայնքային ծառայողների և այլ շահագրգիռ անձանց համար
Վեբինարներ՝ համայնքի ղեկավարների, ավագանու անդամների, համայնքային ծառայողների և այլ շահագրգիռ անձանց համար

11:32

09 07 2020

Հարգելի՛ գործընկերներ, Հայաստանի համայնքների միությունը Վիշեգրադի միջազգային հիմնադրամի...

Հայտնի են «Կանաչ և կայուն զարգացում» լուսանկարչական (սելֆիների) մրցույթի հաղթողները
Հայտնի են «Կանաչ և կայուն զարգացում» լուսանկարչական (սելֆիների) մրցույթի հաղթողները

14:45

03 07 2020

Հայտնի են «Կանաչ և կայուն զարգացում» լուսանկարչական (սելֆիների) մրցույթի հաղթողները:...